«استاناەنەرگوسبىتكە» 3 ملن تەڭگەگە ايىپپۇل سالىندى

انتيمونوپوليالىق ورگان «استاناەنەرگوسبىت» جشس-عا زاڭنامانى بۇزعانى ءۇشىن 3 ميلليون تەڭگە ايىپپۇل سالدى, دەپ حابارلايدى مەكەمەنىڭ ءباسپاسوز قىزمەتى. «استاناەنەرگوسبىت» جشس «تابيعي مونوپوليالار جانە رەتتەلەتىن نارىقتار تۋرالى» قر زاڭىنىڭ 5-بابى, 1-ءبولىمى, 5-تارماقشاسىندا كورسەتىلگەن (تابيعي مونوپوليالار سۋبەكتىسىنىڭ رەتتەلەتىن قىزمەتتەرىنە (تاۋارلارعا, جۇمىستارعا) قولجەتىمدىلىك جاعدايلارىن مىندەتتەۋ نەمەسە تۇتىنۋشىلاردى كەمسىتۋشىلىككە اكەپ سوعاتىن وزگە دە ارەكەتتەر) قۇقىقبۇزۋشىلىق فاكتىسى انىقتالدى», - دەلىنگەن قر تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ حابارلاماسىندا. وسىعان بايلانىستى «استاناەنەرگوسبىت» جشس-عا قر اقبك 164-بابى, 4-ءبولىمى بويىنشا اكىمشىلىك جاۋاپكەرشىلىككە تارتۋ تۋرالى حاتتاما تولتىرىلدى. كوميتەت دەپارتامەنتى سەرىكتەستىكتىڭ وتىنىشىنە سايكەس, قر اقبك 24-بابى بويىنشا اكىمشىلىك قۇقىقبۇزۋشىلىق تۋرالى ءىستى مامانداندىرىلعان اۋدانارالىق اكىمشىلىك سوتتىڭ قاراۋىنا جىبەردى. مامانداندىرىلعان اۋدانارالىق اكىمشىلىك سوتتىڭ قاۋلىسىمەن 1600 اەك ايىپپۇل تۇرىندە اكىمشىلىك جازا تاعايىندالدى, ياعني مەملەكەت پايداسىنا 3 393 600 تەڭگە وندىرىلەدى.