ابەل سانچەس ۇزدىك جاتتىقتىرۋشى اتاندى

گەننادي گولوۆكيننىڭ جاتتىقتىرۋشىسى ابەل سانچەس Yahoo Sports پورتالىنىڭ نۇسقاسى بويىنشا ۇزدىك باپكەر اتاندى. بۇل تۋرالى vesti.kz حابارلادى. ونىڭ ۇزدىك شاكىرتتەرىنىڭ ءبىرى – WBC, WBA, IBF جانە IBO بەلبەۋلەرىنىڭ يەسى قازاقستاندىق بوكسشى. بىراق بيىل سانچەستىڭ وزگە دە بوكسشىلارى جاقسى قىرىنان كورىندى. رەسەيلىك مۋرات گاسسيەۆ (24-0, 17 KO) ءبىرىنشى اۋىر سالماقتا IBF نۇسقاسى بويىنشا الەم چەمپيونى اتانسا, ونىڭ وتانداسى دەنيس شافيكوۆ (38-2-1, 20 KO) جەڭىل سالماقتا IBF بەلبەۋىنە قول جەتكىزدى. سونىمەن قاتار, كونستانتين پونومارەۆ (31-0, 13 Kو) جانە الەكسا سۋسەدو (23-0, 14 KO) كاسىپقوي بوكستاعى جەڭىستى جولدارىن ارى قاراي جالعادى. ال ەندي رۋيز (29-1-0, 19 KO) اۋىر سالماقتا تيتۋلدىق جەكپە-جەگىنە دەيىن جەتتى. ۇزدىك باپكەر اتاعىندا ابەل بريتانيالىق كارل فرەمپتوننىڭ جاتتىقتىرۋشىسى شەين ماكگيگاندى باسىپ وزدى. Yahoo Sport بۇعان دەيىن بريتانيالىققا ۇزدىك بوكسشى اتاعىن بەرگەن. ايتا كەتەيىك, WorldBoxingNet باسىلىمى جانە بوكس جايلى جازاتىن امەريكالىق جۋرناليستەر قاۋىمداستىعى سانچەستى جىل جاتتىقتىرۋشىسى اتاعان.