ونىمدەرىن ەكسپورتقا شىعارادى

ەلىمىزدىڭ اۋىلشارۋاشىلىق ءوندىرىسى قازىرگى كەزدە شيكىزات شىلاۋىنان ءونىمدى وڭدەۋ جانە ءازىر ازىق-ت ۇلىك ونىمدەرىن شىعارۋ بەلەسىنە بەت بۇردى. سولاردىڭ ءبىرى, ءتىپتى ءبىرى ەمەس-اۋ, بىرەگەيى «بەلەس» كومپانيالار توبى دەسەك, قاتەلەسپەيمىز. وسىناۋ ۇلكەن ءوندىرىس وشاعى وتكەن جىلدى تابىستى قورىتىندىلاپ, جاڭا جىلعا جاڭا مىندەتتەر بەلگىلەپ وتىر. ايتالىق, اتالعان ۋاقىت ارالىعىندا مۇنداعى وندىرىلگەن ۇن جانە ۇن ونىمدەرى جوعارى ساپالى قاسيەتتەرىمەن جانە باسەكەگە قابىلەتتىلىگىمەن ەرەكشەلەندى. سونىڭ ناتيجەسىندە, بۇل ونىمدەر تەك ءوز وتانداستارىمىزدىڭ عانا ەمەس, سونىمەن بىرگە تاياۋ جانە الىس شەت ەلدەردەگى تۇتىنۋشىلار اراسىندا دا بيىك باعاعا يە بولدى. وسىنداي وڭ پىكىردى «بەلەس» كومپانيالار توبىنا قاراستى «تەرەكتى ماي كومبيناتى» جشس-نا قاتىستى دا ايتۋعا ابدەن بولادى. اتالعان كاسىپورىندى ونىڭ بۇرىنعى يەلەرى ابدەن تۇرالاتىپ, تيتىقتاتىپ تىنعانى ەشكىمگە دە قۇپيا ەمەس. وسىنداي سىني كەزەڭدە مۇندا جۇرگىزىلگەن قايتا جاراقتاندىرۋ مەن جاڭعىرتۋ جۇمىستارى, وسىمدىك مايى ءوندىرىسىن وركەندەتۋ جونىندە بەلگىلەنگەن تاكتيكالىق جانە ستراتەگيالىق شەشىمدەر كومبيناتتىڭ ەكىنشى تىنىسى اشىلۋىنا مۇمكىندىك تۋعىزدى. ەڭ باستىسى, وتاندىق ءونىم ءوزىنىڭ ساپالىق قاسيەتى مەن باسەكەگە توتەپ بەرە بىلەتىندىگى بويىنشا وزگە ەلدەردەن جەتكىزىلگەن ءوزى تەكتەس ونىمدەردى ىعىستىرا باستادى. بۇل تابىستاردىڭ ءبىر سىرىن جاڭاشا ويلاي بىلەتىن, وتاندىق كاسىپورىن جەتەكشىسى, «بەلەس» كومپانيالار توبىنىڭ باسشىسى, مەرەيلى مەنەدجەر مۇرات جاكىباەۆتىڭ ەسىمىمەن بايلانىستىرىپ جۇرگەندەر دە بار. مىسالى, وسىدان جىل بۇرىن قازىرگى «بەلەس» كومپانيالار توبىندا نەبارى 40 ادام جۇمىس جاساپ كەلىپتى, ال قازىرگى كۇنى وتاندىق كاسىپورىندا ەڭبەك ەتەتىن جۇمىسشىلاردىڭ سانى 700-دەن اسىپ وتىر. ولاردىڭ الاتىن ورتاشا ايلىق جالاقىلارىنىڭ مولشەرى دە قوماقتى. بۇل ءوسۋ مە, ءوسۋ, ورلەۋ مە, ورلەۋ ارينە. ونىڭ نەشە ەسە ەكەنىن كوزى قاراقتى وقىرمان ءوزى ءتۇيسىنىپ وتىرعان شىعار. بۇگىنگى اڭگىمەمىزدىڭ باستى قازىعى «بەلەستىڭ» وتكەن جىلى قول جەتكىزگەن جەتىستىكتەرى ەكەنىن ەسكەرسەك, وسى ورايدا وقىرماندار نازارىنا تاعى بىرەر دەرەكتى بەرە كەتكەننىڭ ارتىقشىلىعى جوق سەكىلدى. ايتالىق, وتكەن 2016 جىلى بەلەستىكتەر 32 000 توننا ازىق-ت ۇلىك ونىمدەرىن وندىرگەن بولسا, ونىڭ تابانى كۇرەكتەي 20 مىڭ تونناسى ەكسپورتقا شىعارىلىپتى. بۇل از تابىس پا؟ از ەمەس, ارينە. سونىمەن بىرگە, «بەلەستىڭ» سالىق تولەۋشى وزىق وتاندىق كاسىپورىن رەتىندە دە ءباسى بيىك تۇر. ءسوزىمىز جالاڭ بولماس ءۇشىن بۇعان دا ءبىر دەرەك كەلتىرە كەتكەن ءجون. ياعني, وتكەن جىلى «بەلەس» كومپانيالار توبىنىڭ بيۋدجەت قورجىنىنا, ياعني مەملەكەتتىڭ ورتاق قازىناسىنا تۇسىرگەن سالىعىنىڭ مولشەرى ءبىر ميلليارد بەس ءجۇز ميلليون تەڭگەگە جۋىقتادى. مىنە, «بەلەس» باعىندىرعان بەلەستەردىڭ كەيبىر مىسالدارى وسىنداي. تەمىر قۇسايىن, «ەگەمەن قازاقستان» باتىس قازاقستان وبلىسى