بيىلعى ءبىلىم كۇنى دەنساۋلىق ساباعىمەن باستالدى

ءبىلىم كۇنى ەل  مەكتەپتەرىندە, سونىڭ ىشىندە استانادا «دەن­ساۋ­لىق ساباعى-2011» ءوتتى. دەن­ساۋلىق ساباعى ەلىمىزدىڭ جال­پى ءبىلىم بەرۋ ورىندارىندا ال­عاش­قى رەت وتكىزىلىپ وتىر.   بۇل ءىس-شاراعا ەرەكشە نازار اۋدا­رىل­دى. دەنساۋلىق سا­با­عىن دەن­ساۋ­لىق ساقتاۋ مينيسترلىگى ۇيىم­داس­تىردى. وسى كۇنى دەنساۋلىق ساقتاۋ مي­نيسترلىگىنىڭ جاۋاپتى حات­شىسى سەرىكبول مۋسينوۆ استانا قا­لا­سىن­داعى №60 مەكتەپ-ليتسەيىندە بولدى. جاۋاپتى حات­شى وقۋ­شى­لار­دى ءبىلىم كۇنىمەن قۇتتىقتادى. ونىمەن بىرگە, استانا قالاسى دەن­ساۋلىق ساقتاۋ باسقارماسى باس­تى­عى­نىڭ مىندەتىن اتقارۋشى سەرىك اياعا­نوۆ, سالاماتتى ءومىر سالتىن قا­لىپ­تاستىرۋ ورتالى­عى­نىڭ ديرەكتورى مارات قۇرمانوۆ ءجۇردى. «قازاقستان-2030» ۇزاق مەرزىمدىك ستراتەگياسىنىڭ باسىم باعىت­تارى­نىڭ ءبىرى وسكەلەڭ ۇر­پاق­تىڭ دەن­ساۋلىعى, ءبىلىم الۋى مەن يگىلىكتەرى  بولىپ تابىلادى. ەل حالقى­نىڭ دەن­ساۋلىعىن نى­عاي­تۋ ءۇشىن, مەكتەپ قا­بىرعاسىنان باستاپ سا­لامات­تى ءومىر سالتى ءما­دە­نيەتىن قا­لىپ­تاستىرۋ, جات ءمى­نەز-ق ۇلىق فاك­تور­لارىنا قار­سى تۇرا الاتىنداي ومىرلىك داع­دى­لار­دى بويىنا ءسىڭىرۋ وتە ما­ڭىزدى. مەكتەپ وقۋشىلارى اراسىندا سالاماتتى ءومىر سالتىن ناسيحاتتاۋ ءۇشىن دەنساۋلىق ساقتاۋ مينيسترلىگى باستاپ, ءبىلىم جانە عى­لىم مينيسترلىگى, تۋريزم جانە سپورت مينيسترلىگى, وبلىستاردىڭ, استانا مەن الماتى قالا­لا­رى­نىڭ اكىمدىكتەرى بىرلەسىپ, رەس­پۋب­ليكانىڭ بارلىق مەكتەپتەرىندە «دەنساۋلىق سابا­عى-2011» ءوت­كىز­ىلگەنىن, ول بالالارعا ارنالعان ناعىز دەنساۋلىق مەرەكەسى بول­عا­نىن ايتا كەتۋىمىز كەرەك. قازاقستان تاۋەلسىزدىگىنىڭ 20 جىل­دى­عى قارساڭىنداعى «دەن­ساۋ­لىق سا­با­عى-2011»  سالاماتتى ءومىر سالتى ءما­دە­نيەتىنىڭ ءتۇرلى باعىتتا­رىن قام­تى­دى. اتاپ ايت­قاندا, بەلسەندى دەنە قيمىلى, سپورتپەن اي­نالىسۋ, دۇ­رىس تا­ماق­تانۋ, زياندى ادەتتەرگە قار­سى تۇرا ءبىلۋ, تۇر­مىستا جانە جول­دا جۇرگەندە قاۋىپسىزدىكتى ساق­تاۋ, جات مىنەز-ق ۇلىقتان ارىلۋ, ت.ب. «دەنساۋلىعىڭدى كۇتۋگە داع­دى­لان!»  – بۇل بويىنشا وقۋ­شى­لاردىڭ ارقايسىسىن كۇندەلىكتى بەلسەندى بولۋعا, سالاماتتى ءومىر سالتىن ۇستانۋعا, زياندى ادەت­تەرگە قارسى تۇرا بىلۋگە, سالامات­تى ءومىر سالتىنىڭ داعدىلارىن يگەرۋگە  شاقىرۋ كوزدەلگەن. وسى تاقىرىپتا وتكەن ساباقتا مەكتەپ وقۋشىلارىنىڭ بارلىعىنا سا­لامات­تى ءومىر سالتىنان مول اق­پا­رات الۋعا مۇمكىندىك جاسالدى. ەلىمىز بويىنشا وتكەن دەن­ساۋ­لىق ساباعىنا اتاقتى سپورتشىلار, جاس­تار ۇلگى تۇتاتىن تۇلعالار, سپورت­­پەن جانە دەنە شى­نىق­تىرۋ­مەن جۇيەلى تۇردە اينالىساتىن قوعام قاي­راتكەرلەرى, دەنساۋ­لىق­تى ساق­تاۋ مەن نىعايتۋ ىسىنە ۇلەس­تەرىن قوسقان, سالاماتتى ءومىر سال­تىن ۇستانۋشى عىلىمي-زەرتتەۋ ينس­تيتۋتتارىنىڭ جانە مەديتسي­نا­لىق جوعارى وقۋ ورىندارىنىڭ  وكىل­دەرى, وزگە دە ازاماتتار قا­تىستى. سۇلەيمەن مامەت.