اقتىق ساپارعا شىعارىپ سالدى

قازاقستانداعى اۋىل شارۋا­شىلىعى سالاسىنداعى العاشقى ءونىم وندىرۋشىلەردىڭ ءبىرى, قازاق­ستاننىڭ ەڭبەك ەرى, وبلىستىڭ قۇرمەتتى ازاماتى, «زەنچەنكو ي ك» كومانديتتىك سەرىكتەستىگىنىڭ باس ديرەكتورى گەننادي زەنچەنكونى قالىڭ جۇرتشىلىق اقتىق ساپارعا شىعارىپ سالدى. مارقۇممەن قوشتاسۋعا جاقىندارى, ارىپتەستەرى, قوعام قايراتكەرلەرى كەلدى. قوشتاسۋ راسىمىندە وبلىس اكىمى ەرىك سۇلتانوۆ ەلباسى نۇرسۇلتان نازارباەۆتىڭ كوڭىل ايتۋ جەدەلحاتىن وقىپ بەردى. وندا «گەننادي يۆانوۆيچ ءومىرىنىڭ باسىم بولىگىن اۋىل شارۋاشىلىعى سالاسىنا ارنادى. ەلدىڭ الەۋمەتتىك-ەكونو­ميكالىق دامۋىنا ەلەۋلى ۇلەس قوستى. ونى ىلعي دا ءوزىنىڭ ادام­گەرشىلىك قاسيەتتەرى, جوعارى كاسىبي بىلىكتىلىگى, باي تاجىريبەسى مەن ءوز ءىسىن سۇيە ءبىلۋ قاسيەتتەرى وزگەلەردەن ەرەكشەلەندىرىپ تۇراتىن. ونىڭ ەڭبەكتەرى «قازاقستاننىڭ ەڭبەك ەرى», وزگە دە مەملەكەتتىك ناگرادالار ارقىلى باعالاندى. گەننادي ونى تانيتىن ادامداردىڭ ەسىندە ءاردايىم ساقتالادى», دەلىنگەن. كوڭىل ايتۋ جەدەلحاتتارى پرەمەر-مينيستر باقىتجان سا­عىن­تاەۆ, پارلامەنت ءماجىلىسىنىڭ ءتور­اعاسى نۇرلان نىعماتۋلين, «استانا ەكسپو-2017» ۇلتتىق كوم­­پانياسى» اق-تىڭ توراعاسى اح­مەتجان ەسىموۆ, اقتوبە وبلى­سىنىڭ اكىمى بەردىبەك ساپار­باەۆ, قوستاناي وبلىسىنىڭ اكىمى ارحيمەد مۇحامبەتوۆتەن كەلدى. قارالى ميتينگىدە اۋىل شا­رۋا­­شىلىعى ۆيتسە-ءمينيسترى سەرىك ەگىزباەۆ, ەڭبەك ارداگەرى جا­ق­سىلىق ىسقاقوۆ, پارلامەنت ءما­جىلىسىنىڭ دەپۋتاتى اباي تاسبو­لاتوۆ, قازاقستاننىڭ ەڭبەك ەرى, «قارقىن» جشس-ءنىڭ ديرەكتورى سايران بۇقانوۆ, قازاقستاننىڭ ەڭبەك ەرى, «رودينا» اگروفيرماسى» جشس-ءنىڭ باس ديرەكتورى يۆان ساۋەر سويلەپ, قايعىعا ورتاقتاستى. گەننادي يۆانوۆيچ سانالى عۇمىرىنىڭ جارتى عاسىرىن اۋىل شارۋاشىلىعى سالاسىنا ارنادى. ونىڭ 20 جىلدان استام ۋاقىتىندا «زەن­چەنكو جانە ك» اگروقۇرىلىمىن باس­قاردى. كوپ جىلعى قاجىرلى ەڭبەگى ەكى رەت «وتان» وردەنىمەن, «ال­تىن بارىس» توسبەلگىسىمەن اتاپ ءوتىلدى. مارقۇمنىڭ دەنەسى ءوزى ەڭبەك ەتكەن نوۆونيكولسكوە ەلدى مەكە­نىندەگى زيراتقا جەرلەندى. ءومىر ەسقالي, «ەگەمەن قازاقستان» سولتۇستىك قازاقستان وبلىسى, قىزىلجار اۋدانى