تىكەلەي ەفيردەن تاماشالادى

كەشە وبلىس اكىمدىگىنىڭ ءماجىلىس زالىندا ازاتتىقتىڭ 25 جىلدىعىنا وراي استاناداعى تاۋەلسىزدىك سارايىندا وتكەن رەسپۋبليكالىق سالتاناتتى جيىننىڭ تىكەلەي كورسەتىلىمى بولدى. وعان ءماسليحات دەپۋتاتتارى ءوڭىر جۇرتشىلىعى مەن اكتيۆىنىڭ قازاقستان حالقى اسسامبلەياسى, ارداگەرلەر ۇيىم­دارى, شىعارماشىل زيالى قاۋىم, ءبىلىم جانە دەن­ساۋلىق ساقتاۋ سالالارى, جاستار ۇيىم­دارىنىڭ وكىلدەرى, مەملەكەتتىك جانە مەرەيتويلىق ماراپات يەلەرى قاتىستى. ەلباسى قازاقستاننىڭ شيرەك عاسىر­داعى تابىسىن ەلەكتەن وتكىزدى. وسى ارا­لىقتا ەكونوميكا ارتىپ, الەۋمەتتىك جاعداي ءبىرشاما تۇزەلدى. قازاق ءتىلىنىڭ ءورىسى كەڭەيدى. مەديتسينا سالاسىندا ايتارلىقتاي العا جىلجۋ بايقالادى. ءبىر عانا مىسال, قازاقستان جاساندى جۇرەك ورناتۋ جاعىنان الەم بويىنشا گەرمانيا مەن اقش-تان كەيىنگى ءۇشىنشى ورىندا تۇر. مەملەكەت باسشىسى ۇكىمەتكە الداعى جىلدان باستاپ دۇنيەگە كەلگەن سابيگە بەرىلەتىن جاردەماقى مەن زەينەتاقى مولشەرىن 20 پايىزعا ءوسىرۋدى تاپسىردى. «1991-2016 جىلدار ارالىعىندا قازاقستاندىقتاردىڭ تابىسى 40 ەسەگە, ال ەلدىڭ ىشكى جالپى ءونىمى 20 ەسەگە ارتتى. شامامەن 2 ميلليون جۇمىس ورنى اشىلدى», دەدى نۇرسۇلتان نازارباەۆ. ەلباسى ەلدىڭ دامۋى جولىندا جۇمىس ىستەگەن بارشا قازاقستاندىققا العىس ايتتى. ەڭ كۇردەلى كەزدىڭ وزىندە وتانداستاردىڭ قولداۋى كۇش-جىگەر بەرگەنىن جەتكىزدى. تاۋەلسىزدىك جىلدارىندا مىڭداعان مەكتەپتەر مەن بالاباقشالار سالىنىپ, اعارتۋ ىسىنە جاڭا تەحنولوگيالىق ادىستەر ەنگىزىلدى. ازاتتىق العان ايشىقتى مەرەكەگە ارنالعان جيىندا مەملەكەت باسشىسى وسكەلەڭ ۇرپاقتىڭ جادىنا ساپالى ءبىلىم, سانالى تاربيە ءسىڭىرۋ ءۇردىسى جالعاسا بەرەتىنىن ايتتى. اسىرەسە, ءاربىر جاس قازاقستاندىق كاسىپتىك باعداردا وقىتىلىپ, قوعامعا دايىن مامان بولىپ قوسىلاتىنى ايماق ۇستازدارىن قۋانتتى. «مەكتەپتەگى بالالاردىڭ تەك قانا ءبىلىم الىپ قانا قويماي, ءبىر كاسىپتى يگەرۋىنە مۇمكىنشىلىك جاسالاتىنى, ءبىزدىڭ ۇلتتىق ءبىلىم-عىلىمنىڭ, رۋحانيات ماماندارىنىڭ وركەنيەتتى تۇردە ءبىلىم الاتىنىنا جانە وسى سالانىڭ دامۋىنا ارنالعان ەلباسىنىڭ سوزدەرى ەرەكشە تەبىرەنتتى. جاڭا تەحنولوگيالاردى, جاڭا ماماندىقتاردى يگەرۋدە, ءبىلىم-عىلىم سالاسىن جەتىلدىرۋ, وتاندىق وندىرىستەردى وركەندەتۋگە وسىنىڭ بارلىعىنا نەگىز قالانىپ تۇر», دەيدى تىكەلەي ەفيردى تاماشالاعان م.مامەتوۆا اتىنداعى قىزىلوردا گۋمانيتارلىق كوللەدجىنىڭ ديرەكتورى ءاليما ابدىحالىقوۆا. شارا سوڭىندا قاتىسۋشىلار مەرە­كەلىك جيىن تۋرالى پىكىر ءبىلدىرىپ, مەم­لەكەتتىڭ قالىپتاسۋىنداعى ەلباسى ەڭبەگىن اتاپ ءوتتى. ەرجان بايتىلەس, «ەگەمەن قازاقستان قىزىلوردا