2016 جىلدىڭ جىلجىمايتىن م ۇلىك نارىعىنداعى 9 وزگەرىس

2016 جىل قازاقستاننىڭ جىلجىمايتىن م ۇلىك نارىعى ءۇشىن ايتۋلى وقيعالارعا تولى بولدى. اتاپ ايتار بولساق, ۇلەسكەرلەردىڭ قۇقىعىن قورعاۋ كۇشەيتىلدى, مەملەكەتتىك باعدارلامامەن ءۇي قۇرىلىسى كوبەيدى, ءۇي قۇرىلىسىنىڭ جاڭا باعدارلاماسى قابىلداندى.  1. جاڭا ۇيلەر مەملەكەتتىك كوميسسياسىز قابىلدانادى 2016 جىلدىڭ 1 قاڭتارىنان باستاپ "ارحيتەكتۋرا, قالا قۇرىلىسى جانە قۇرىلىس جۇمىستارى تۋرالى" زاڭعا ەنگىزىلگەن تۇزەتۋلەر مەن وزگەرىستەر كۇشىنە ەندى. ەندى قابىلداناتىن قۇرىلىسقا مەملەكەتتىك كوميسسيانىڭ تەكسەرىسى كەرەك ەمەس. ال ءۇيدى قابىلداۋ تۋرالى اكتتى تەك مەردىگەر كومپانيانىڭ مامانى تولتىرسا جەتكىلىكتى. ال قۇرىلىستا كىنارات بولسا, جاۋاپكەرشىلىك مەردىگەر كومپانياعا تۇسەدى.  2. ونلاين حابارلاندىرۋداعى ءۇي باعاسىن تەك تەڭگەمەن كورسەتۋ كەرەك قازاقستان رەسپۋبليكاسىنىڭ ۇلتتىق بانكى مەن ۇكىمەت ەلدە دوللارسىزداندىرۋ ساياساتى اياسىندا وسىنداي جاڭالىق ەنگىزدى. 3. ء"وز ءۇيىم" اتتى داعدارىسقا قارسى ارنايى باعدارلاما رەسمي تۇردە باستالدى بانكتەر وزدەرىنىڭ سالىمشىلارى ءۇشىن ءۇي سالا باستاعان ەڭ العاشقى ءوڭىر قىزىلوردا وبلىسى بولدى. ء"وز ءۇيىم" باعدارلاماسى اياسىندا ءۇش باعىت قاراستىرىلعان: جەرگىلىكتى اتقارۋشى ورگانمەن بىرگە جۇمىس ىستەۋ, مەملەكەتتىك-جەكە مەنشىك ارىپتەستىك جانە ەكىنشى دەڭگەيلى بانكتەرمەن ارىپتەستىك. 2022 جىلعا دەيىن وسى باعدارلاما ارقىلى سالىنعان ۇيلەر 1,5 ملن شارشى مەترگە جەتەدى دەپ كۇتىلۋدە. 4. 11 مىڭنان استام يپوتەكا يەسى مەملەكەتتەن قايتا قارجىلاندىرۋ الدى 2016 جىلدىڭ 15 ساۋىرىنە دەيىن 21 مىڭنان استام ءوتىنىش كەلىپ ءتۇستى. ولار ەكىنشى دەڭگەيلى بانكتەردىڭ تۇتىنۋشىلارى. سونىڭ ىشىندە 14 مىڭى ماقۇلدانىپ, 11 020 ادامعا مەملەكەتتەن قايتا قارجىلانلدىرۋ بەرىلدى. 5. بانكتەردىڭ يپوتەكالىق نەسيەسى باسەڭدەدى تەڭگە باعامىنىڭ ەركىن اينالىمدا بولۋى, جىلجىمايتىن م ۇلىك نارىعىنداعى تۇراقسىزدىق, ەلدىڭ ساتىپ الۋ مۇمكىندىگىنىڭ ازيۋى, سونىمەن قاتار تەڭگەنىڭ تاپشىلىعى جانە بانكتەر ءۇشىن بازالىق ۇستەمەنىڭ كوتەرىلۋى بانكتەردىڭ يپوتەكا بەرۋگە دەگەن ىنتاسىن ءتۇسىردى. 6. جىلجىمايتىن م ۇلىكتى راسىمدەۋ وڭايلادى "ازاماتتارعا ارنالعان ۇكىمەت" مەملەكەتتىك كورپوراتسياسى جىلجىمايتىن م ۇلىكتىڭ مەملەكەتتىك بىرىڭعاي كاداسترىن قۇردى. بۇل جىلجىمايتىن م ۇلىكتى راسىمدەۋدە قۇجاتتاردى قىسقارتىپ, راسىمدەۋ جۇمىستارىن بارىنشا از ۋاقىتتا ىستەۋگە مۇمكىندىك بەردى. 7. جەر زاڭناماسىنا ەنگىزىلگەن موراتوري 5 جىلعا ۇزارتىلدى اقورداداعى جيىندا مەملەكەت باسشىسى وسىلاي بۇيىردى. 8. ۇلەسكەرلىك قۇرىلىس تۋرالى زاڭ كۇشىنە ەندى قازاقستاننىڭ ۇلەسكەرلىك قۇرىلىس سالاسى جاڭا زاڭمەن جۇمىس ىستەي باستادى. جاڭا زاڭ نورماسى ۇلەسكەر بولۋدى وڭايلاتىپ, ۇلەسكەرلەردىڭ قۇقىعىن قورعاۋ تەتىكتەرىن كۇشەيتتى. 9. "نۇرلى جەر" باعدارلاماسى ماقۇلداندى اتالعان باعدارلاما بويىنشا قازاقستاندا ءۇي سالۋدىڭ جاڭا تەتىگى دايىندالادى. 9 جىلدا ۇكىمەت 100 ملن-نان استام شارشى مەتر ءۇي سالماق.