ەرلان ىدىرىسوۆ جاڭا قىزمەتكە تاعايىندالدى

قر بۇرىنعى سىرتقى ىستەر ءمينيسترى ەرلان ىدىرىسوۆ ۇلىبريتانياداعى قازاقستان ەلشىسى بولىپ تاعايىندالدى, - دەپ حابارلايدى اقوردانىڭ ءباسپاسوز قىزمەتى. "قازاقستان پرەزيدەنتى ەرلان ىدىرىسوۆتىڭ ۇلىبريتانياداعى قازاقستان رەسپۋبليكاسىنىڭ ەلشىسى بولىپ تاعايىندالعانىن حابارلادى. مەملەكەت باسشىسى وعان وسىعان دەيىن ۆەدومستۆو باسشىسى قىزمەتىن اتقارعانى ءۇشىن العىس ءبىلدىردى. نۇرسۇلتان نازارباەۆ داعدارىسقا جانە جاھانداعى جاعدايلارعا بايلانىستى سىرتقى ىستەر مينيسترلىگىنە الدا ءبىراز جۇمىستى اتقارۋ كەرەكتىگىن ايتىپ ءوتتى", - دەلىنگەن حابارلامادا. ىدىرىسوۆ ەرلان ءابىلفايىز ۇلى 1959 جىلى 28 ساۋىردە قارقارالىدا دۇنيەگە كەلگەن. 1999-2002 جىلدارى جانە 2012-2016 جىلدار ارالىعىندا قر سىرتقى ىستەر ءمينيسترى قىزمەتىندە بولعان. ال 2016 جىلدىڭ 28 جەلتوقسانىندا مەملەكەت باسشىسى ەرلان ىدىرىسوۆتى سىرتقى ىستەر ءمينيسترى قىزمەتىنەن بوساتقان بولاتىن.