ارال اۋرۋحاناسىنا قارجى كەرەك

قازاقستان رەسپۋبليكاسى پرەزيدەنتىنىڭ جىل سايىنعى قازاقستان حالقىنا جولداۋلارىندا الەۋمەتتىك سالادا جۇمىستاردى جانداندىرۋعا باستى نازار اۋدارىلىپ كەلەدى. ونىڭ ىشىندە, دەنساۋلىق ساقتاۋ, ءبىلىم بەرۋ جانە مادەنيەت سالالارىنىڭ قىزمەتىن جەتىلدىرۋ مەن ساپاسىن جاقسارتۋ بۇگىنگى كۇننىڭ وزەكتى ماسەلەسى بولىپ تابىلادى. وسى تۇرعىدا قىزىلوردا وب­لىس­ى­نىڭ ارال قالاسىنداعى اۋدان­دىق ورتالىق اۋرۋحاناسىنا قاتىستى وسى ءبىر شەشىمىن كۇتكەن ماسەلەنى كولدەنەڭ تارتسام دەپ ەدىم. اتالعان مەديتسينالىق ەمدەۋ ورتالىعى – 80 مىڭنان استام جەر­گى­لىكتى حالىققا ستاتسيونارلىق مە­ديتسينالىق كومەك كورسەتەتىن جال­عىز اۋرۋحانا. ال اۋداندىق اۋرۋحانا 1989 جىلى تيپتىك جوبامەن سالىنعان بولاتىن. قازىرگى ابدەن توزىعى جەتىپ تۇر. قازاقستان رەسپۋبليكاسى ۇلت­تىق ەكونوميكا مينيسترلىگىنىڭ قۇ­­رى­لىس جانە تۇرعىن ءۇي -كوممۋ­نال­­دىق شارۋاشىلىق ىستەرى كومي­تەتىنىڭ «قازاق قۇرىلىس جانە ءساۋ­لەت عىلىمي-زەرتتەۋ جانە جوبالاۋ ينستيتۋتى» اق-تىڭ 2016 جىلدىڭ 18 قازانىندا الىنعان №297 قورىتىندىسىنا سايكەس, نى­ساننىڭ اپاتتىق جاعدايدا ەكە­نى ناقتىلانىپ, قولدانىستاعى قۇ­رىلىستى قايتا جاڭعىرتۋعا نەمەسە ودان ءارى پايدالانۋعا مۇمكىندىك بول­ماۋى سەبەپتى نىسان بۇزىلۋعا جا­تادى دەپ تانىلعان. الايدا, باسقا عيماراتتىڭ بول­ماۋىنا بايلانىستى بۇگىندە اۋرۋحانانى جاۋىپ, ونىڭ جۇمىسىن توقتاتۋ مۇمكىن بولماي وتىر. قىزىلوردا وبلىسى اكىمدىگى تاراپىنان جاڭا اۋرۋحانا قۇرى­لى­سىنىڭ جوبالىق-سمەتالىق قۇ­جات­تارى ازىرلەنىپ, مەملەكەتتىك ساراپتاماسىنىڭ وڭ قورىتىندىسى الىنعان. قۇرىلىستىڭ جالپى سمەتالىق قۇنى 4,5 ملرد تەڭگەنى قۇ­رايدى. بيۋدجەتتىك ءوتىنىم قازاقستان رەس­پۋبليكاسىنىڭ دەن­ساۋ­لىق ساق­تاۋ جانە الەۋمەتتىك دامۋ مي­نيسترلىگىنە جولدانعان. ەل بو­لا­شاعى, وسكەلەڭ ۇرپاعىمىزدىڭ سالاماتتى دا دەنى ساۋ ۇرپاق بولۋىن ويلاساق, بۇگىننەن باستاپ وسىنداي الەۋمەتتىك ماڭىزى بار وبەكتىلەر سالۋ ماسەلەلەرىن شەشۋگە كىرىسۋ قاجەت. جوعارىدا ايتىلعانداردىڭ نەگىزىندە, ەلىمىزدىڭ ۇكىمەتى «ارال ءوڭi­رi­ندەگi ەكولوگيالىق قاسiرەت سال­دارىنان زارداپ شەككەن ازامات­تاردى الەۋمەتتiك قور­عاۋ تۋرالى» زاڭعا سايكەس, قىزىل­وردا وب­لىسىنداعى ارال اۋدانى اۋما­عى­نىڭ ەكولوگيالىق اپات ايماعىنا جاتا­تىندىعىن ەسكەرە كەلە, ارال قالا­سىندا جاڭادان اۋداندىق ورتا­لىق اۋرۋحانا قۇرىلىسىنىڭ الداعى جىلى باستالۋىنا قاجەتتى قاراجاتتى قاراستىرۋ ارقىلى وڭ ىقپال ەتەدى دەپ ۇمىتتەنەمىن. بەكمىرزا ەلامانوۆ, سەنات دەپۋتاتى