اقتوبەدە ايەلدەر مەن بالالارعا داعدارىس ورتالىعى اشىلدى

اقتوبەدە ايەلدەر مەن بالالارعا ارنالعان داعدارىس ورتالىعى اشىلدى. جوبانى «اق-رۋنو» جشس مەمەلەكەتتىك-جەكە سەرىكتەستىك اياسىندا جۇزەگە اسىردى. بۇل ماقساتقا قامقورشىلىق كەڭەس وكىلدەرى مەن مەتسەنات اسقاربەك مامىرباەۆ 300 ميلليون تەڭگە ءبولدى. اۋماعى 2980 شارشى مەتر بولاتىن ءۇش قاباتتى ءۇيدىڭ قۇرىلىسى 2016 جىلدىڭ قازان ايىندا اياقتالعان بولاتىن, دەپ حابارلادى وبلىس اكىمىنىڭ ءباسپاسوز قىزمەتى.

« وكىنىشكە قاراي, ءومىر بولعان سوڭ, ادامداردىڭ باسىندا ءار ءتۇرلى قيىن جاعدايلار بولىپ قالادى. سوندىقتان ءبىز ءوز تاراپىمىزدان ولارعا قول ۇشىن سوزۋىمىز كەرەك. قازىرگى تاڭدا قازاقستاندا وسىنداي 17 ورتالىق جۇمىس جاسايدى. بىراق, اقتوبەدە جوق بولاتىن. ءبىز بۇل ماسەلەنى مەملەكەتتىك جەكە سەرىكتەستىكتىڭ كومەگىمەن شەشتىك. اتالمىش داعدارىس ورتالىق - قازاقستانداعى ەڭ ءىرىسى بولىپ سانالادى جانە مۇندا ءبىر ۋاقىتتا 200-گە تارتا ادام قابىلداۋعا بولادى. جوبانى جۇزەگە اسىرۋ ءۇشىن كومپانيا 300 ملن تەڭگە ءبولدى»,-دەدى بەردىبەك ساپارباەۆ جشس باسشىلىعىنا ماڭىزدى ماسەلەنى شەشكەندەرى ءۇشىن العىسىن ءبىلدىردى. ورتالىقتا پسيحولوگ, الەۋمەتتانۋشى, زاڭگەر, ەڭبەك نۇسقاۋشىسى سياقتى 60 قىزمەتكەرى بار الەۋمەتتىك-پسيحولوگيالىق ءبولىم جۇمىس جاساماق. ستاتسيونارلىق باسپاناعا كەلگەن ايەلدەر ءوز ماسەلەلەرىن شەشىپ المايىنشا 1-6 اي كولەمىندە تۇرا الادى. پسيحيكالىق-فيزيكالىق زورلىققا تاپ بولعان, جاقىندارىنان ايرىلعان ايەلدەر, مۇگەدەكتەر, جالعىز باستى جانە كامەلەتتىك جاسقا تولماعان بالالارى بار انالار, ءۇيى ورتكە ورانعان وتباسىلار, بالالار ءۇيى مەن مەكتەپ-ينتەرناتتارىنىڭ تۇلەكتەرى, قيىن جاعدايعا تاپ بولعان ءجاسوسپىرىم قىزدار جانە ت.ب. وسى جەردەن پانا تابادى. داعدارىس ورتالىعىنىڭ قىزمەتتەرى تەك فيزيكالىق جانە ەموتسيالىق قاۋىپسىزدىككە ءزارۋ جانداردى ۋاقىتشا, جابدىقتالعان باسپانامەن قامتاماسىز ەتۋگە, اتا-انالىق تيىمدىلىكتى قالىپتاستىرۋعا, سانا-سەزىمدى, ءوز ءوزىن باعالاۋعا, پسيحولوگيالىق-ەموتسيالىق سالانى تۇزەتۋگە باعىتتالىپ قانا قويماي, سونىمەن قاتار تاۋەلسىز جانە ءوز بەتىنشە ءومىر سۇرۋگە قالىپتاستىرادى.