ەلەكتروندى ۇكىمەت بيىل 40 ملن قىزمەت كورسەتتى

2016 جىلى قازاقستاننىڭ ەلەكتروندىق ۇكىمەت ينفراقۇرىلىمى ارقىلى ازاماتتارعا 40 ملن.استام مەملەكەتتىك قىزمەت كورسەتىلدى. وسى ۋاقىتقا دەيىنگى جىلداردا كورسەتىلگەن جالپى قىزمەتتەر سانى 160 ملن.-نان اسقان, دەپ حابارلادى «ۇلتتىق اقپاراتتىق تەحنولوگيالار» اق ءباسپاسوز قىزمەتى. بيىلعى جىلى سۇرانىسى جوعارى بولعان قىزمەتتەر - مەكەنجاي انىقتاماسى, جىلجىمايتىن مۇلiككە تiركەلگەن قۇقىقتار نەمەسە اۋىرتپالىقتار تۋرالى انىقتاما, سونداي-اق  «جىلجىمايتىن مۇلiكتiڭ بولماۋى (بولۋى) تۋرالى انىقتاما. سونىمەن قاتار, قازاقستاندىقتار eGov پورتالى ارقىلى ونلاين تولەنەتىن سالىقتار مەن ايىپپۇلدار سياقتى قىزمەتتەردىڭ قولايلىلىن باعالايدى. بۇعان ونلاين تولەمدەرگە دەگەن سۇرانىستىڭ ارتۋى دالەل. اعىمداعى جىلى قاڭتاردىڭ 1-ءى مەن جەلتوقساننىڭ 25-ءى ارالىعىندا ەلەكتروندىق ۇكىمەت تولەم ءشليۋزىنىڭ كومەگىمەن 13 ملرد. تەڭگەدەن  استام سوماعا تولەمدەر جۇرگىزىلگەن. بۇل كورسەتكىش بىلتىرعى جىل بويىنشا وتكەن جالپى تولەمدەردەن 32,5%-عا ارتىق. پورتالدا ونلاين تولەۋ قىزمەتى قوسىلعاننان بەرى بارلىق تولەمدەردىڭ سوماسى 28 ملرد. تەڭگەنى قۇرايدى. ەستەرىڭىزگە سالساق, 2016 جىل eGov پورتالى ءۇشىن مەرەيتوي جىل بولدى – ەلەكتروندىق ۇكىمەت رەسۋرسىنىڭ ىسكە قوسىلعانىنا تۋرا 10 جىل تولدى. سونىمەن قاتار, مەملەكەتتىك قىزمەتتەر بويىنشا انىقتامالىق قىزمەت كورسەتەتىن قازاقستاننىڭ 1414 بىرىڭعاي بايلانىس ورتالىعى 5-جىلدىعىن اتاپ وتكەن بولاتىن. بيىلعى جىلدىڭ تاعى دا ءبىر ماڭىزدى جەتىستىگى اشىق ۇكىمەت پورتالدارىنىڭ ىسكە قوسىلۋى بولدى. بۇگىنگى تاڭدا تۇتىنۋشىلار 4 نەگىزگى كومپونەنتتەن تۇراتىن رەسۋرستاردى پايدالانا الادى. ولار - «اشىق دەرەكتەر», «اشىق نقا», «اشىق بيۋدجەتتەر» جانە «اشىق ديالوگ». ءوز كەزەگىندە  «اشىق ديالوگ» پورتالى مەملەكەتتىك ورگانداردىڭ ءبىرىنشى جەتەكشىلەرىنىڭ بلوگ-پلاتفورماسىن قامتيدى. بۇگىنگى تاڭدا «اشىق دەرەكتەر» پورتالىندا مەملەكەتتىك ورگاندارمەن ماشينا وقيتىن فورماتتا 2100-دەن استام اشىق دەرەكتەر جيناقتارى ورنالاستىرىلعان. «اشىق نقا» رەسۋرسىندا تالقىلاۋعا سالىنعان قۇجاتتار جوبالارىنىڭ سانى 7200-دەن اسسا, «اشىق بيۋدجەتتەر» پورتالىندا ولاردىڭ سانى 5200-دەن اسادى. مەملەكەتتىك ورگانداردىڭ جەتەكشىلەرىنە «اشىق ديالوگ» ارقىلى جىل باسىنان بەرى 17 مىڭ ءوتىنىم تۇسكەن. سونداي-اق ەلىمىزدە «اشىق دەرەكتەر» پورتالىنداعى اقپارات نەزىگىندە قوسىمشالار مەن سەرۆيستەردىڭ بىرقاتار بايقاۋى ۇيىمداستىرىلدى. اتالعان شارالار شەڭبەرىندە وتاندىق باعدارلاماشىلار 10-نان استام موبيلدىك قوسىمشا مەن ۆەب-سەرۆيستى جاسادى.