الدىڭعى قاتارلى ەلدەر 7,7 ترلن دوللار قارىزىن بيىل جابۋى كەرەك

الەمنىڭ وزىق ەلدەرىنىڭ ۇكىمەتتەرى 2017 جىلى شامامەن 7,7 ترلن دوللارداي قارىزدى قايتارۋدىڭ جولدارىن قاراستىرۋعا ءتيىس, دەپ جازادى abctv.kz. بىرقاتار مەملەكەت ءۇشىن تابالدىرىقتان اتتاعان جىلدا قارىز قۇنى ەسەلەنەدى, ويتكەنى وبليگاتسيالار نارىعىندا وتىز جىل كولەمىندە بوي كورسەتكەن ءوسىم ترەندىنىڭ ودان ءارى شارىقتاۋ مۇمكىندىگى تاۋسىلدى, دەپ اتاپ وتەدى ساراپشىلار. G7 جانە بريك (برازيليا, رەسەي, ءۇندىستان جانە قىتاي) ەلدەرى وتەيتىن ۆەكسەل, نوتا مەن وبليگاتسيانىڭ كولەمى (شامامەن 7 ترلن دوللاردى قۇرايدى) بيىل 2016 جىلعى دەڭگەيدەن 8%-عا جوعارى بولماقشى. بۇل تۋرالى Bloomberg اگەنتتىگىنىڭ مالىمەتتەرى راستايدى. اتاپ ايتقاندا, قىتاي بيىل 588 ملرد دوللار قارىزدى قايتارۋعا مىندەتتى – بۇل الدىڭعى جىلمەن سالىستىرعاندا 132%-عا كوپ. Pioneer Investment Management Ltd جانە Old Mutual Global Investors Ltd سەكىلدى باسقارۋشى كومپانيالار وبليگاتسيا نارىعىندا قۇلدىراۋ ترەندى ورىن الادى دەپ بولجايدى, يا بولماسا  نارىقتىڭ بولاشاعى ب ۇلىڭعىر دەپ ايتۋدا. ولاردىڭ پىكىرىنشە, ينفلياتسيانى ىنتالاندىرۋ شارالارى, سونداي-اق بيۋدجەتتىك ىنتالاندىرۋ ەكونوميكاداعى ءوسىمنىڭ قوزعاۋشى كۇشى رەتىندەگى كرەديتتىك-اقشا ساياساتىنىڭ بىرتىندەپ ورنىن باسىپ, ءارى قاراي مەملەكەتتىك قۇندى قاعازداردىڭ كىرىسىن ارتتىرۋعا ىقپال ەتەدى.