وقو-دا تاۋ شاڭعىسى بازاسى سالىنادى

وڭتۇستىك قازاقستان وبلىسىندا تاعى ءبىر ءىرى تاۋ شاڭعىسى بازاسى سالىنادى, دەپ حابارلادى "حابار 24" ارناسى. كەشەن تولەبي اۋدانىنداعى تاۋ سامالى دەمالىس ايماعىنان بوي كوتەرەدى. تىڭ جوبا اۋداننىڭ 2017 جىلعا ارنالعان الەۋمەتتىك-ەكونوميكالىق دامۋ تۇجىرىمداماسىنا ەنگەن. ت «توعىس تاۋ» شاڭعى بازاسىنىڭ جالپى ۇزىندىعى 8 شاقىرىمدى قامتيدى. شاتقالدىڭ ىشىنەن قاناتتى جول سالىنادى. جوبانىڭ قۇنى – 5 ملرد تەڭگە. ونى جەكە كاسىپكەر ءوز قارجىسىنا تۇرعىزادى. سونداي-اق  تۇجىرىمدامادا اۋىل شارۋاشىلىعى, كاسىپكەرلىك پەن تۋريزم سالاسىنىڭ دامۋى مەن ونداعى اتقارىلاتىن شارالار كورسەتىلگەن. «باستىسى, جەرگىلىكتى حالىقتى جۇمىسپەن قامتۋى. جەر ماسەلەسىن شەشەتىن بولساق, ەندىگى جىلعا 400 ملن تەڭگەگە جول, 300 ملن-عا ەلەكتر ەنەرگياسى جانە 1 ملرد 300 ملن-عا سول قاناتتى جول الۋعا دايىن. بۇل ەندى تەك قانا تاۋ شاڭعىسى ەمەس, جىل 12 اي ول جەردىڭ تابيعاتى وتە جاقسى, دەمالىسى بار. تاۋلى ايماقتار تولىعىمەن ءتۋريزمدى دامىتۋعا مۇمكىندىك بەرەدى", دەيدى تولەبي اۋدانىنىڭ اكىمى بۇقارباي پارمانوۆ.