1 قاڭتاردان باستاپ مەملەكەتتىك ساتىپ الۋ جاڭا ەرەجەمەن جۇمىس ىستەيدى

2017 جىلدىڭ 1 قاڭتاردان باستاپ مەملەكەتتىك ساتىپ الۋ بارلىق كەزەندەرى جوسپارلاۋدان باستاپ, اقى تولەۋمەن اياقتاي وتىرىپ ەلەكتروندىق فورماتتا www.goszakup.gov.kz. – ۆەب-پورتالى ارقىلى جۇرگىزىلەدى, سونىمەن قاتار مەملەكەتتىك ساتىپ الۋ قاعيدالارىمەن تانىسۋعا بولادى, دەپ حابارلادى قارجى مينيسترلىگىنىڭ ءباسپاسوز قىزمەتى. قازاقستان رەسپۋبليكاسىنىڭ قارجى مينيسترلىگى ساتىپ الۋدىڭ ايقىندىعىڭ ۇلعايتۋ ماقساتىندا مەملەكەتتىك ساتىپ الۋدى جۇزەگە اسىرۋ قاعيدالارىنا وزگەرىستەر ەنگىزدى. وسى وزگەرىستەرگە بايلانىستى 2017 جىلدىڭ 1 قاڭتارىنان باستاپ مەملەكەتتىك ساتىپ الۋ كەلىسىم شارتىنىڭ ورىندالۋى جونىندەگى قۇجاتتارى – كورسەتىلگەن قىزمەتتەردىڭ, ورىندالعان جۇمىستاردىڭ, تاۋارلاردى قابىلداۋ  اكتىلەرى مەن شوت-فاكتۋرالارى تەك قانا ەلەكتروندىق فورماتتا تولتىرىلاتىن بولادى. مەملەكەتتىك ساتىپ الۋ زاڭناماسى ءاردايىم جەتىلدىرۋدى قاجەت ەتەدى, - دەپ قر قارجى مينيسترلىگىنىڭ مەملەكەتتىك ساتىپ الۋ ءادىسناماسى دەپارتامەنت ديرەكتورى ءسابيت احمەتوۆ ماقۇلدايدى. وسىعان بايلانىستى ساتىپ الۋ جۇيەسىن رەتتەگەندە ءبىز ءۇش نەگىزگى قاعيداتتارىنا نەگىزدەلەمىز – ايقىندىعى, قاراپايىمدىعى جانە ساتىپالۋلار ناتيجەسى. مەملەكەتتىك ساتىپ الۋ سالاسى ۇلكەن اقشالاي قاراجاتپەن بايلانىستى جانە بۇكىل دۇنيە جۇزىندە سىبايلاس جەمقورلىققا كوپ ۇشىرايتىن سالا ەكەنىڭ ەسكەرە وتىرىپ, قر قارجى مينيسترلىگىندە بۇل ەنگىزىلەتىن جاڭالىقتار جەتكىزۋشىلەر مەن تاپسىرىس بەرۋشىلەردىڭ جۇمىسىن ايتارلىقتاي جەنىلدەتەدى, سونداي-اق شارتتىق مىندەتتەمەلەردى ورىنداعانى ءۇشىن تولەم ۋاقىتىن قىسقارتادى دەپ ەسەپتەيدى. وسىلايشا, 2017 جىلدىڭ 1 قاڭتاردان باستاپ  مەملەكەتتىك ساتىپ الۋ  بارلىق كەزەندەرى جوسپارلاۋدان باستاپ, اقى تولەۋمەن اياقتاي وتىرىپ ەلەكتروندىق فورماتتا www.goszakup.gov.kz. – ۆەب-پورتالى ارقىلى جۇرگىزىلەدى, سونىمەن قاتار مەملەكەتتىك ساتىپ الۋ قاعيدالارىمەن تانىسۋعا بولادى.