امير حان: الۆارەس گولوۆكيندى ۇتۋى مۇمكىن

بريتانيالىق بوكسشى امير حان مەكسيكالىق ساۋل «كانەلو» الۆارەستىڭ كۇشىنە ەش ءشۇبا كەلتىرمەيدى. ونىڭ ايتۋىنشا, «كانەلو» قازاقستاندىق گەننادي گولوۆكيندى جەڭۋى ابدەن مۇمكىن. بۇل تۋرالى sports.kz حابارلادى. «مەنىڭشە, كوپشىلىگى الۆارەستى ءجوندى باعلامايدى. ول تاجىريبەلى, مىقتى, جىلدام قوزعالاتىن بوكسشى. وزگەلەر سەكىلدى ونى جەڭەتىنىمە سەنىمدى ەدىم, بىراق مەن ويلاعانداي بولماي شىقتى. ەگەر گولوۆكينمەن اراداعى جەكپە-جەگى وتسە سەنساتسيا ورىن الۋى مۇمكىن. «كانەلومەن» جۇدىرىقتاسقاننان كەيىن ونىڭ شاما-شارقىن بىلەمىن. سوققىلارىمنان جىلدام قۇتىلىپ كەتىپ, وزىمە قارسى جىلدام قيمىلداعاندا تاڭ قالعان ەدىم. ول ءتىپتى, كىشى-چاۆەسكە دە قيىندىق تۋدىرۋى مۇمكىن», – دەدى امير حان. ايتا كەتەيىك, گولوۆكين مەن الۆارەس اراسىنداعى كەزدەسۋ العاشىندا 2016 جىلى ءوتۋى ءتيىس بولاتىن. الايدا, مامىر ايىندا مەكسيكالىق بوكسشى بۇل كەزدەسۋدەن باس تارتقاندىقتان ورتا سالماقتاعى ونىڭ WBC بەلبەۋى گەنناديگە بەرىلدى. بۇعان دەيىن قوس سپورتشىنىڭ اراسىنداعى ۇرىس وسى جىلدىڭ قىركۇيەك ايىنا جوسپارلاعانى الەمدىك باق بەتتەرىندە حابارلانعان بولاتىن.