45 مەملەكەتكە – ۆيزاسىز رەجىم

ەلوردادا سىرتقى ىستەر ءمينيسترى ەرلان ىدىرىسوۆ قازاقستانداعى شەتەلدىك ديپلوماتيا وكىلدەرىمەن كەزدەسىپ, ۆيزا ماسەلەسىنە قاتىستى بريفينگ وتكىزدى. وعان ەلدەگى بيزنەس قاۋىمداستىقتىڭ, ىشكى ىستەر مينيسترلىگىنىڭ وكىلدەرى, جۋرناليستەر قاتىستى. ءوز سوزىندە ەرلان ىدىرىسوۆ ۆيزا بەرۋدە جاڭا تالاپ-ەرەجە­لەر­دىڭ ەنگىزىلۋىنىڭ ءمان-ماڭىزى اي­رىق­شا ەكەنىنە توقتالدى. «بۇل, ەڭ الدىمەن, قازاقستاننىڭ شەتەل­دەگى ارىپتەستەرىمەن اراداعى باي­لا­نىسىن جانداندىرۋعا سەپ بولارى ءسوزسىز. ءبىز بيزنەس-كليماتتى جاق­­سارتۋ, شەتەلدەرمەن بارلىق دەڭ­­گەي­دەگى, ماسەلەن, ىسكەرلىك, تۋريس­­تىك قارىم-قاتىناستى دامى­تۋ­عا ءمان بەرىپ كەلەمىز. سوندىقتان, بۇل – وتە سالماقتى ماسەلە. وعان دا­­يىن­دىق ۇدەرىستەرى دە وتە ۇزاق ۋا­قىتتى قامتىدى. وعان وسى ءما­سەلەگە مۇددەلى بارلىق ۆەدومستۆو تارتىلدى. ءبىرىنشى كەزەك­تە, سىرتقى ىستەر مينيسترلىگى مەن ىشكى ىستەر مينيسترلىگى», – دەدى ە.ىدىرىسوۆ. سونىمەن, سىرتقى ساياسات ۆەدومستۆوسى باسشىسىنىڭ اي­تۋىن­شا, كەلەسى جىلدان باستاپ 45 مەملەكەت ءۇشىن ۆيزاسىز رەجىم ەنگىزىلەدى. «2017 جىلدىڭ 1 قاڭ­تارىنان باستاپ ينۆەستيتسيالىق الەۋەتى جوعارى ءارى ەكونوميكالىق جاعىنان دامىعان 45 مەملەكەت ءۇشىن ۆيزاسىز رەجىم اشىلادى. بۇل ەلدەردىڭ ازاماتتارى 30 كۇن بويى قازاقستاندا ەمىن-ەركىن جۇرە الادى», – دەدى مينيستر. ە.ىدىرىسوۆ, سونداي-اق, ۆيزا­سىز رەجىمگە ىلىككەن مەم­لەكەت­تەر­دىڭ ىشىندە اۆستريا, اقش, گرە­كيا, يسپانيا, شۆەتسيا, كانادا, فينليان­ديا, فرانتسيا, وڭتۇستىك كورەيا, جاپونيا, پورتۋگاليا, ۆەن­گريا, كيپر, بەلگيا, سينگاپۋر, مو­ناكو, يوردانيا, مالايزيا, سون­داي-اق ەقىۇ, ەۋروپالىق وداق پەن ور­تا­لىق ازيا ەلدەرى بار ەكەنىن جەتكىزدى. بۇعان دەيىن قازاقستان 2017 جىل­دىڭ 1 قاڭتارىنان باستاپ, 48 مەملەكەتكە جەڭىلدەتىلگەن رە­جىم بويىنشا ۆيزا الۋ جونىندە دە ايتقان بولاتىن. بريفينگ بارىسىندا سىرتقى ىستەر ءمينيسترى وسى ەكى ءتىزىمنىڭ ارا-جىگىن اجىراتىپ بەردى. «ماسەلەن, ۆيزالىق جەڭىلدىكتەر قاراستىرىلعان 45 ەلدىڭ ازاماتتارى 2017 جىلدىڭ 1 قاڭتارىنان باستاپ قازاقستانعا ۆيزاسىز كىرە الادى. بىراق, ولار ءۇشىن تىركەۋ ءتارتىبى وزگەرمەيدى. ياعني, ولاردىڭ بارلىعى تىركەۋدەن وتەدى. بۇدان بولەك, 48 مەملەكەتتەن تۇراتىن تاعى ءبىر ءتىزىم بار. ول – بولەك ءتىزىم. ول بويىنشا, 48 مەملەكەتتىڭ ازاماتتارى ءۇشىن ۆيزا الۋدىڭ جەڭىلدەتىلگەن شارتتارى قاراستىرىلعان. بۇل ۆيزانى ەلىمىزدەن ارنايى شاقىرتۋسىز الا الادى. مىنە, وسى تىزىمگە ەنگەن شەتەل ازاماتتارى قازاقستانعا كەلگەن كەزدە شەكاراشىلار قويعان ءمور بويىنشا بىردەن تىركەۋدەن وتەدى»,– دەدى ە.ىدىرىسوۆ. بۇعان قوسا, ول 2017 جىلدىڭ 1 قاڭتارىنا دەيىن ەلدەگى باق-تا ۆيزالىق رەجىمنىڭ جاڭا ەرەجەلەرى جاريالاناتىنىن دا اتاپ ءوتتى. «بۇل ءبىزدىڭ ازاماتتارىمىز بەن بيزنەسمەندەرىمىزدىڭ وسى تال­اپ-ەرە­جەلەرمەن جاقىنىراق جانە ەگ­جەي-تەگجەيلى تانىسىپ شىعۋ­لارى­نا مۇمكىندىك بەر­مەك. ال بۇل رەتتە, سىرتقى ىستەر مينيستر­لىگىنىڭ كونسۋلدىق قىزمەت دەپارتامەنتى مەن ىشكى ىستەر مينيسترلىگىنىڭ ءتيىستى قۇرى­لىم­دارى جاڭادان ەنگى­زىل­گەن ەرەجەلەردىڭ قالاي جۇزەگە اسىرى­لاتىنىنا, ۆيزانىڭ ءتۇرلى كاتە­گوريالارىنا قاتىستى ءوز تاراپ­تارىنان تولىقتاي ءتۇسى­نىك­تەمە بەرىپ وتىراتىن بولادى», – دەدى ول. ءلايلا ەدىلقىزى, «ەگەمەن قازاقستان»