ەو تۇركيامەن كەدەندىك وداق كەلىسىمىن جاڭارتپاقشى

ەۋروپالىق كوميسسيا ەو كەڭەسىنە ەۋروداق پەن تۇركيا اراسىنداعى كەدەندىك وداق تۋرالى كەلىسىمدى جاڭارتۋ بويىنشا انكارامەن رەسمي كەلىسسوزدەردى باستاۋعا رۇقسات سۇرايدى. مۇنداي شەشىم ەۋروكوميسسيانىڭ اپتا سايىنعى وتىرىسى قورىتىندىسى بويىنشا قابىلداندى, دەپ حابارلايدى Haberler باسىلىمى. "كەدەندىك وداقتىڭ جاڭارتىلۋى ەكى تاراپتىڭ دا ەكونوميكاسىنا وڭ ىقپال ەتەدى", - دەلىنگەن ەۋروكوميسسيانىڭ مالىمدەمەسىندە. مالىمدەمەدە ايتىلعانداي, تۇركيا مەن ەو اراسىنداعى كەدەندىك وداق 1995 جىلدىڭ 31 جەلتوقسانىندا قۇرىلعان, قازىر ول جاڭا داۋىرگە بەيىمدەلۋى ءتيىس. "قازىرگى كۇيىندە كەدەندىك وداق شارتتارى تەك ونەركاسىپتىك تاۋارلاردى قامتيدى. اۋىل شارۋاشىلىق سالاسى قۇجاتتا قاراستىرىلماعان", - دەلىنگەن مالىمدەمەدە. تۇركيا ەۋرووداقتىڭ اۋقىمى بويىنشا بەسىنشى ءىرى ارىپتەسى. تاراپتاردىڭ قازىرگى تاۋار اينالىمى 140 ملرد ەۋرونى قۇرايدى. "ەۋرووداقتىڭ سىرتقى ساۋداسىنىڭ 40 پايىزى تۇركيامەن جاسالادى. ال تۇركيا ءوز كەزەگىندە سىرتتان الاتىن ينۆەستيتسياسىنىڭ ۇشتەن ەكىسىن ەۋرووداقتان الادى", - دەپ جازىلعان مالىمدەمەدە.