"قازاقستان عارىش ساپارى" ۇك" اق پرەزيدەنتى تاعايىندالدى

ەرعازى نۇرعاليەۆ "قازاقستان عارىش ساپارى" ۇك" اق-تىڭ پرەزيدەنتى بولىپ تاعايىندالدى, - دەپ حابارلادى قازاقستان رەسپۋبليكاسىنىڭ قورعانىس جانە اەروعارىش ونەركاسىبى مينيسترلىگى. "قازاقستان رەسپۋبليكاسى ۇكىمەتىنىڭ كەلىسىمى بويىنشا "قازاقستان عارىش ساپارى" ۇك" ۇلتتىق كومپانياسى" اكتسيونەرلىك قوعامىنىڭ پرەزيدەنتى بولىپ ەرعازى نۇرعاليەۆ سايلاندى", - دەلىنگەن حابارلامادا. ەرعازى نۇرعاليەۆ 1954 جىلى 4 ماۋسىم كۇنى شىعىس قازاقستان وبلىسىندا دۇنيەگە كەلدى. 1977 جىلى "ساۋلەت" ماماندىعى بويىنشا وسكەمەن قۇرىلىس-جول ينستيتۋتىن, 2001 جىلى "قۇقىقتانۋ" ماماندىعى بويىنشا ماسكەۋ حالىقارالىق ەكولوگيالىق-ساياساتتانۋ ۋنيۆەرسيتەتىن ءتامامدادى. 1977 جىلى قۇرىلىس اسكەرى لەيتەنانتى اتاعىمەن جەدەل قىزمەتتى وتەۋ ءۇشىن «بايقوڭىر» عارىش ايلاعىنا جىبەرىلدى. 1977-1979 جىلدار ارالىعىندا كسرو قم 130 قۇرىلىس باس باسقارماسىنىڭ بولىمشەلەرىندە اسكەري بورىشىن وتەدى. "بايقوڭىر" عارىش ايلاعىندا "پروتون", "ەنەرگيا-بوران" تاسىمالداعىش زىمىراندارىنىڭ ستارتتىق جانە تەحنيكالىق كەشەندەرىنىڭ قۇرىلىستارىندا جۇمىس ىستەدى. 1979-1989 جىلدار ارالىعىندا عارىش ايلاعىنىڭ كۇردەلى جوندەۋ قۇرىلىسى باسقارماسىندا ءتۇرلى ينجەنەرلىك لاۋازىمداردى اتقاردى. 1989 جىلى حالىق دەپۋتاتتارىنىڭ لەنيندىك قالالىق كەڭەسىنىڭ اتقارۋشى كوميتەتى توراعاسىنىڭ ءبىرىنشى ورىنباسارى بولىپ تاعايىندالدى. لەنينسك قالاسىندا العاش قۇرىلعان اكىمشىلىكتىڭ قۇرىلىمىندا 1992-1995 جىلدار ارالىعىندا قالانىڭ باس ساۋلەتشىسى, لەنينسك قالاسىنىڭ اكىمشىلىك باسشىسىنىڭ ورىنباسارى, مەملەكەتتىك م ۇلىك جونىندەگى قالالىق اۋماقتىق كوميتەتتىڭ توراعاسى قىزمەتتەرىن اتقاردى. "بايقوڭىر" عارىش كەشەنىن جالعا الۋ جاعدايلارىندا, 1995 جىلى ە.م. نۇرعاليەۆ قازاقستان رەسپۋبليكاسى پرەزيدەنتىنىڭ وكىمىمەن "بايقوڭىر" عارىش كەشەنىندەگى قازاقستان رەسپۋبليكاسى پرەزيدەنتىنىڭ ارناۋلى وكىلى بولىپ تاعايىندالدى, وسى لاۋازىمدى 2004 جىلعا دەيىن اتقاردى. 2005-2007 جىلدار ارالىعىندا "بايتەرەك" قازاقستان-رەسەي بىرلەسكەن كاسىپورنى» اكتسيونەرلىك قوعامى باس ديرەكتورىنىڭ ءبىرىنشى ورىنباسارى بولىپ جۇمىس ىستەدى.2007-2014 جىلدار ارالىعىندا قازاقستان رەسپۋبليكاسى ۇلتتىق عارىش اگەنتتىگىنىڭ جاۋاپتى حاتشىسى لاۋازىمىن اتقاردى. قازاقستان رەسپۋبليكاسى ۇلتتىق عارىش اگەنتتىگىنىڭ قايتا قۇرىلۋىنا بايلانىستى, 2014 جىلدىڭ تامىزىنان باستاپ 2016 جىلدىڭ قازانىنا دەيىن قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اەروعارىش كوميتەتى توراعاسىنىڭ ورىنباسارى لاۋازىمىن, 2016 جىلدىڭ قاراشاسىنان باستاپ قازاقستان رەسپۋبليكاسى قورعانىس جانە اەروعارىش ونەركاسىبى مينيسترلىگىنىڭ اەروعارىش كوميتەتىنە وسىنداي لاۋازىمدى اتقاردى. "بايقوڭىر" عارىش ايلاعىنىڭ ارداگەرى, ە. نۇرعاليەۆكە عارىش كەشەنىن دامىتۋعا قوسقان ۇلەسى ءۇشىن 2011 جىلى "بايقوڭىر قالاسىنىڭ قۇرمەتتى ازاماتى", "بايقوڭىر" عارىش ايلاعىنىڭ ەڭبەك سىڭىرگەن قۇرىلىسشىسى" اتاقتارى بەرىلدى.