1 قاڭتارعا ارنالعان اۋا رايى

بۇگىن قازاقستان تەرريتورياسىنىڭ باسىم بولىگىندە قۇبىلمالى اۋا رايى ساقتالىپ, اتموسفەرالىق فرونتالدىق بولىكتەردىڭ وتۋىنە بايلانىستى قار, بۇرقاسىن, تۇمان, كوكتايعاق, جەل كۇشەيەدى. تەك قانا ەلىمىزدىڭ وڭتۇستىگىندە جانە وڭتۇستىك-شىعىسىندا جاۋىن-شاشىنسىز   بولادى. بۇل تۋرالى قر ءىىم تجك ءباسپاسوز قىزمەتى حابارلايدى. اقمولا, پاۆلودار  وبلىستارىندا بۇرقاسىن سوعادى, كەي جەرلەرىندە قاتتى جەل تۇرىپ, جىلدامدىعى 15-20 م/س, ەكپىنى 25 م/س, كەي جەرلەرىندە 30 م/س-عا دەيىن كۇشەيەدى. الماتى وبلىسىنىڭ كەي جەرلەرىندە تۇمان تۇسەدى, جەلدىڭ جىلدامدىعى 15-20 م/س-عا دەيىن كۇشەيەدى. جامبىل وبلىسىنىڭ كەي جەرلەرىندە تۇمان, جەلدىڭ جىلدامدىعى 15-20 م/س-عا دەيىن كۇشەيەدى, تۇندە  جەل ەكپىنى 23 م/س-عا دەيىن كۇشەيۋى كۇتىلەدى. وڭتۇستىك قازاقستان, قىزىلوردا وبلىستارىنىڭ كەي جەرلەرىندە تۇمان كۇتىلەدى. اتىراۋ, ماڭعىستاۋ, باتىس قازاقستان وبلىستارىنىڭ كەي جەرلەرىندە تۇمان, كوكتايعاق كۇتىلەدى. شىعىس قازاقستان وبلىسىنىڭ كەي جەرلەرىندە جەلدىڭ جىلدامدىعى 15-20 م/س-عا دەيىن جەتەدى, ەكپىنى 23-28 م/س كۇشەيەدى. اقتوبە وبلىسىنىڭ كەي جەرلەرىندە تۇمان, جاياۋ بۇرقاسىن كۇتىلەدى, جەلدىڭ جىلدامدىعى 15-20 م/س-عا دەيىن كۇشەيەدى. قوستاناي وبلىسىنىڭ  كەي جەرلەرىندە جاياۋ بۇرقاسىن كۇتىلەدى, جەلدىڭ جىلدامدىعى 15-20 م/س-عا دەيىن, ەكپىنى 23 م/س-عا دەيىن كۇشەيەدى. قاراعاندى وبلىسىنىڭ كەي جەرلەرىندە جەلدىڭ جىلدامدىعى 15-20 م/س-عا دەيىن كۇشەيەدى. سولتۇستىك قازاقستان وبلىسىندا جەلدىڭ جىلدامدىعى 15-20 م/س-عا دەيىن كۇشەيەدى, ەكپىنى 25 م/س, كەي جەرلەرىندە 30 م/س, كەي جەرلەرىندە بۇرقاسىن.