ەكسپو-2017 كورمەسىنە مۇمكىندىگى شەكتەۋلى جاندار قاتىسۋى مۇمكىن

بۇۇ-نىڭ دامۋ باعدارلاماسى قازاقستانداعى مۇمكىندىگى شەكتەۋلى قولونەرشىلەردىڭ جۇمىسىن قويۋ ءۇشىن ەكسپو-2017 كورمەسىنىڭ اۋماعىنان ورىن بولىنەدى دەگەنگە ءۇمىتتى. بۇل تۋرالى بۇگىن بۇۇ دامۋ باعدارلاماسى توراعاسىنىڭ ورىنباسارى مۋنحتۋيا التانگەرەل ءمالىم ەتتى, دەپ حابارلادى قازاقپارات. بۇگىن استانادا وتكەن «شەبەر-كەرۋەن فەستيۆالىندە ەستۋ قابىلەتى ناشار قولونەرشىلەردىڭ قولىنان شىققان دۇنيەلەر حالىق نازارىنا ۇسىنىلدى. «بۇۇ-نىڭ قازاقستانداعى دامۋ باعدارلاماسى ەلىمىز بويىنشا ەكى جۇزگە جۋىق قولونەرشىنى وقىتقان بولاتىن. ولار ەكسپو كورمەسىنە قاتىسادى دەپ ۇمىتتەنەمىز», – دەدى مۋنحتۋيا التانگەرەل. ايتا كەتەيىك, تاۋەلسىزدىكتىڭ 25 جىلدىعىنا ارنالعان فەستيۆالعا 70-تەن استام دارىندى قولونەر شەبەرى قاتىسىپ جاتىر. ولاردىڭ اراسىندا ءۇي شارۋاسىندا وتىرعان ايەلدەر دە, قولونەردى كاسىپ ەتكەن بيزنەسمەندەر دە, سول سياقتى اۋەستەنىپ, ءحوببيى ەتكەن ادامدار دا بار.