ۋسەين بولتتىڭ الەمدىك رەكوردتارى جويىلۋى مۇمكىن

حالىقارالىق جەڭىل اتلەتيكا اسسوتسياتسياسى (IAAF) دوپينگ داۋىنان كەيىن بارلىق الەمدىك جەتىستىكتىڭ كۇشىن جويۋ ماسەلەسىن قارايدى. مۇنداي باستامانى حالىقارالىق سپورت ءباسپاسوزى اسسوتسياتسياسى ءوز سايتىندا كوتەرىپ وتىر. ۇيىم كوبەيىپ كەتكەن دوپينگ داۋىنان كەيىن جەڭىل اتلەتيكا وسىعان دەيىنگى جاسالعان بارلىق رەكوردتىڭ كۇشىن جويىپ, "جاڭا داۋىرگە" ءوتۋى ءتيىس دەپ ەسەپتەيدى. وسى باستاماعا بايلانىستى الەمدىك رەكوردتارىنان مانساپ جولىن اياقتاپ قويعان سىرىقپەن سەكىرۋشى ەلەنا يسينباەۆا (28 رەكورد) جانە 100, 200 مەتر جانە ەستافەتادا جۇگىرۋدەن الەمنىڭ التى دۇركىن چەمپيونى ۋسەين بولت (8 رەكورد) ءوز رەكوردتارىنان ايىرىلۋى مۇمكىن. ايتا كەتەيىك, بولت 2017 جىلى سپورتتان كەتۋدى جوسپارلاعان. الايدا IAAF بۇل شەشىمدى وڭ-تەرىسىن سالماقتاعاننان كەيىن جاساماقشى. ايتا كەتەيىك, IAAF وسى كۇنگە دەيىن رەسەيلىك 200 سپورتشىنىڭ ريچارد ماكلارەننىڭ بايانداماسىندا اتى اتالعانىن حابارلادى. بۇل سپورتشىلار "سىناقتار مانيپۋلياتسياسىمەن" اينالىسقان دەلىنەدى.