WBC, WBA, IBF جانە IBO نۇسقالارى بويىنشا ورتا سالماقتا الەم چەمپيونى گەننادي گولوۆكين امەريكالىق دەننيەل دجەيكوبسقا قارسى جەكپە-جەككە دايىندىقتى باستاپ كەتتى.
قازاقستاندىق بوكسشى مەرەكە كۇندەرىن جانۇياسىمەن قارسى الۋ ءۇشىن 7 جەلتوقساننان باستاپ
دەمالىستا بولعان. Big Bear جاتتىعۋ لاگەرىنە ول 3 قاڭتار كۇنى
كەلگەن بولاتىن.
ال ونىڭ قارسىلاسى دەمالىسسىز دايىندالىپ ءجۇر. امەريكالىققا سپاررينگ سەرىكتەس رەتىندە ورتا سالماقتاعى ءۇش بىردەي بوكسشى كومەكتەسۋدە. ولار: 28 جاستاعى ۋكراين ەۆگەني حيتروۆ (14-0, 12 كو), 37 جاستاعى گرۋزين اۆتانديل حۋرتسيدزە (32-2-2, 21 كو) جانە 31 جاستاعى ۋكراين سەرگەي دەرەۆيانچەنكو (9-0, 7 كو). سونداي-اق, ول قوسىمشا تاماقتانۋ مامانىن دا جالداعان, دەپ حابارلادى vesti.kz.
جاتتىقتىرۋشىسى اندرە روزەنىڭ ايتۋى بويىنشا دجەيكوبس بۇل كەزدەسۋگە 195 پايىزعا دايىن.
گولوۆكين باپكەرى ابەل سانچەسپەن (سول جاقتا) جانە پروموۋتەرى توم لەففلەرمەن.
«ۋكراينا اتاماندارى» كلۋبىنىڭ بۇرىنعى بوكسشىسى سەرگەي بوگاچۋكپەن.
ايتا كەتەيىك, قوس بوكسشىنىڭ اراسىنداعى ايقاس 18 ناۋرىز كۇنى اقش-تىڭ نيۋ-يورك قالاسىنداعى Madison Square Garden ارەناسىندا وتەدى.
