بۇگىن «ەگەمەننىڭ» رەداكتسياسىنا ارنايى كەلگەن اۋعان سوعىسى ارداگەرلەر ۇيىمدارىنىڭ «قازاقستان ارداگەرلەرى» قاۋىمداستىعىنىڭ توراعاسى, ءماجىلىس دەپۋتاتى باقىتبەك سماعۇل ۇجىمدى باتىر بابامىز باۋىرجان مومىش ۇلى اتىنداعى «نامىس» توسبەلگىسىمەن ماراپاتتادى. «ەلگە سۇبەلى ەڭبەك سىڭىرگەن, قالام ۇستاعان, ەلدىڭ نامىسىن, رۋحىن كوتەرگەن, ىنتىماققا شاقىرعان «ەگەمەن قازاقستان» ۇجىمىنا وسى توسبەلگىنى كۋالىگىمەن تابىستايمىن. رۋحتى بيىك ۇستاپ, ەل دەپ, جەر دەپ جۇرە بەرىڭىزدەر!», - دەدى ول ءوز سوزىندە.
سونىمەن قاتار باقىتبەك سماعۇل «ەگەمەن قازاقستان» كىتاپحاناسىنا باۋىرجان مومىش ۇلىنىڭ «قاھارمان», اۋعان تۋرالى «تاعدىر توزاعى» دەگەن كىتاپتارىن, سابىر راقىموۆتىڭ ۇلى وتان سوعىسىنىڭ 70 جىلدىعىنا ارناپ شىعارىلعان دەرەكتى ءفيلمىن سىيعا تارتتى.
