برەندون ريوس: پاكياو گولوۆكينمەن جۇدىرىقتاسۋى ءتيىس

جەڭىل سالماقتا بۇرىنعى الەم چەمپيونى امەريكالىق برەندون ريوستىڭ ايتۋىنشا, فيليپپيندىك مەنني پاكياو مانسابىن اياقتاۋى ءتيىس نەمەسە سالماعىن ارتتىرىپ قازاقستاندىق گەننادي گولوۆكينمەن جەكپە-جەك وتكىزۋى كەرەك. بۇل تۋرالى vesti.kz حابارلادى. «مەنىڭ ويىمشا, پاكياو سپورتتان كەتىپ, بوكسقا كەلگەن جاستارعا ورىن بەرۋى كەرەك. ول فلويدپەن تاعى دا كۇش سىناسقىسى كەلەدى, بىراق ونى بارلىعى كورگەن. ەندى مۇنداي قوماقتى قارجىنى تولەۋى ەكىتالاي. مەننيدى ءوز باسىم قۇرمەتتەيمىن. بىراق سالماعىن ارتتىرىپ, الۆارەسپەن نەمەسە گولوۆكينمەن جۇدىرىقتاسپاسا, قازىرگى ۋاقىتتا وعان لايىق قارسىلاس بار دەپ ايتا المايمىن», – دەدى امەريكالىق بوكسشى ES News باسىلىمىنا بەرگەن سۇحباتىندا. ايتا كەتەيىك, فيليپپيندىك بىلعارى قولعاپ شەبەرى سوڭعى رەت 2015 جىلدىڭ قاراشاسىندا دجەسسي ۆارگاسپەن كەزدەسكەن بولاتىن. جەكپە-جەك بارلىعى 12 راۋندقا سوزىلىپ, مەنني پاكياونىڭ جەڭىسىمەن اياقتالعان. بۇل جەڭىستەن كەيىن ول WBO نۇسقاسى بويىنشا جارتىلاي ورتا سالماقتا چەمپيون اتاندى.