ىنتىماق ىرىسى

ەلباسى ن.نازارباەۆتىڭ  باستاماسىمەن قۇرىلعان كونستيتۋتسيالىق مارتەبەسى بار ايرىقشا ينستيتۋت – قازاقستان حالقى اسسامبلەياسىنىڭ ومىرگە كەلىپ,  وسى ەلدەگى بارشا ەتنوس وكىلدەرىنىڭ يگىلىگى مەن ىنتىماعىنا قىزمەت ەتىپ وتىرعانى ءۇشىن ەڭ الدىمەن پرەزيدەنتىمىزگە العىس ايتامىز. قازاقستان تاۋەلسىزدىگىنىڭ  25 جىلدىعىنا وراي سالتاناتتى جيىندا جاساعان پرەزيدەنتىمىزدىڭ بايانداماسىن زور ىقىلاسپەن تىڭدادىم. ەركىن ەلدە ءومىر ءسۇرىپ جاتقانىمىز ءۇشىن قۋاندىم, تاۋەلسىزدىكتى نىعايتۋ ءۇشىن جۇزەگە اسىرىپ جاتقان تابىستار تۋرالى ەستىپ, مارقايدىم. 25 جىلدا قول جەتكەن جەتىستىكتى سارالاپ, «نەدەن ۇتتىق؟ وسىنىڭ بارىنە قالايشا قول جەتكىزدىك؟» دەگەن ءمانى بار سۇراقتاردى ەل الدىنداعى ەسەبى, كەلەشەككە جاساعان باعدارى ىسپەتتى ماڭىزدى ويلارىن كەڭ ءپىشىپ, كەمەل تۇيىندەيتىن مىنەزىمەن جان-جاقتى باياندادى. قايتالاۋدان جالىقپاي ايتىپ كەلە جاتقان «كەلەشەگىمىز – بىرلىكتە!» دەگەن ءسوزىن وتە كورەگەندىلىكپەن ايتىلعان ءسوز دەپ بىلەمىن. قازاقستاندا قىرۋار شارۋالار اتقارىلىپ جاتىر. ەلباسىمىز ەگەمەن ەلدى ەرتەڭگە الىپ وتەتىن التىن كوپىر سالدى, تاۋەلسىزدىك جولىنا ميۋالى اعاش ەكتى, تاۋەلسىزدىكتى ارمانداعان حالقى ءۇشىن شولدەن قۇدىق قازىپ, اڭقاسى كەپكەن جۇرتىنا ءزام-ءزام سۋىن بەردى. وسى حالىقپەن بىتە قايناسىپ, ەلدىڭ وركەندەۋى جولىندا قاجىر-قايراتىن اياماي ەڭبەك ەتىپ جاتقان بارلىق حالىقتىڭ  قۇرامىندا ءبىز دە, ۇيعىر ۇلتى دا تىنىشتىقتى, ىنتىماق- بىرلىكتى, بەيبىتشىلىك پەن دوستىقتى, رۋحاني كەلىسىمدەردى نىعايتۋعا ءوز سەپتىگىمىزدى تيگىزىپ جاتىرمىز دەگەن وي مەنى دە جىلىتادى. سەبەبى, بيىلعى تاۋەلسىزدىك كۇنىنىڭ اتاۋلى مەرەكەسىنە وراي 83 جىلدىق تاريحى بار ۇيعىر مۋزىكالىق دراما تەاترىنا «اكادەميالىق» دەگەن ۇلكەن مارتەبە بەرىلدى. حالىقتىڭ رۋحاني, مادەني ءورىسىن كەڭەيتكەن ونەر ورداسىنىڭ ەڭبەگىنە لايىقتى باعا بەرىپ, ابىرويىن وسىرگەنى قازاقستاندا تۇرىپ جاتقان  كۇللى ۇيعىر حالقىنىڭ مەرەيىن تاسىتىپ, قۋانىشقا بولەدى.  مۇنداي ابىرويلى اتاقتى يەلەنۋ ءبىز ءۇشىن باقىت. احمەتجان اشيري, قازاقستاننىڭ ەڭبەك سىڭىرگەن قايراتكەرى, جازۋشى-دراماتۋرگ الماتى