قازاقستان رەسپۋبليكاسىنىڭ زاڭى: № 35-VI قرز

وسى زاڭ قارسى بارلاۋ قىزمەتىنىڭ قۇقىقتىق نەگىزدەرىن جانە ونى جۇزەگە اسىرۋ زاڭدىلىعىنىڭ كەپىلدىكتەر جۇيەسىن ايقىندايدى.

1-باپ. وسى زاڭدا پايدالانىلاتىن نەگىزگى ۇعىمدار

وسى زاڭدا مىناداي نەگىزگى ۇعىمدار پايدالانىلادى:

1) ابونەنتتەر جانە (نەمەسە) ابونەنتتىك قۇرىلعىلار اراسىنداعى قوسىلۋلار تۋرالى اقپاراتتى جەدەل الۋ – ابونەنتتەر جانە (نەمەسە) ابونەنتتىك قۇرىلعىلار اراسىنداعى قوسىلۋلاردىڭ كۇنى, ۋاقىتى, ۇزاقتىعى تۋرالى اقپاراتتى جانە ولار تۋرالى وزگە دە اقپاراتتى جاسىرىن الۋ;

2) ادامدى, ورىندى جەدەل اۋديو- جانە (نەمەسە) بەينەباقىلاۋ – بەينە-, اۋديوتەحنيكانى نە وزگە دە تەحنيكالىق قۇرالداردى پايدالانا وتىرىپ, جەكە تۇلعانىڭ سويلەگەن ءسوزىن جانە وزگە دە اقپاراتتى, ونىڭ ارەكەتتەرىن, سونداي-اق بەلگىلى ءبىر ورىندا بولىپ جاتقان وقيعالاردى, پروتسەستەر مەن قۇبىلىستاردى جاسىرىن قۇجاتتاۋ;

3) اقپاراتتى جيناۋعا, وڭدەۋگە, بەرۋگە جانە ساقتاۋعا ارنالعان قۇرىلعىلاردان اقپاراتتى جەدەل ءتۇسىرىپ الۋ – كومپيۋتەرلەردەن, اپپاراتتىق-باعدارلامالىق كەشەندەردەن جانە اقپاراتتى جيناۋعا, وڭدەۋگە, بەرۋگە جانە ساقتاۋعا ارنالعان باسقا دا قۇرىلعىلاردان اقپاراتتى تەحنيكالىق قۇرالدارمەن جانە (نەمەسە) باعدارلامالىق قامتىلىممەن جاسىرىن ءتۇسىرىپ الۋ;

4) اقپاراتتى رەسمي الۋ – قۇجاتتاردى, ماتەريالداردى, ەلەكتروندىق اقپا­راتتىق رەسۋرستاردى تىكەلەي زەردەلەۋ, كورسەتىلگەن اقپاراتتى بىلەتىن نەمەسە ءبىلۋى مۇمكىن جەكە جانە زاڭدى تۇلعالارعا سۇراۋ سالۋلار جولداۋ ارقىلى قارسى بارلاۋ قىزمەتىنىڭ مىندەتتەرىن شەشۋ ءۇشىن ماڭىزى بار اقپاراتتى الۋ;

5) بايلانىس جەلىسىنىڭ جەدەل مونيتورينگى – بايلانىس جەلىسى ارقىلى بە­رىلەتىن اقپاراتتان بارلاۋ-نۇقسان كەلتىرۋ ارەكەتىنىڭ بەلگىلەرىن جاسىرىن تابۋ;

6) باقىلاناتىن جەتكىزىلىم – بارلاۋ-نۇقسان كەلتىرۋ ارەكەتىن جۇزەگە اسىرۋ ءۇشىن پايدالانىلاتىن نارسەلەر مەن زاتتاردى ساتىپ الۋ, وتكىزۋ, بەرۋ, ورنىن اۋىستىرۋ پروتسەسىن جاسىرىن بايقاۋ جانە قۇجاتتاۋ;

7) باقىلاۋ ماقساتىندا ساتىپ الۋ – بارلاۋ-نۇقسان كەلتىرۋ ارەكەتىن جۇزەگە اسىرۋ ءۇشىن پايدالانىلاتىن نارسەلەر مەن زاتتاردى ساتىپ الۋ جونىندە جالعان وتەۋلى مامىلە جاساۋ;

8) بارلاۋ اكتسياسى – قازاقستان رەسپۋبليكاسىنىڭ ۇلتتىق قاۋىپسىزدىگىنە نۇقسان كەلتىرىپ, مالىمەتتەرگە قول جەتكىزۋ, ولاردى جيناۋ;

9) بارلاۋ جانە (نەمەسە) نۇقسان كەلتىرۋ اكتسيالارىن اشكەرەلەۋ – بارلاۋ-نۇقسان كەلتىرۋ ارەكەتىن جۇزەگە اسىرۋ بەلگىلەرىنىڭ, فاكتىلەرى مەن جاعداي­لارىنىڭ جيىنتىعىن تابۋ;

10) بارلاۋ-نۇقسان كەلتىرۋ ارەكەتى – شەت مەملەكەتتەردىڭ ارناۋلى قىزمەتتەرى, وزگە دە شەتەلدىك ۇيىمدار, سونداي-اق جەكەلەگەن ادامدار جۇزەگە اسىراتىن بارلاۋ جانە (نەمەسە) نۇقسان كەلتىرۋ اكتسيالارى;

11) بارلاۋ-نۇقسان كەلتىرۋ ارەكەتىنىڭ بەلگىلەرى – بارلاۋ جانە (نەمەسە) نۇق­سان كەلتىرۋ اكتسيالارىنىڭ جۇرگىزىلۋى مۇمكىن ەكەندىگىن كۋالاندىراتىن ارەكەت­تەردىڭ, وقيعالاردىڭ, پروتسەستەر مەن قۇبىلىستاردىڭ ايرىقشا ەرەكشەلىكتەرى;

12) بارلاۋ-نۇقسان كەلتىرۋ ارەكەتىنىڭ فاكتىلەرى – بارلاۋ جانە (نەمەسە) نۇقسان كەلتىرۋ اكتسيالارىنىڭ جۇرگىزىلۋىن كۋالاندىراتىن ارەكەتتەر, وقيعالار, پروتسەستەر مەن قۇبىلىستار;

13) جاسىرىن قىزمەتكەر – قارسى بارلاۋ قىزمەتىن جۇزەگە اسىراتىن ورگانعا جاتاتىندىعى شيفرلانعان قىزمەتكەر, اسكەري قىزمەتشى;

14) جەدەل بايقاۋ – جەكە تۇلعالاردىڭ ارەكەتتەرىن, قوعامدىق ورىندا بولىپ جاتقان وقيعالاردى, پروتسەستەردى, ونىڭ ىشىندە تەحنيكالىق قۇرالداردى, ءفوتوتۇسىرىلىمدى, بەينەبايقاۋدى جانە اۋديوجازبانى پايدالانا وتىرىپ, جاسىرىن اڭعارۋ;

15) جەدەل ەندىرۋ – قارسى بارلاۋ قىزمەتىن جۇزەگە اسىراتىن ورگاننىڭ قىزمەتكەرىن, اسكەري قىزمەتشىسىن نە قۇپيا كومەكشىنى جەدەل قىزىعۋشىلىق تانىتىپ وتىرعان وبەكتىنىڭ ورتاسىنا جاسىرىن ەنگىزۋ;

16) جەدەل كىرۋ – تۇرعىن, قىزمەتتىك, وندىرىستىك جانە وزگە دە ءۇي-جايعا, عيماراتقا, قۇرىلىسقا, قويماعا, كولىك قۇرالىنا نەمەسە جەرگىلىكتى ۋچاسكەگە ولاردى زەرتتەپ-قاراۋ, سونداي-اق قارسى بارلاۋ ءىس-شارالارىن دايىنداۋ جانە جۇرگىزۋ ماقساتىندا جاسىرىن كىرۋ;

17) جەدەل ەكسپەريمەنت – قىلمىسقا ارانداتۋدى بولعىزبايتىن, قولدان جاسالعان, باقىلاناتىن جاعدايلاردا ارەكەتتەردى, پروتسەستەردى جاسىرىن زەردەلەۋ ارقىلى قارسى بارلاۋ اقپاراتىن الۋ;

18) جەكەلەگەن تۇلعالار – شەت مەملەكەتتەردىڭ ارناۋلى قىزمەتتەرىنىڭ, وزگە دە شەتەلدىك ۇيىمداردىڭ اتىنان نەمەسە سولاردىڭ مۇددەلەرىندە نە دەربەس ارەكەت ەتەتىن جەكە تۇلعالار, سونداي-اق قازاقستان رەسپۋبليكاسىنىڭ زاڭناماسىنا سايكەس قۇرىلعان زاڭدى تۇلعالار;

19) قارسى بارلاۋ اقپاراتى – بارلاۋ-نۇقسان كەلتىرۋ ارەكەتىنىڭ بەلگىلەرى, فاكتىلەرى جانە ونى جۇزەگە اسىرۋعا ىقپال ەتەتىن جاعدايلار تۋرالى مالىمەتتەر;

20) قارسى بارلاۋ قىزمەتى – قازاقستان رەسپۋبليكاسىنىڭ ارناۋلى مەملەكەتتىك ورگاندارى جۇزەگە اسىراتىن, قازاقستان رەسپۋبليكاسىنىڭ ۇلتتىق مۇددەلەرىن بارلاۋ-نۇقسان كەلتىرۋ ارەكەتىنەن قورعاۋ جونىندەگى قارسى بارلاۋ جانە ۇيىمداستىرۋ ءىس-شارالارىنىڭ جۇيەسى;

21) قارسى بارلاۋمەن قامتاماسىز ەتۋ – بارلاۋ-نۇقسان كەلتىرۋ ارەكەتىنەن وقشاۋلاۋ شارالارىنىڭ جۇيەسى;

22) قارسى بارلاۋ ساۋالىن قويۋ – ساۋال قويىلعان ادامنىڭ سوزدەرىنەن قارسى بارلاۋ اقپاراتىن جاريا نەمەسە جاسىرىن الۋ;

23) قارسى بارلاۋ ءىسى – قارسى بارلاۋ ءىس-شارالارىنىڭ ماتەريالدارىن جۇيەلەۋ, قارسى بارلاۋ اقپاراتىن تەكسەرۋ جانە باعالاۋ بويىنشا وقشاۋلاندىرىلعان ءىس جۇرگىزۋ;

24) قارسى بارلاۋ ءىس-شاراسى – بارلاۋ جانە (نەمەسە) نۇقسان كەلتىرۋ اكتسيالارىنىڭ الدىن الۋعا, ولاردى اشكەرەلەۋگە جانە جولىن كەسۋگە باعىتتالعان جاريا جانە جاسىرىن ءىس-قيمىلدار;

25) قۇپيا كومەكشىلەر – ون سەگىز جاسقا تولعان, ارەكەتكە قابىلەتتى, قارسى بارلاۋ قىزمەتىن جۇزەگە اسىراتىن ورگانمەن قۇپيالىلىق نەگىزدە (ونىڭ ىشىندە كەلىسىمشارت بويىنشا دا) ىنتىماقتاسىپ جۇمىس ىستەيتىن نەمەسە بۇرىن ىنتىماقتاسىپ جۇمىس ىستەگەن جەكە تۇلعالار;

26) قۇپيا كومەكشىلەردىڭ, جاسىرىن قىزمەتكەرلەردىڭ جەكە باسى تۋرالى مالىمەتتەر – تەگىن, اتىن, اكەسىنىڭ اتىن (ەگەر ول جەكە باسىن كۋالاندىراتىن قۇجاتتا كورسەتىلسە); بۇركەنشىك اتىن (ول بولعان كەزدە); تۋعان كۇنى مەن جەرىن; تۇرعىلىقتى جەرىنىڭ مەكەنجايىن; جۇمىس (وقۋ) ورنىن انىقتاۋعا بولاتىن اقپارات; ولاردىڭ قارسى بارلاۋ ءىس-شارالارىنا قاتىسۋى تۋرالى دەرەكتەر; ولاردىڭ وتباسى مۇشەلەرى نەمەسە جاقىن تۋىستارى تۋرالى دەرەكتەر;

27) نۇقسان كەلتىرۋ اكتسياسى – قازاقستان رەسپۋبليكاسىنىڭ ۇلتتىق قاۋىپسىزدىگىنە نۇقسان كەلتىرىپ, قوعامدىق قاتىناستارعا ىقپال ەتۋ;

28) پوشتا جونەلتىلىمدەرىن جانە وزگە دە جونەلتىلىمدەردى جەدەل باقىلاۋ – حاتتاردان, باندەرولدەردەن, ساۋقاتتاردان جانە وزگە دە جونەلتىلىمدەردەن قارسى بارلاۋ اقپاراتىن جاسىرىن الۋ;

29) ۇيىمداستىرۋ ءىس-شاراسى – قارسى بارلاۋ ءىس-شارالارىن جۇرگىزۋ ءۇشىن قاجەتتى جاعدايلاردى جاساۋ, سونداي-اق ولاردىڭ ناتيجەلەرىن پايدالانۋدى قامتاماسىز ەتۋ جونىندەگى ءىس-قيمىلدار;

30) شەتەلدىك ۇيىمدار – شەت مەملەكەتتىڭ زاڭناماسىنا نەمەسە حالىقارالىق قۇقىق نورمالارىنا سايكەس ۇيىمدارعا قانداي دا ءبىر مارتەبەنىڭ بەرىلۋىنە قاراماستان, وسى شەت مەملەكەتتىڭ اۋماعىندا باسشىلىق جاسايتىن ورگاندارى بار نە شەت مەملەكەتتىڭ, ونىڭ ىشىندە قازاقستان رەسپۋبليكاسى تانىماعان شەت مەملەكەتتىڭ قولداۋىن پايدالاناتىن نە شەت مەملەكەتتىڭ زاڭناماسىندا جانە (نەمەسە) حالىقارالىق قۇقىق نورمالارىندا تىيىم سالىنعان قىزمەتتى جۇزەگە اسىراتىن, وسى شەت مەملەكەتتىڭ ولارعا قارسى ءىس-قيمىل جاساۋعا وبەكتيۆتى قابىلەتسىزدىگىن پايدالاناتىن ۇيىمدار;

31) ەلەكتر (تەلەكوممۋنيكاتسيا) بايلانىسىنىڭ جەلىلەرى ارقىلى بەرىلەتىن اقپاراتتى جەدەل ءتۇسىرىپ الۋ – سىم-وتكىزگىش, راديو, وپتيكالىق جانە باسقا دا ەلەكتروماگنيتتىك جۇيەلەر ارقىلى بەرىلەتىن بەلگىلەردى, سيگنالداردى, داۋىستىق اقپاراتتى, جازباشا ءماتىندى, بەينەلەردى, بەينەسۋرەتتەردى, دىبىستاردى جانە باسقا دا اقپاراتتى ءتۇسىرىپ الۋ جونىندەگى جاسىرىن ءىس-قيمىلدار.

2-باپ. قارسى بارلاۋ قىزمەتىنىڭ قۇقىقتىق نەگىزى

1. قارسى بارلاۋ قىزمەتىنىڭ قۇقىقتىق نەگىزىن قازاقستان رەسپۋبليكاسىنىڭ كونستيتۋتسياسى, وسى زاڭ جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرى قۇرايدى.
2. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭدا قامتىلعاننان وزگەشە قاعيدالار بەلگىلەنسە, وندا حالىقارالىق شارتتىڭ قاعيدالارى قولدانىلادى.

3-باپ. قارسى بارلاۋ قىزمەتىنىڭ مىندەتتەرى

قارسى بارلاۋ قىزمەتىنىڭ مىندەتتەرى:

1) بارلاۋ-نۇقسان كەلتىرۋ ارەكەتىنەن:

قازاقستان رەسپۋبليكاسىنىڭ كونستيتۋتسيالىق قۇرىلىسىنىڭ نەگىزدەرىن, مەملەكەتتىك ەگەمەندىگىن, اۋماقتىق تۇتاستىعىن, ەكونوميكالىق, عىلىمي-تەحنيكالىق جانە قورعانىس الەۋەتىن;

قازاقستان رەسپۋبليكاسىنىڭ پرەزيدەنتىن جانە باسقا دا كۇزەتىلەتىن ادامداردى;

قازاقستان رەسپۋبليكاسىنىڭ مەملەكەتتىك قۇپيالارىن قۇرايتىن مالىمەتتەردى قورعاۋ;

2) بارلاۋ جانە (نەمەسە) نۇقسان كەلتىرۋ اكتسيالارىنىڭ, ونىڭ ىشىندە:

تەرروريزمدى جانە ەكسترەميزمدى جۇزەگە اسىرۋمەن;

قىلمىستىق توپتاردى قۇرۋمەن جانە ولاردىڭ ارەكەت ەتۋىمەن;

قارۋدىڭ, وق-دارىلەردىڭ, جارىلعىش زاتتاردىڭ, راديواكتيۆتى زاتتاردىڭ جانە يادرولىق ماتەريالداردىڭ زاڭسىز اينالىمىمەن;

ەسىرتكى, پسيحوتروپتىق زاتتاردىڭ, سول تەكتەستەر مەن پرەكۋرسورلاردىڭ زاڭسىز اينالىمىمەن بايلانىستى اكتسيالاردىڭ الدىن الۋ, ولاردى اشكەرەلەۋ جانە جولىن كەسۋ;

3) مەملەكەتتىك ورگانداردى, مەملەكەتتىك زاڭدى تۇلعالاردى, كۆازيمەملەكەتتىك سەكتور سۋبەكتىلەرىن, قازاقستان رەسپۋبليكاسىنىڭ ستراتەگيالىق جانە ماڭىزدى مەملەكەتتىك ءمانى بار وزگە دە وبەكتىلەرىن قارسى بارلاۋمەن قامتاماسىز ەتۋ;

4) قازاقستان رەسپۋبليكاسىنىڭ ۇلتتىق قاۋىپسىزدىگىنە تونەتىن قاتەرلەردىڭ الدىن الۋدا, ولاردى بەيتاراپتاندىرۋدا جانە ۇلتتىق مۇددەلەرىن ىلگەرىلەتۋدە مەملەكەتتىك ورگاندارعا جاردەمدەسۋ بولىپ تابىلادى.

قارسى بارلاۋ قىزمەتىنىڭ مىندەتتەرى زاڭدارمەن جانە قازاقستان رەسپۋبليكاسى پرەزيدەنتىنىڭ اكتىلەرىمەن تولىقتىرىلۋى مۇمكىن.

4-باپ. قارسى بارلاۋ قىزمەتىنىڭ قاعيداتتارى

قارسى بارلاۋ قىزمەتى:

1) زاڭدىلىق;

2) ادام مەن ازاماتتىڭ قۇقىقتارىن جانە بوستاندىقتارىن ساقتاۋ;

3) قازاقستان رەسپۋبليكاسىن دامىتۋدىڭ ستراتەگيالىق ماقساتتارىنا باعىنۋ;

4) جاريا جانە جاسىرىن ادىستەردى ۇيلەستىرۋ;

5) قۇپيالىلىق جانە استىرتىن ارەكەت ەتۋ;

6) بارلاۋ جانە (نەمەسە) نۇقسان كەلتىرۋ اكتسيالارىنىڭ الدىن الۋ, ولاردى اشكەرەلەۋ, جولىن كەسۋ جونىندەگى ۋاقتىلى, بەلسەندى ءىس-قيمىلداردى جۇزەگە اسىرۋ;

7) بارلاۋ جانە (نەمەسە) نۇقسان كەلتىرۋ اكتسيالارىنىڭ الدىن الۋدا, ولاردى اشكەرەلەۋدە, جولىن كەسۋدە قارسى بارلاۋ ءىس-شارالارىنىڭ باسىمدىعى;

8) بارلاۋ-نۇقسان كەلتىرۋ ارەكەتىنىڭ ناقتى فاكتىلەرى بويىنشا قولدانىلاتىن قۇقىقتىق جانە وزگە دە شارالارعا قاراماستان, قارسى بارلاۋ ءىس-شارالارىن جۇرگىزۋدىڭ ۇزدىكسىز بولۋى قاعيداتتارىنا نەگىزدەلەدى.

5-باپ. قارسى بارلاۋ قىزمەتىن جۇزەگە اسىرۋ كەزىندە ادام مەن ازاماتتىڭ قۇقىقتارىن جانە بوستاندىقتارىن ساقتاۋ كەپىلدىكتەرى

1. وسى زاڭدا كوزدەلمەگەن مىندەتتەردى شەشۋ ءۇشىن قارسى بارلاۋ قىزمەتىن جۇزەگە اسىرۋعا, سونداي-اق ونىڭ بارىسىندا الىنعان اقپاراتتى پايدالانۋعا جول بەرىلمەيدى.
2. قارسى بارلاۋ قىزمەتىن جۇزەگە اسىرۋ كەزىندە ادام مەن ازاماتتىڭ ابىرويىن جانە قادىر-قاسيەتىن قورلايتىن ارەكەتتەرگە جول بەرىلمەيدى.
3. قارسى بارلاۋ قىزمەتىن جۇزەگە اسىراتىن ورگاننىڭ ءىس-قيمىلدارىنا جوعارى تۇرعان ورگانعا, پروكۋراتۋراعا نەمەسە سوتقا شاعىم جاسالۋى مۇمكىن.

بەرىلگەن شاعىم جوعارى تۇرعان ورگان, پروكۋراتۋرا نەمەسە سوت ول بويىنشا ءتيىستى شەشىم قابىلداعانعا دەيىن شاعىم جاسالىپ وتىرعان ءىس-قيمىلداردى توقتاتپايدى.

4. پروكۋرور نەمەسە سوت شاعىمدى قاراۋ ءۇشىن تالاپ ەتىپ الدىرعان قۇجاتتار شاعىم نىساناسىنا جاتقىزىلۋعا جانە قارسى بارلاۋ قىزمەتىنىڭ ۇيىمداستىرىلۋى مەن تاكتيكاسىنا, ناقتى قارسى بارلاۋ ءىس-شارالارىنا قاتىستى اقپاراتتىڭ, سونداي-اق قۇپيا كومەكشىلەر مەن جاسىرىن قىزمەتكەرلەردىڭ جەكە باسى تۋرالى مالىمەتتەردىڭ بەرىلۋىن بولعىزباۋعا ءتيىس.

6-باپ. قازاقستان رەسپۋبليكاسى پرەزيدەنتىنىڭ قارسى بارلاۋ قىزمەتى سالاسىنداعى وكىلەتتىكتەرى

قازاقستان رەسپۋبليكاسىنىڭ پرەزيدەنتى:

1) قارسى بارلاۋ قىزمەتىنىڭ نەگىزگى باعىتتارى مەن باسىمدىقتارىن ايقىندايدى;

2) ءوزى ۋاكىلەتتىك بەرگەن ورگاندارعا قارسى بارلاۋ قىزمەتىن دامىتۋ جانە قارسى بارلاۋ قىزمەتىن جۇزەگە اسىراتىن ورگانداردىڭ باسقا دا مەملەكەتتىك ورگاندارمەن ءوزارا ءىس-قيمىل جاساۋ ماسەلەلەرىن قاراۋدى تاپسىرادى;

3) قارسى بارلاۋ قىزمەتىن جۇزەگە اسىراتىن ورگانداردىڭ قىزمەتىن باقىلايدى, باقىلاۋ نىساندارىن جانە ونى جۇزەگە اسىرۋ ءتارتىبىن بەلگىلەيدى;

4) ءوزى ايقىنداعان تارتىپپەن جانە مەرزىمدەردە قارسى بارلاۋ قىزمەتىن جۇزەگە اسىراتىن ورگاندار باسشىلارىنىڭ ەسەپتەرىن تىڭدايدى;

5) قازاقستان رەسپۋبليكاسىنىڭ كونستيتۋتسياسىنا جانە زاڭدارىنا سايكەس وزگە دە وكىلەتتىكتەردى جۇزەگە اسىرادى.

7-باپ. قارسى بارلاۋ قىزمەتىن جۇزەگە اسىراتىن ورگاندار

1. قارسى بارلاۋ قىزمەتىن جۇزەگە اسىراتىن ورگاندارعا قازاقستان رەسپۋبليكاسىنىڭ ارناۋلى مەملەكەتتىك ورگاندارى جاتادى.
2. قازاقستان رەسپۋبليكاسىنىڭ ارناۋلى مەملەكەتتىك ورگاندارى وسى زاڭدا بەلگىلەنگەن تارتىپپەن جانە وسى باپتىڭ 3, 4, 5-تارماقتارىندا ايقىندالاتىن شەكتەردە قارسى بارلاۋ قىزمەتىن جۇزەگە اسىرادى.
3. قازاقستان رەسپۋبليكاسىنىڭ ۇلتتىق قاۋىپسىزدىك ورگاندارى (بۇدان ءارى – ۇلتتىق قاۋىپسىزدىك ورگاندارى) وسى زاڭنىڭ 10-بابى 1-تارماعىنىڭ 1), 2), 4), 5), 6), 7), 8), 9), 10) تارماقشالارىندا كوزدەلگەن نەگىزدەر بويىنشا قارسى بارلاۋ ءىس-شارالارىن جۇرگىزەدى.

ۇلتتىق قاۋىپسىزدىك ورگاندارىنىڭ جانە قازاقستان رەسپۋبليكاسى مەملەكەت­تىك كۇزەت قىزمەتىنىڭ بىرلەسكەن نورماتيۆتىك قۇقىقتىق اكتىسىندە ايقىندالعان جاعدايلاردا جانە تارتىپپەن ۇلتتىق قاۋىپسىزدىك ورگاندارى وسى زاڭنىڭ 10-بابى 1-تارماعىنىڭ 3) تارماقشاسىندا كوزدەلگەن نەگىز بويىنشا قارسى بارلاۋ ءىس-شارالارىن دا جۇرگىزەدى.

4. قازاقستان رەسپۋبليكاسىنىڭ مەملەكەتتىك كۇزەت قىزمەتى (بۇدان ءارى – مەم­لەكەتتىك كۇزەت قىزمەتى) وسى زاڭنىڭ 10-بابى 1-تارماعىنىڭ 3), 9), 10) تار­ماق­شالارىندا كوزدەلگەن نەگىزدەر بويىنشا قارسى بارلاۋ ءىس-شارالارىن جۇرگىزەدى.
5. قازاقستان رەسپۋبليكاسىنىڭ سىرتقى بارلاۋ سالاسىنداعى ۋاكىلەتتى ورگانى (بۇدان ءارى – سىرتقى بارلاۋ سالاسىنداعى ۋاكىلەتتى ورگان) وسى زاڭنىڭ 10-بابى 1-تارماعىنىڭ 4), 9), 10) تارماقشالارىندا كوزدەلگەن نەگىزدەر بويىنشا قارسى بارلاۋ ءىس-شارالارىن جۇرگىزەدى.

سىرتقى بارلاۋ سالاسىنداعى ۋاكىلەتتى ورگاننىڭ جانە ۇلتتىق قاۋىپسىزدىك ورگاندارىنىڭ بىرلەسكەن نورماتيۆتىك قۇقىقتىق اكتىسىندە ايقىندالعان جاعدايلاردا جانە تارتىپپەن سىرتقى بارلاۋ سالاسىنداعى ۋاكىلەتتى ورگان وسى زاڭنىڭ 10-بابى 1-تارماعىنىڭ 8) تارماقشاسىندا كوزدەلگەن نەگىز بويىنشا قارسى بارلاۋ ءىس-شارالارىن دا جۇرگىزەدى.

6. قارسى بارلاۋ قىزمەتىن جۇزەگە اسىراتىن ورگانداردىڭ ءوزارا ءىس-قيمىل جاساۋ ءتارتىبى بىرلەسكەن نورماتيۆتىك قۇقىقتىق اكتىلەردە ايقىندالادى.
7. قارسى بارلاۋ قىزمەتىن جۇزەگە اسىراتىن ورگانداردىڭ ءبىرىنشى باسشىلارى قارسى بارلاۋ قىزمەتىن جۇزەگە اسىرۋعا قۇقىعى بار وزدەرىنە باعىنىستى ۆەدومستۆولاردىڭ, قىزمەتتەردىڭ, بولىمشەلەردىڭ, قىزمەتكەرلەر ساناتتارىنىڭ تىزبەسىن بەلگىلەيدى, قارسى بارلاۋ قىزمەتىنىڭ ۇيىمداستىرىلۋى مەن تاكتيكاسى جانە ونىڭ مىندەتتەرىن ىسكە اسىرۋ ماسەلەلەرى بويىنشا نورماتيۆتىك قۇقىقتىق اكتىلەر شىعارادى.

8-باپ. قارسى بارلاۋ قىزمەتىن جۇزەگە اسىراتىن ورگانداردىڭ مىندەتتەرى

 قارسى بارلاۋ قىزمەتىن جۇزەگە اسىراتىن ورگاندار وزدەرىنە جۇكتەلگەن مىندەتتەردىڭ شەگىندە:

1) بارلاۋ-نۇقسان كەلتىرۋ ارەكەتىنىڭ بەلگىلەرىن, فاكتىلەرىن انىقتاۋعا جانە بارلاۋ-نۇقسان كەلتىرۋ ارەكەتىن جۇزەگە اسىرۋعا ىقپال ەتەتىن سەبەپتەر مەن جاعدايلاردى جويۋ جونىندەگى شارالاردى قولدانۋعا;

2) قازاقستان رەسپۋبليكاسىنىڭ پرەزيدەنتىن جانە مەملەكەتتىك ورگانداردى قازاقستان رەسپۋبليكاسىنىڭ ۇلتتىق قاۋىپسىزدىگىنە تونەتىن قاتەرلەر تۋرالى حاباردار ەتۋگە;

3) قازاقستان رەسپۋبليكاسىنىڭ كونستيتۋتسيالىق قۇرىلىسىنىڭ نەگىزدەرىن, مەملەكەتتىك ەگەمەندىگىن, اۋماقتىق تۇتاستىعىن, ەكونوميكالىق, عىلىمي-تەحني­كالىق جانە قورعانىس الەۋەتىن قورعاۋ جونىندەگى قاجەتتى شارالاردى قولدانۋعا;

4) قازاقستان رەسپۋبليكاسى پرەزيدەنتىنىڭ جانە باسقا دا كۇزەتىلەتىن ادامداردىڭ قاۋىپسىزدىگىن قامتاماسىز ەتۋگە;

5) قازاقستان رەسپۋبليكاسىنىڭ مەملەكەتتىك قۇپيالارىن قۇرايتىن مالىمەتتەردى قورعاۋ جونىندەگى شارالاردى قولدانۋعا;

6) مەملەكەتتىك ورگانداردى, مەملەكەتتىك زاڭدى تۇلعالاردى, كۆازيمەملەكەتتىك سەكتور سۋبەكتىلەرىن, قازاقستان رەسپۋبليكاسىنىڭ ستراتەگيالىق جانە ماڭىزدى مەملەكەتتىك ءمانى بار وزگە دە وبەكتىلەرىن قارسى بارلاۋمەن قامتاماسىز ەتۋدى جۇزەگە اسىرۋعا;

7) قارسى بارلاۋ قىزمەتىن جۇزەگە اسىرۋ كەزىندە استىرتىن ارەكەت ەتۋدى, سونداي-اق قارسى بارلاۋ قىزمەتىن جۇزەگە اسىراتىن ورگان كۇشتەرىنىڭ, قۇرالدارىنىڭ جانە اقپاراتىنىڭ قورعالۋىن قامتاماسىز ەتۋ جونىندەگى شارالاردى قولدانۋعا;

8) قازاقستان رەسپۋبليكاسىنىڭ حالىقارالىق شارتتارى نەگىزىندە شەت مەملەكەتتەردىڭ ارناۋلى قىزمەتتەرىنىڭ, قاۋىپسىزدىك ورگاندارىنىڭ, قۇقىق قورعاۋ ورگاندارىنىڭ, حالىقارالىق جانە وزگە دە ۇيىمداردىڭ سۇراۋ سالۋلارىن ورىنداۋعا;

9) زاڭداردا جانە قازاقستان رەسپۋبليكاسى پرەزيدەنتىنىڭ اكتىلەرىندە كوزدەل­گەن وزگە دە مىندەتتەردى جۇزەگە اسىرۋعا مىندەتتى.

9-باپ. قارسى بارلاۋ قىزمەتىن جۇزەگە اسىراتىن ورگانداردىڭ قۇقىقتارى

قارسى بارلاۋ قىزمەتىن جۇزەگە اسىراتىن ورگانداردىڭ:

1) قارسى بارلاۋ ءىس-شارالارىن جۇرگىزۋدىڭ ۇيىمداستىرىلۋى مەن تاكتيكاسىن ايقىنداۋعا;

2) جەكە تۇلعالاردى قۇپيا تۇردە ىنتىماقتاسىپ جۇمىس ىستەۋگە تارتۋعا;

3) استىرتىن ارەكەت ەتەتىن وبەكتىلەردى (كاسىپورىنداردى جانە ۇيىمداردى) قۇرۋعا, سونداي-اق قىزمەتكەرلەردى, اسكەري قىزمەتشىلەردى, قۇپيا كومەكشىلەردى, بولىمشەلەردىڭ, ۇيىمداردىڭ, ءۇي-جايلار مەن كولىك قۇرالدارىنىڭ ۆەدومستۆولىق تيەسىلىگىن شيفرلايتىن قۇجاتتاردى پايدالانۋعا;

4) وسى زاڭنىڭ 11-بابىندا كوزدەلگەن قارسى بارلاۋ ءىس-شارالارىن جۇرگىزۋ ءۇشىن عانا تاۋلىكتىڭ كەز كەلگەن ۋاقىتىندا ۇيىمداردىڭ اۋماعى مەن ءۇي-جايلارىنا, ال قازاقستان رەسپۋبليكاسىنىڭ ەرەكشە رەجيمدىك, رەجيمدىك, ستراتەگيالىق جانە ماڭىزدى مەملەكەتتىك ءمانى بار وزگە دە وبەكتىلەرىنىڭ اۋماعىنا ولاردىڭ باسشىلارىن حاباردار ەتە وتىرىپ كەدەرگىسىز كىرۋگە;

5) قارسى بارلاۋ ءىس-شارالارىنىڭ بارىسىندا جەكە جانە زاڭدى تۇلعالاردىڭ مۇلكىن ولاردىڭ كەلىسىمىمەن پايدالانۋعا;

6) قارسى بارلاۋ ءىس-شارالارىن جۇرگىزۋ كەزىندە جەدەل-ىزدەستىرۋ قىزمەتىن جۇزەگە اسىرۋعا قۇقىعى بار ورگاندارمەن كەلىسۋ بويىنشا وسى ورگانداردىڭ كۇشتەرى مەن قۇرالدارىن تارتۋعا;

7) قاجەتتى عىلىمي-تەحنيكالىق نەمەسە وزگە دە ارناۋلى ءبىلىم-بىلىگى بار لاۋازىمدى ادامدار مەن مامانداردىڭ كومەگىن پايدالانۋعا;

8) قارسى بارلاۋ ءىس-شارالارىن جۇرگىزۋ كەزىندە بارلاۋ-نۇقسان كەلتىرۋ ارەكەتىن يميتاتسيالايتىن ءىس-قيمىلداردى جۇزەگە اسىرۋعا;

9) بارلاۋ-نۇقسان كەلتىرۋ ارەكەتىن جۇزەگە اسىرۋعا ىقپال ەتەتىن جاعدايلاردى جويۋ جونىندە ۇسىنىستار ەنگىزۋگە;

10) قارسى بارلاۋ ءىس-شارالارىن جۇرگىزۋگە ارنالعان ارناۋلى جانە وزگە دە تەحنيكالىق قۇرالداردى, جابدىقتاردى قولدانۋعا;

11) زاڭداردا جانە قازاقستان رەسپۋبليكاسى پرەزيدەنتىنىڭ اكتىلەرىندە كوزدەلگەن وزگە دە قۇقىقتاردى جۇزەگە اسىرۋعا قۇقىعى بار.

10-باپ. قارسى بارلاۋ ءىس-شارالارىن جۇرگىزۋگە نەگىزدەر

1. مىنالار:

1) قازاقستان رەسپۋبليكاسىنىڭ ۇلتتىق مۇددەلەرىن بارلاۋ-نۇقسان كەلتىرۋ ارەكەتىنەن قورعاۋ بويىنشا قازاقستان رەسپۋبليكاسىنىڭ زاڭناماسىندا بەلگىلەنگەن شارالاردى ىسكە اسىرۋ;

2) قارسى بارلاۋ اقپاراتىنىڭ, ونىڭ ىشىندە سوتقا دەيىنگى تەرگەپ-تەكسەرۋ بارىسىندا الىنعان اقپاراتتىڭ بولۋى;

3) كۇزەتىلەتىن ادامدار مەن وبەكتىلەردىڭ قاۋىپسىزدىگىن قامتاماسىز ەتۋ قاجەتتىگى;

4) قازاقستان رەسپۋبليكاسىنىڭ ۇلتتىق قاۋىپسىزدىگىنە قاتەر توندىرەتىن ارەكەتتەر, وقيعالار, پروتسەستەر مەن قۇبىلىستار تۋرالى مالىمەتتەردى الۋ, سونداي-اق ۇلتتىق قاۋىپسىزدىككە قاتەر توندىرۋگە ىقپال ەتەتىن سەبەپتەر مەن جاعدايلاردى انىقتاۋ قاجەتتىگى;

5) مەملەكەتتىك ورگانداردى, مەملەكەتتىك زاڭدى تۇلعالاردى, كۆازيمەملەكەتتىك سەكتور سۋبەكتىلەرىن, قازاقستان رەسپۋبليكاسىنىڭ ستراتەگيالىق جانە ماڭىزدى مەملەكەتتىك ءمانى بار وزگە دە وبەكتىلەرىن قارسى بارلاۋمەن قامتاماسىز ەتۋ قاجەتتىگى;

6) جۇمىسى قازاقستان رەسپۋبليكاسىنىڭ ۇلتتىق قاۋىپسىزدىگىنە قاتەر توندىرەتىن راديوەلەكتروندىق قۇرالدارمەن بەرىلەتىن راديوساۋلەلەنۋدى, سونداي-اق بارلاۋ-نۇقسان كەلتىرۋ ارەكەتىندە بايلانىس جەلىلەرىن پايدالانۋ جونىندەگى ءىس-قيمىلداردى انىقتاۋ قاجەتتىگى;

7) قازاقستان رەسپۋبليكاسىنىڭ مەملەكەتتىك قۇپيالارىن قۇرايتىن مالىمەتتەرگە رۇقسات الۋعا رەسىمدەلەتىن (قايتا رەسىمدەلەتىن) ادامداردى مىندەتتى ارنايى تەكسەرۋ, سونداي-اق مەملەكەتتىك قىزمەتكە كىرەتىن جانە مەملەكەتتىك قىزمەتتەگى, قازاقستان رەسپۋبليكاسى ۇلتتىق بانكىنىڭ جانە ونىڭ ۆەدومستۆولارىنىڭ قىزمەتشىسى لاۋازىمىنا ورنالاسۋعا ۇمىتكەر ادامداردى ارنايى تەكسەرۋ;

8) قازاقستان رەسپۋبليكاسىنىڭ مەملەكەتتىك ورگاندارىنا, سونداي-اق باسقارۋشىلىق فۋنكتسيالاردى ورىنداۋمەن بايلانىستى لاۋازىمدارعا مەملەكەتتىك زاڭدى تۇلعالارعا نەمەسە كۆازيمەملەكەتتىك سەكتوردىڭ سۋبەكتىلەرىنە جۇمىسقا تارتىلاتىن شەتەلدىكتەردى مىندەتتى ارنايى تەكسەرۋ;

9) قازاقستان رەسپۋبليكاسىنىڭ حالىقارالىق شارتتارىنا سايكەس شەت مەملەكەتتەردىڭ ارناۋلى قىزمەتتەرىنىڭ, قاۋىپسىزدىك ورگاندارىنىڭ, قۇقىق قورعاۋ ورگاندارىنىڭ, حالىقارالىق جانە وزگە دە ۇيىمداردىڭ سۇراۋ سالۋلارى;

10) قارسى بارلاۋ قىزمەتىن جۇزەگە اسىراتىن ورگان كۇشتەرىنىڭ, قۇرالدارى مەن اقپاراتىنىڭ بارلاۋ-نۇقسان كەلتىرۋ ارەكەتىنەن قورعالۋىن قامتاماسىز ەتۋ قاجەتتىگى قارسى بارلاۋ ءىس-شارالارىن جۇرگىزۋگە نەگىزدەر بولىپ تابىلادى.

2. ەگەر قازاقستان رەسپۋبليكاسىنىڭ زاڭدارىندا وزگەشە كوزدەلمەسە, زاڭدى تۇلعالاردىڭ ۇيىمدىق-قۇقىقتىق نىسانى, مەملەكەتتىك تيەسىلىگى, سونداي-اق جەكە تۇلعالاردىڭ ازاماتتىعى, جىنىسى, ۇلتى, تۇرعىلىقتى جەرى, الەۋمەتتىك, لاۋازىمدىق جانە م ۇلىكتىك جاعدايى, قوعامدىق بىرلەستىكتەرگە جاتاتىندىعى, دىنگە كوزقاراسى جانە ساياسي سەنىمدەرى قارسى بارلاۋ ءىس-شارالارىن جۇرگىزۋ ءۇشىن كەدەرگى بولىپ تابىلمايدى.

11-باپ. قارسى بارلاۋ ءىس-شارالارى

1. قارسى بارلاۋ ءىس-شارالارىنا:

1) اقپاراتتى رەسمي الۋ;

2) قارسى بارلاۋ ساۋالىن قويۋ;

3) جەكە تۇلعالارمەن جاريا جانە جاسىرىن قاتىناستار ورناتۋ, ولاردىڭ مۇمكىندىكتەرىن قارسى بارلاۋ قىزمەتىندە پايدالانۋ;

4) جەدەل ەندىرۋ;

5) جەدەل بايقاۋ;

6) جەدەل ەكسپەريمەنت;

7) نارسەلەر مەن زاتتاردى جەدەل تابۋ, زەرتتەۋ, تىركەۋ;

8) باقىلاناتىن جەتكىزىلىم;

9) باقىلاۋ ماقساتىندا ساتىپ الۋ;

10) تەحنيكالىق بارلاۋ قۇرالدارىن جانە اقپاراتتىڭ تارالىپ كەتۋىنىڭ تەحنيكالىق ارنالارىن ىزدەۋ;

11) بايلانىس جەلىسىنىڭ جەدەل مونيتورينگى;

12) پوشتا جونەلتىلىمدەرىن جانە وزگە دە جونەلتىلىمدەردى جەدەل باقىلاۋ;

13) ەلەكتر (تەلەكوممۋنيكاتسيا) بايلانىسىنىڭ جەلىلەرى ارقىلى بەرىلەتىن اقپاراتتى جەدەل ءتۇسىرىپ الۋ;

14) ابونەنتتەر جانە (نەمەسە) ابونەنتتىك قۇرىلعىلار اراسىنداعى قوسىلۋلار تۋرالى اقپاراتتى جەدەل الۋ;

15) اقپاراتتى جيناۋعا, وڭدەۋگە, بەرۋگە جانە ساقتاۋعا ارنالعان قۇرىلعىلاردان اقپاراتتى جەدەل ءتۇسىرىپ الۋ;

16) ادامدى نەمەسە ورىندى جەدەل اۋديو- جانە (نەمەسە) بەينەباقىلاۋ;

17) جەدەل كىرۋ جاتادى.

2. وسى باپتىڭ 1-تارماعىندا كورسەتىلگەن قارسى بارلاۋ ءىس-شارالارىن قارسى بارلاۋ قىزمەتىن جۇزەگە اسىراتىن بارلىق ورگاندار وزدەرىنە جۇكتەلگەن مىندەتتەرگە سايكەس جۇرگىزەدى.
3. وسى باپتىڭ 1-تارماعىنىڭ 1) – 11) تارماقشالارىندا كوزدەلگەن قارسى بارلاۋ ءىس-شارالارىن جۇرگىزۋ ءتارتىبى قارسى بارلاۋ قىزمەتىن جۇزەگە اسىراتىن ورگاننىڭ نورماتيۆتىك قۇقىقتىق اكتىلەرىندە ايقىندالادى.
4. وسى باپتىڭ 1-تارماعىنىڭ 12) – 17) تارماقشالارىندا كورسەتىلگەن قارسى بارلاۋ ءىس-شارالارى پروكۋروردىڭ سانكتسياسىمەن نە قازاقستان رەسپۋبليكاسىنىڭ باس پروكۋرورىمەن كەلىسىلگەن تارتىپپەن جۇرگىزىلەدى.

وسى تارماقتىڭ ءبىرىنشى بولىگىندە كورسەتىلگەن قارسى بارلاۋ ءىس-شارالارىن جۇرگىزۋ ءتارتىبى قارسى بارلاۋ قىزمەتىن جۇزەگە اسىراتىن ورگانداردىڭ قازاقستان رەسپۋبليكاسىنىڭ باس پروكۋرورىمەن كەلىسۋ بويىنشا قابىلداناتىن نورماتيۆتىك قۇقىقتىق اكتىلەرىندە ايقىندالادى.

5. قارسى بارلاۋ قىزمەتىن جۇزەگە اسىراتىن بارلىق ورگاندار مىندەتتەردى شەشۋ مۇددەسىندە بايلانىس جەلىسىن پايدالانۋمەن بايلانىستى قارسى بارلاۋ ءىس-شا­رالارىن تەحنيكالىق تۇرعىدان ۇلتتىق قاۋىپسىزدىك ورگاندارى جۇزەگە اسىرادى.

وسى ءىس-شارالاردى جۇرگىزۋ ءتارتىبى قارسى بارلاۋ قىزمەتىن جۇزەگە اسىراتىن ورگانداردىڭ قازاقستان رەسپۋبليكاسىنىڭ باس پروكۋرورىمەن كەلىسۋ بويىنشا قابىلداناتىن بىرلەسكەن نورماتيۆتىك قۇقىقتىق اكتىسىندە ايقىندالادى.

6. وسى باپتىڭ 1-تارماعىندا كورسەتىلمەگەن, مالىمەتتەرى مەملەكەتتىك قۇ­پيا­لاردى قۇرايتىن ادىستەردى جانە قۇرالداردى پايدالانۋمەن بايلانىستى قار­سى بارلاۋ ءىس-شارالارىنىڭ تىزبەسى جانە ولاردى جۇرگىزۋ ءتارتىبى قارسى بارلاۋ قىز­مەتىن جۇزەگە اسىراتىن ورگاننىڭ نورماتيۆتىك قۇقىقتىق اكتىلەرىندە بەلگىلەنەدى.

وسى ءىس-شارالار زاڭمەن قورعالاتىن جەكە ومىرگە قول سۇعىلماۋشىلىقتى, حات جازىسۋ, تەلەفون ارقىلى سويلەسۋ, تەلەگراف حابارلامالارى مەن پوشتا جونەل­تىلىمدەرى قۇپياسىن, سونداي-اق تۇرعىنجايعا قول سۇعىلماۋشىلىق قۇقىعىن قوزعاماۋعا ءتيىس. ولاردا ادامنىڭ ءومىرى مەن دەنساۋلىعىنا, سونداي-اق قورشاعان ورتاعا قاتەر توندىرەتىن ادىستەر مەن قۇرالداردى قولدانۋعا جول بەرىلمەيدى.

7. قارسى بارلاۋ ءىس-شارالارىن تەحنيكالىق جۇرگىزۋ ءۇشىن قازاقستان رەسپۋبليكاسىنىڭ بايلانىس سالاسىنداعى زاڭناماسىندا ايقىندالاتىن بايلانىس جەلىلەرى مەن قۇرالدارىنا قويىلاتىن تالاپتارعا سايكەس بايلانىس وپەراتورلارى ساتىپ العان جانە ورناتقان تەلەكوممۋنيكاتسيا جابدىقتارىنىڭ فۋنكتسيالارى پايدالانىلۋى مۇمكىن.
8. مەملەكەتتىك كۇزەت قىزمەتى جانە سىرتقى بارلاۋ سالاسىنداعى ۋاكىلەتتى ورگان وسى باپتىڭ 1-تارماعىنىڭ 13) جانە 14) تارماقشالارىندا كورسەتىلگەن, قازاقستان رەسپۋبليكاسىنىڭ اۋماعىندا بايلانىس قىزمەتتەرى مەن قۇرالدارىن ۇسىناتىن جەكە جانە زاڭدى تۇلعالاردىڭ ستاتسيونارلىق اپپاراتۋراسى مەن بايلانىس جەلىلەرىنە قوسىلۋدى بولعىزبايتىن قارسى بارلاۋ ءىس-شارالارىن جۇرگىزۋگە قۇقىلى.
9. مەملەكەتتىك كۇزەت قىزمەتىنىڭ جەدەل قامتاماسىز ەتۋ وبەكتىلەرىندەگى جانە كۇزەت ءىس-شارالارى جۇرگىزىلەتىن ايماقتاعى قارسى بارلاۋ ءىس-شارالارى قارسى بارلاۋ قىزمەتىن جۇزەگە اسىراتىن ورگانداردىڭ بىرلەسكەن نورماتيۆتىك قۇقىقتىق اكتىلەرىندە ايقىندالعان تارتىپپەن مەملەكەتتىك كۇزەت قىزمەتىمەن كەلىسۋ بويىنشا جۇرگىزىلەدى.
10. ناقتى قارسى بارلاۋ ءىس-شارالارىنىڭ رەتتىلىگى مەن مازمۇنى قارسى بارلاۋ قىزمەتىنىڭ شارتتارىندا ايقىندالادى.
11. قارسى بارلاۋ ءىس-شارالارىن جۇرگىزۋ بارىسىندا الىنعان م ۇلىككە بيلىك ەتۋ جانە ونى مەملەكەت كىرىسىنە اينالدىرۋ ءتارتىبىن قازاقستان رەسپۋبليكاسىنىڭ ۇكىمەتى ايقىندايدى.

12-باپ. قارسى بارلاۋ قىزمەتىنىڭ ماتەريالدارىن پايدالانۋ

قارسى بارلاۋ قىزمەتىنىڭ ماتەريالدارى:

1) قازاقستان رەسپۋبليكاسىنىڭ ۇلتتىق قاۋىپسىزدىك ستراتەگياسىن, قازاقستان رەسپۋبليكاسىنىڭ ۇلتتىق قاۋىپسىزدىگىن قامتاماسىز ەتۋ سالاسىنداعى وزگە دە ستراتەگيالىق جانە باعدارلامالىق قۇجاتتاردى ازىرلەۋ;

2) قازاقستان رەسپۋبليكاسى پرەزيدەنتىنىڭ, قازاقستان رەسپۋبليكاسى پارلامەنتىنىڭ, قازاقستان رەسپۋبليكاسى ۇكىمەتىنىڭ قازاقستان رەسپۋبلي­كاسىنىڭ ۇلتتىق قاۋىپسىزدىگىن قامتاماسىز ەتۋ ماسەلەلەرى بويىنشا شەشىمدەر قابىلداۋى;

3) مەملەكەتتىك ورگانداردىڭ, مەملەكەتتىك زاڭدى تۇلعالاردىڭ, كۆازيمەملەكەتتىك سەكتور سۋبەكتىلەرىنىڭ قازاقستان رەسپۋبليكاسىنىڭ ۇلتتىق مۇددەلەرىن قورعاۋ سالاسىندا شەشىمدەر قابىلداۋى;

4) نورماتيۆتىك قۇقىقتىق اكتىلەردىڭ جانە قازاقستان رەسپۋبليكاسى حالىقارالىق شارتتارىنىڭ جوبالارىن ازىرلەۋ;

5) قازاقستان رەسپۋبليكاسىنىڭ ۇلتتىق قاۋىپسىزدىگىنە تونەتىن قاتەرلەردى تالداۋ, باعالاۋ جانە بولجاۋ;

6) بارلاۋ جانە (نەمەسە) نۇقسان كەلتىرۋ اكتسيالارىنىڭ الدىن الۋ, ولاردى اشكەرەلەۋ جانە جولىن كەسۋ;

7) قازاقستان رەسپۋبليكاسىنىڭ اكىمشىلىك نەمەسە قىلمىستىق-پروتسەستىك زاڭناماسىندا كوزدەلگەن تارتىپپەن اكىمشىلىك نەمەسە قىلمىستىق جاۋاپتىلىققا تارتۋ ءۇشىن پايدالانىلادى.

13-باپ. قارسى بارلاۋ قىزمەتىن اقپاراتتىق قامتاماسىز ەتۋ جانە قۇجاتتاۋ

1. وسى زاڭدا كوزدەلگەن مىندەتتەردى شەشۋ ءۇشىن قارسى بارلاۋ قىزمەتىن جۇزەگە اسىراتىن ورگان اقپاراتتاندىرۋ وبەكتىلەرىن قۇرادى, پايدالانادى, دامىتادى, ولاردىڭ قاۋىپسىزدىگىن قامتاماسىز ەتەدى, سونداي-اق قارسى بارلاۋ ىستەرىن جۇرگىزەدى.
2. قارسى بارلاۋ قىزمەتىن جۇزەگە اسىراتىن ورگاننىڭ اقپاراتتاندىرۋ وبەكتىلەرىن قۇرۋ, دامىتۋ, پايدالانۋ جانە ولاردىڭ قاۋىپسىزدىگىن قامتاماسىز ەتۋ ءتارتىبى قازاقستان رەسپۋبليكاسىنىڭ زاڭناماسىندا ايقىندالادى.
3. قارسى بارلاۋ ىستەرىن اشۋ جانە توقتاتۋ ءتارتىبى قازاقستان رەسپۋبليكاسىنىڭ باس پروكۋرورىمەن كەلىسۋ بويىنشا قارسى بارلاۋ قىزمەتىن جۇزەگە اسىراتىن ورگاننىڭ ءبىرىنشى باسشىسىنىڭ نورماتيۆتىك قۇقىقتىق اكتىسىندە ايقىندالادى.

14-باپ. قارسى بارلاۋ قىزمەتىنىڭ ماتەريالدارىن ساقتاۋ

1. قىلمىستىق ىسكە قوسا تىركەلگەن مالىمەتتەردى قوسپاعاندا, قارسى بارلاۋ قىزمەتىنىڭ ماتەريالدارى قارسى بارلاۋ قىزمەتىن جۇزەگە اسىراتىن ورگاندا عانا ساقتالۋعا جانە جويىلۋعا ءتيىس.
2. قارسى بارلاۋ قىزمەتىنىڭ ماتەريالدارىن ساقتاۋ مەرزىمدەرى, ساقتاۋ جانە جويۋ ءتارتىبى قارسى بارلاۋ قىزمەتىن جۇزەگە اسىراتىن ورگاننىڭ ءبىرىنشى باسشىسىنىڭ نورماتيۆتىك قۇقىقتىق اكتىسىندە بەلگىلەنەدى.

15-باپ. قارسى بارلاۋ قىزمەتى سالاسىنداعى ءوزارا ءىس-قيمىل جانە حالىقارالىق ىنتىماقتاستىق

1. مەملەكەتتىك ورگاندار, مەملەكەتتىك زاڭدى تۇلعالار, سونداي-اق كۆازيمەملەكەتتىك سەكتور سۋبەكتىلەرى ءوز قۇزىرەتى شەگىندە قارسى بارلاۋ قىزمەتىن جۇزەگە اسىراتىن ورگاندارعا وسى زاڭنىڭ 3-بابىندا كوزدەلگەن مىندەتتەردى شەشۋدە جاردەم كورسەتەدى.
2. قارسى بارلاۋ قىزمەتىن جۇزەگە اسىراتىن ورگاندار قازاقستان رەسپۋبليكاسىنىڭ ءتيىستى حالىقارالىق شارتتارى نەگىزىندە شەت مەملەكەتتەردىڭ ارناۋلى قىزمەتتەرىمەن, قاۋىپسىزدىك ورگاندارىمەن, قۇقىق قورعاۋ ورگاندارىمەن, حالىقارالىق جانە وزگە دە ۇيىمدارمەن حالىقارالىق ىنتىماقتاستىق شەڭبەرىندە ءوزارا ءىس-قيمىل جاسايدى.
3. حالىقارالىق شارتتاردىڭ تاراپتارى اراسىنداعى قارسى بارلاۋ قىزمەتى سالاسىندا ءوزارا ءىس-قيمىل جاساۋ ماسەلەلەرى بويىنشا مالىمەتتەرگە, سول سياقتى ءوزارا ءىس-قيمىل جاساۋدىڭ كولەمى مەن مازمۇنى تۋرالى اقپاراتقا قول جەتكىزۋ شەكتەلەدى جانە ولار كىمگە بولسا دا بەرىلمەيدى نەمەسە تاراپتاردىڭ ارقايسىسىنىڭ جازباشا كەلىسىمىنسىز جانە تالاپتارى تولىق ەسكەرىلمەيىنشە پايدالانىلمايدى.

16-باپ. قارسى بارلاۋ قىزمەتىن جۇزەگە اسىراتىن ورگانداردىڭ قىزمەتكەرلەرى, اسكەري قىزمەتشىلەرى

1. قارسى بارلاۋ قىزمەتىن جۇزەگە اسىراتىن ورگاندار قىزمەتكەرلەرىنىڭ, اسكەري قىزمەتشىلەرىنىڭ قۇقىقتىق مارتەبەسى, ولاردى قۇقىقتىق جانە الەۋمەتتىك قورعاۋ شارالارى قازاقستان رەسپۋبليكاسىنىڭ زاڭدارىندا بەلگىلەنەدى.
2. قارسى بارلاۋ قىزمەتىنە زاڭسىز ارالاسۋ نەمەسە كەدەرگى كەلتىرۋ, سونداي-اق قارسى بارلاۋ ءىس-شارالارىن جۇرگىزۋ كەزىندە قىزمەتكەرلەردىڭ, اسكەري قىزمەتشىلەردىڭ زاڭدى تالاپتارىن ورىنداماۋ قازاقستان رەسپۋبليكاسىنىڭ زاڭدارىندا بەلگىلەنگەن جاۋاپتىلىققا الىپ كەلەدى.
3. قارسى بارلاۋ قىزمەتىن جۇزەگە اسىراتىن ورگاننىڭ قىزمەتكەرى نەمەسە اسكەري قىزمەتشىسى قارسى بارلاۋ ءىس-شارالارىن جۇرگىزگەن كەزدە ونى اكىمشىلىك ۇستاۋعا, سونداي-اق جەكە باسىن جەتە تەكسەرۋگە, ونداعى زاتتاردى, ول پايدالاناتىن قىزمەتتىك كولىك قۇرالدارىن جەتە تەكسەرۋگە جول بەرىلمەيدى.

17-باپ. قارسى بارلاۋ قىزمەتىن جۇزەگە اسىراتىن ورگاندار قىزمەتكەرلەرىنىڭ, اسكەري قىزمەتشىلەرىنىڭ جاۋاپتىلىعى

1. قارسى بارلاۋ قىزمەتىن جۇزەگە اسىرۋ كەزىندە قۇقىققا قارسى ارەكەتتەر جاساعان قىزمەتكەرلەر, اسكەري قىزمەتشىلەر قازاقستان رەسپۋبليكاسىنىڭ زاڭدارىندا بەلگىلەنگەن جاۋاپتىلىقتا بولادى.
2. قارسى بارلاۋ قىزمەتىن جۇزەگە اسىراتىن ورگانداردىڭ ءىس-قيمىلدارىمەن كەلتىرىلگەن زالال قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن وتەلەدى.

18-باپ. قارسى بارلاۋ قىزمەتىن جۇزەگە اسىراتىن ورگاندارعا جاردەم كورسەتەتىن قۇپيا كومەكشىلەر

1. قارسى بارلاۋ قىزمەتىن جۇزەگە اسىراتىن ورگاندارعا جاردەم كورسەتەتىن قۇپيا كومەكشىلەر مەملەكەتتىڭ قورعاۋىندا بولادى.
2. قۇپيا كومەكشىلەردىڭ جەكە باسى تۋرالى مالىمەتتەردى كىمگە بولسا دا بەرۋگە بولمايدى.
3. قۇپيا كومەكشىلەردىڭ, سول سياقتى ولاردىڭ وتباسى مۇشەلەرى مەن جاقىن تۋىستارىنىڭ ومiرiنە, دەنساۋلىعىنا نەمەسە مۇلكiنە ناقتى قولسۇعۋشىلىق قاتەرى تونگەن كەزدە قارسى بارلاۋ قىزمەتىن جۇزەگە اسىراتىن ورگان قۇقىققا قارسى ارەكەتتەردى بولعىزباۋ, كىنالىلەردى انىقتاۋ جانە ولاردى جاۋاپقا تارتۋ جونىندەگى بارلىق قاجەتتى شارالاردى, سونداي-اق قاجەت بولعان جاعدايدا, قازاقستان رەسپۋبليكاسىنىڭ قىلمىستىق پروتسەسكە قاتىساتىن ادامداردى مەملەكەتتىك قورعاۋ تۋرالى زاڭناماسىنا سايكەس قاۋىپسىزدىك شارالارىن قابىلداۋعا مiندەتتi.
4. قۇپيا كومەكشىلەر قارسى بارلاۋ قىزمەتىن جۇزەگە اسىراتىن ورگاندارعا وتەۋلى نەمەسە وتەۋسىز نەگىزدە جاردەم كورسەتەدى. وتەۋلى نەگىزدە جاردەم كورسەتەتىن قۇپيا كومەكشىلەرگە سىياقى تولەۋ ءتارتىبىن قارسى بارلاۋ قىزمەتىن جۇزەگە اسىراتىن ورگاننىڭ ءبىرىنشى باسشىسى بەلگىلەيدى.
5. قۇپيا كومەكشى قارسى بارلاۋ ءىس-شارالارىن جۇرگىزۋگە قاتىسۋىنا بايلانىستى قازا بولعان جاعدايدا, قازا تاپقان ادامنىڭ وتباسىنا جانە ونىڭ اسىراۋىنداعى ادامدارعا:

اقىلى نەگىزدە ىنتىماقتاسىپ جۇمىس ىستەگەن قازا بولعان ادامنىڭ اقشالاي سىياقىسىنىڭ ون جىلدىق سوماسى;

قازا بولعان ادام وتەۋسىز نەگىزدە ىنتىماقتاسىپ جۇمىس ىستەگەن كەزدە قازاقستان رەسپۋبليكاسىنىڭ زاڭناماسىندا بەلگىلەنگەن ەڭ تومەن ايلىق جالاقى مولشەرىنىڭ ون جىلدىق سوماسى مولشەرىندە بىرجولعى جاردەماقى تولەنەدى.

6. قۇپيا كومەكشى قارسى بارلاۋ ءىس-شارالارىن جۇرگىزۋگە قاتىسۋىنا بايلانىستى مەرتىككەن نەمەسە ونىڭ دەنساۋلىعىنا وزگە دە زيان كەلتىرىلگەن كەزدە وعان قارسى بارلاۋ قىزمەتىن جۇزەگە اسىراتىن ورگاننىڭ ءبىرىنشى باسشىسى ايقىندايتىن مولشەردە بىرجولعى جاردەماقى تولەنەدى, ونىڭ مولشەرى:

اقىلى نەگىزدە ىنتىماقتاسىپ جۇمىس ىستەگەندەر ءۇشىن اقشالاي سىياقىنىڭ بەس جىلدىق سوماسىنان;

وتەۋسىز نەگىزدە ىنتىماقتاسىپ جۇمىس ىستەگەندەر ءۇشىن قازاقستان رەسپۋبلي­كاسىنىڭ زاڭناماسىندا بەلگىلەنگەن ەڭ تومەن ايلىق جالاقى مولشەرىنىڭ بەس جىلدىق سوماسىنان اسپاۋعا ءتيىس.

7. قۇپيا كومەكشى قارسى بارلاۋ ءىس-شارالارىن جۇرگىزۋگە قاتىسۋىنا بايلانىستى قازا بولعان نە مەرتىككەن نەمەسە ونىڭ دەنساۋلىعىنا وزگە دە زيان كەلتىرىلگەن جاعدايلاردا بىرجولعى جاردەماقىنى تولەۋ قارسى بارلاۋ قىزمەتىن جۇزەگە اسىراتىن ورگاننىڭ نورماتيۆتىك قۇقىقتىق اكتىسىندە ايقىندالاتىن تارتىپپەن قارسى بارلاۋ قىزمەتىن جۇزەگە اسىراتىن ورگاننىڭ قاراجاتىنان جۇرگىزىلەدى.
8. قۇپيا كومەكشىلەرمەن جۇمىستى ۇيىمداستىرۋ جانە جۇرگىزۋ ءتارتىبى قارسى بارلاۋ قىزمەتىن جۇزەگە اسىراتىن ورگاننىڭ نورماتيۆتىك قۇقىقتىق اكتىلەرىندە بەلگىلەنەدى.

19-باپ. قارسى بارلاۋ قىزمەتىن ۆەدومستۆولىق باقىلاۋ

1. قارسى بارلاۋ قىزمەتىن ۆەدومستۆولىق باقىلاۋدى ۇيىمداستىرۋ جانە جۇرگىزۋ قارسى بارلاۋ قىزمەتىن جۇزەگە اسىراتىن ورگاننىڭ ءبىرىنشى باسشىسىنا جۇكتەلەدى.
2. قارسى بارلاۋ قىزمەتىن جۇزەگە اسىراتىن ورگاننىڭ ءبىرىنشى باسشىسى:

قارسى بارلاۋ قىزمەتىنىڭ ۇيىمداستىرىلۋىن, تاكتيكاسىن, نىساندارى مەن ادىستەرىن, تارتىلعان كۇشتەر مەن قۇرالداردى;

شەت مەملەكەتتەردىڭ ارناۋلى قىزمەتتەرىمەن, قاۋىپسىزدىك ورگاندارىمەن, قۇقىق قورعاۋ ورگاندارىمەن, حالىقارالىق ۇيىمدارمەن حالىقارالىق ىنتىماقتاستىقتىڭ ۇيىمداستىرىلۋىن جانە جۇزەگە اسىرىلۋىن;

قۇپيالىلىقتىڭ جانە استىرتىن ارەكەت ەتۋدىڭ قامتاماسىز ەتىلۋىن باقىلاۋدى جۇزەگە اسىرادى.

20-باپ. قارسى بارلاۋ قىزمەتىن جۇزەگە اسىرۋ كەزىندەگى پروكۋرورلىق قاداعالاۋ

1. قارسى بارلاۋ قىزمەتىن جۇزەگە اسىرۋ كەزىندە قازاقستان رەسپۋبليكاسى زاڭدارىنىڭ جانە وزگە دە نورماتيۆتىك قۇقىقتىق اكتىلەرىنىڭ دالمە-ءدال ءارى بىركەلكى قولدانىلۋىن جوعارى قاداعالاۋدى قازاقستان رەسپۋبليكاسىنىڭ باس پروكۋرورى جانە ول ۋاكىلەتتىك بەرگەن پروكۋرورلار جۇزەگە اسىرادى.

ۋاكىلەتتى پروكۋرورلاردىڭ تىزبەسى قارسى بارلاۋ قىزمەتىن جۇزەگە اسىراتىن ورگاننىڭ ءبىرىنشى باسشىسىمەن كەلىسۋ بويىنشا قازاقستان رەسپۋبليكاسى باس پروكۋرورىنىڭ بۇيرىعىمەن بەلگىلەنەدى.

2. قاداعالاۋدى ۇيىمداستىرۋ كەزىندە پروكۋراتۋرا ورگاندارى مەن قارسى بارلاۋ قىزمەتىن جۇزەگە اسىراتىن ورگاننىڭ ءوزارا قارىم-قاتىناستارى قازاقستان رەسپۋبليكاسى باس پروكۋرورىنىڭ جانە قارسى بارلاۋ قىزمەتىن جۇزەگە اسىراتىن ورگاننىڭ ءبىرىنشى باسشىسىنىڭ بىرلەسكەن نورماتيۆتىك قۇقىقتىق اكتىسىمەن رەتتەلەدى.
3. قازاقستان رەسپۋبليكاسى پرەزيدەنتىنىڭ تاپسىرماسى, جەكە نەمەسە زاڭدى تۇلعانىڭ قۇقىقتارىن, بوستاندىقتارى مەن زاڭدى مۇددەلەرىن قارسى بارلاۋ قىزمەتىن جۇزەگە اسىراتىن ورگاننىڭ بۇزعانى تۋرالى ارىزى پروكۋراتۋرانىڭ تەكسەرۋلەر جۇرگىزۋىنە نەگىز بولىپ تابىلادى.
4. قۇپيا كومەكشىلەر مەن جاسىرىن قىزمەتكەرلەردىڭ جەكە باسى تۋرالى مالىمەتتەر, سونداي-اق قارسى بارلاۋ قىزمەتىنىڭ ۇيىمداستىرىلۋى مەن تاكتيكاسى, شەت مەملەكەتتەردىڭ ارناۋلى قىزمەتتەرىمەن, قاۋىپسىزدىك ورگاندارىمەن, قۇقىق قورعاۋ ورگاندارىمەن, حالىقارالىق جانە وزگە دە ۇيىمدارمەن قارسى بارلاۋ قىزمەتى سالاسىندا ءوزارا ءىس-قيمىل جاساۋ ماسەلەلەرى بويىنشا حالىقارالىق ىنتىماقتاستىق قاداعالاۋ نىساناسىنا كىرمەيدى.
5. وسى زاڭنىڭ 11-بابى 1-تارماعىنىڭ 12) – 17) تارماقشالارىندا كورسەتىلگەن قارسى بارلاۋ ءىس-شارالارىن جۇرگىزۋگە سانكتسيانى قازاقستان رەسپۋبليكاسىنىڭ باس پروكۋرورى نەمەسە ول ۋاكىلەتتىك بەرگەن پروكۋرورلار بەرەدى.

سانكتسيا الۋ كەزىندە پروكۋرورعا ولاردى جۇرگىزۋگە نەگىز بولعان, نىسانى مەن مازمۇنى بويىنشا قۇپيا كومەكشىلەر مەن جاسىرىن قىزمەتكەرلەردىڭ جەكە باسى تۋرالى مالىمەتتەردىڭ قۇپياسىن اشۋ مۇمكىندىگىن بولعىزبايتىن, سونداي-اق قارسى بارلاۋ قىزمەتىنىڭ ۇيىمداستىرىلۋى مەن تاكتيكاسىنا قاتىستى ماتەريالدار ۇسىنىلادى.

قارسى بارلاۋ ءىس-شاراسىنىڭ ناتيجەلەرى تۋرالى ونى جۇرگىزۋگە سانكتسيا بەرگەن پروكۋرور حاباردار ەتىلەدى.

6. قاداعالاۋ ماسەلەلەرى بويىنشا ۋاكىلەتتى پروكۋرورلاردىڭ قارسى بارلاۋ قىزمەتىن جۇزەگە اسىراتىن ورگان باسشىلارىنىڭ قابىلداۋىنا كىدىرىسسىز كىرۋگە قۇقىعى بار.
7. ۋاكىلەتتى پروكۋرورلار قارسى بارلاۋ قىزمەتىن جۇزەگە اسىراتىن ورگاننىڭ وبەكتىلەرىندە بولعان ۋاقىتتا ولارعا وسى ورگاندا بەلگىلەنگەن وتكىزۋ جانە وبەكتىشىلىك رەجيمدەردىڭ تالاپتارى قولدانىلادى.

21-باپ. قارسى بارلاۋ قىزمەتىن قارجىلىق جانە ماتەريالدىق-تەحنيكالىق قامتاماسىز ەتۋ

قارسى بارلاۋ قىزمەتىن قارجىلاندىرۋ جانە ماتەريالدىق-تەحنيكالىق قامتاماسىز ەتۋ قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن جۇزەگە اسىرىلادى.

22-باپ. وسى زاڭدى قولدانىسقا ەنگىزۋ ءتارتىبى

وسى زاڭ العاشقى رەسمي جاريالانعان كۇنىنەن باستاپ ەكى اي وتكەن سوڭ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ن.نازارباەۆ

استانا, اقوردا, 2016 جىلعى 28 جەلتوقسان

№ 35-VI قرز