ۋكراينالىق ارىپتەسىمەن كەزدەستى

كەشە تمد ەلدەرى سىرتقى ىستەر مينيسترلەرى كەڭەسىنىڭ ءماجىلىسى شەڭبەرىندە تاجىك­ستان استاناسى دۋشانبە قالا­سىندا قازاقستان سىرتقى ساياسات ۆەدومستۆوسىنىڭ باسشى­سى ەرجان قازىحانوۆ ءوزىنىڭ ۋكراينالىق ارىپتەسى كونستانتين گريششەنكومەن كەلىس­سوز ءجۇر­گىزدى, دەپ حابارلادى قازاق­ستان رەسپۋبليكاسى سىرت­قى ىستەر مينيسترلىگىنىڭ ءباسپاسوز قىزمەتى. كەزدەسۋگە قاتىسۋشىلار استانا مەن كيەۆتىڭ ەكى جاقتى جانە كوپ جاقتى پىشىندەردەگى ىنتى­ماق­تاستىعىنىڭ كەڭ اۋقىمدى ءما­سەلەلەرىن تالقىلادى جانە ەكى مەملەكەت باسشىلارىنىڭ ءتيىستى تاپسىرمالارىنىڭ جۇزەگە اسى­رى­لۋى جايىن ءسوز ەتتى. قازاقستاندىق جانە ۋكراي­نا­لىق ديپلوماتتاردىڭ ەقىۇ ايا­سىن­داعى ءوزارا ءىس-قيمىلى اڭگى­مە­نىڭ ماڭىزدى تاقىرىبى بولدى. استا­نا­نىڭ 2010 جىلى ەقىۇ-عا تابىستى توراعالىعى مەن قازاقستاندىق تا­راپتىڭ ەقىۇ «ۇشتىگى» ۇدە­رىستەرىندەگى جالعاسىپ جاتقان جۇمىسى شەڭبەرىندە تاراپتار ۋكراينانىڭ 2013 جىلعى اتالعان ۇيىمعا جاقىنداپ كەلە جاتقان توراعالىعىنا وراي تاجىريبە الماسۋ جانە بارىنشا تىعىز ءوزارا قارىم-قاتىناس جاساۋ جونىندە ۋاعدالاستى. ك.گريششەنكو ۋكراينا قازاق­ستاننىڭ يسلام ىنتىماقتاس­تىعى ۇيىمىنا توراعالىعىن قى­زىعۋ­شىلىقپەن باقىلاپ وتىر­عانىن جانە ماڭىزدى حالىق­ارالىق ميس­سيالاردى تابىستى جۇزەگە اسى­رادى دەپ سەنەتىنىن جەتكىزدى. تاراپتار تاياۋ شىعىستاعى جانە سولتۇستىك افريكاداعى اعىم­داعى جاعدايدى تالقىلاپ, ليۆياداعى احۋالدىڭ جەدەل تۇ­راقتانۋىنىڭ ماڭىزى زور ەكەنىنە ەكپىن ءتۇسىردى. سۇحباتتاستار سوڭعى جىلدارى ەكى ەل اراسىنداعى جەدەل دامىپ وتىرعان ساۋدا-ەكونوميكالىق ىن­تى­ماقتاستىقتىڭ وڭ ۇدەرىستەرىن اتاپ كورسەتىپ, ءالى دە ۇلكەن ءوسۋ الەۋەتى بار ەكەنىنە توقتالدى. ءاسى­رەسە, ەنەرگەتيكا سالاسىندا جانە ازىق-ت ۇلىكتىڭ الەمدىك رى­نوگىنداعى پوزيتسيالاردى ۇيلەس­تىرۋدە زور مۇمكىندىككە يە ەكەندىگى نازارعا الىندى. قازاقستان مەن ۋكراينا سىرت­قى ساياسات ۆەدومستۆولارىنىڭ باس­شىلارى ەكى مەملەكەتتىڭ سىرت­قى ىستەر مينيسترلەرى ارا­سىندا تىعىز كونسۋلتاتسيالار وتكىزۋگە ۋاعدالاستى. اڭگىمە سوڭىندا ك.گريششەنكو ە.قازىحانوۆتى الداعى كەزەڭدە ۋكرايناعا ساپارمەن كەلۋگە شاقىردى.