بولاشاققا سەنىمىمىز نىق - حاسانعاليەۆ

كەشە عانا استانادان ۇلكەن وقيعاعا ورتاقتاسىپ ورال­­دىق. اسا سالتاناتتى ءماجىلىس بول­دى. ەلباسىمىز اۋقىمدى بايان­­­داما جاسادى. وتە ەستە قالار­لىق جاعداي بولدى. ولاي دەيتىنىم, ەلباسى ەسەپ سياق­­تى, ەلدىكتىڭ ەڭ ماڭىزدى ءسات­­تەرىن تۇگەل قامتىپ ءوتتى. سان ءتۇرلى سالا بويىنشا وسى جىل­دارداعى ەرەكشە ساتتەردىڭ بار­لىعى دا كوز الدىمىزعا كەل­دى. وسىنداي شەجىرەلى كۇننەن قالىپ قوي­ماي, كوپپەن بىرگە بولعانىمىزعا, ەلىمىزدىڭ اماندىعىنا قۋاندىم. قانداي تابىسقا قول جەتكىزسەك تە وسىنىڭ ءبارى تاۋەلسىزدىكتىڭ ارقاسىندا بىرتىندەپ جۇزەگە اسىپ جاتىر. شىعار­ما­شىلىق ادامدارىندا, ونەر وكىلدەرىندە ەركىندىك بار. بۇرىن تەك ءبىر پارتيا­نىڭ سويىلىن سوعىپ, جىرىن جىرلاي­تىن ەدىك. شىعارماشىلىق ادام­دارى ءۇشىن تاقىرىپ تاڭداۋ, وي ازاتتى­عى دە­گەن – ۇلكەن سىي. مۇنسىز مادەنيەت دامىمايدى. قالاي بولسا دا بەيبىتشىلىكپەن ءبىر شيرەك عاسىردى ەڭسەردىك. ورىندالماس­تاي كورىنگەن كوپتەگەن ارماندارىمىز جۇزەگە اسۋدا. ءالى ەڭسەرىلمەگەن جوسپار­لار بولسا, بىرتىندەپ اتقارىلا جاتار. قازاق­ستان الەمدە ءوز ورنىن بەكەمدەدى. ەڭ باستىسى, بولاشاققا دەگەن سەنىم نىق. تاۋەلسىزدىگىمىز ماڭگىلىك بولسا, جاعدايىمىز بۇدان دا جاقسى بولادى. ءبىزدىڭ جاستارىمىز دا تالانتتى, العىر, قابىلەتتى. ءبىر بايقاعانىم, جاس دارىندار وتاندىق, ەگەمەندىك, ەلدىك تۋرالى بىرقاتار تۋىندىلاردى دۇنيەگە اكەلگەن ەكەن. ءساتتى شىعارمالار دا بار. جاستار وسى باعىتتى ۇلاستىرسا, شى­نايى شىعارمالار تۋدىرا بەرسە دەپ ويلايمىن. «ماحاببات, ءولدىم, كۇيدىم, ءسۇي­دىم» دەگەن جەڭىل شىعارمالار دا كەرەك شىعار. بىراق, وتانشىلدىق, ەلجان­دى­لىق تۇرعىسىنداعى تۋىندىلار حالقى­مىز­دىڭ رۋحىن وياتادى. تۋعان جەردى قادىرلەۋگە, سۇيۋگە تاربيەلەيدى. ەلىمىزدى جاڭا جەتىستىكتەرگە جەتەلەيدى. وسى تاقى­رىپ­تارعا كوپ ءمان بەرۋ كەرەك. سون­دىق­تان, جاس كومپوزيتورلارعا ايتار اعالىق ءوتىنىش, تىلەگىم وسىنداي. ەڭ باستىسى, ەگەمەندىگىمىز ماڭگىلىك بولسىن. ەگەمەندىگىمىز ماڭگىلىك بولسا, ەل دە امان, تىنىشتىق, بەرەكەمىز دە بىرگە بولادى.  بارشا وتانداستارىمدى ەلىمىز­دىڭ ەڭ ۇلكەن مەرەكەسىمەن قۇتتىقتايمىن! ەسكەندىر حاسانعاليەۆ, قازاقستاننىڭ حالىق ءارتىسى, مەملە­كەت­تىك سىيلىق­تىڭ لاۋرەاتى الماتى