جاسامپازدىقتىڭ جيىرما بەس جىلى

تۇڭعىش پرەزيدەنت – ەلباسىنىڭ قورى مەن اقپارات جانە كوممۋنيكاتسيالار مينيسترلىگى بىرلەسىپ, وسىنداي اتاۋمەن فوتوكورمە ۇيىمداستىردى. ەل تاۋەلسىزدىگىنىڭ 25 جىلدىق مەرەيتويىنا وراي وتكەن شارادا ەگەمەن مەملەكەتتىڭ فوتوسۋرەتتەگى جىلناماسى ۇسىنىلعان. كورمەنىڭ اشىلۋ سالتاناتىندا قوردىڭ اتقارۋشى ديرەكتورى ساعىندىق نۇراحانوۆ ءسوز سويلەپ, كوپشىلىكتى ۇلىق مەيراممەن قۇتتىقتادى. «فوتوكورمە تايملاين رەجىمىندەگى ەرەكشە پىشىمدە جاساقتالدى. مۇندا قازاقستان دەربەستىگىنىڭ دامۋ حرونولوگياسىن كورۋگە بولادى. كورەرمەن نازارىنا قويىلعان كادرلارمەن قوسا, نەگىزگى داتالاردى ەسكە ءتۇسىرىپ, قىزىقتى فاكتىلەردى كەز­دەستىرەسىز», دەدى س.نۇراحانوۆ. جيىندا اقپارات جانە كوممۋنيكاتسيالار ۆيتسە-ءمينيسترى الان اجىباەۆ ءسوز سويلەدى. ول كەلۋشىلەرگە ىستىق ىقىلاسىن جەتكىزىپ, مەرەكەلىك لەبىزىن ءبىل­دىردى. «بۇل فوتوكورمەنى قازاق­ستان تاۋەلسىزدىگىنە تار­تىلعان سالماقتى سىي دەۋگە ابدەن بولادى. ويتكەنى, ەلىمىز پرەزيدەنت نۇرسۇلتان نازارباەۆتىڭ سارابدال ساياساتىنىڭ ارقاسىندا قانداي بيىككە ورلەسە, وسى شارادا اتالعان جولداعى جەڭىستى جانە جەتىستىكتى ساتتەرىمىزدى قامتۋعا تىرىستىق», دەدى ۆيتسە-مينيستر. فوتوكورمە قوناقتارى مەملە­كەتتىڭ قالىپتاسۋىن كورسە­تەتىن بىرەگەي تاريحي سۋرەت­تەر­دى تاماشالادى. ايتالىق, سەمەي پوليگونىنىڭ جابىلۋىن, قازاقستاننىڭ ءبىرىنشى عارىش­­كەرىنىڭ كوسموسقا ۇشۋىن, مەملەكەتتىك رامىزدەردىڭ قا­بىل­­دانۋىن, ەلىمىزدىڭ بۇۇ-عا كىرۋىن ايعاقتايتىن تۋىندىلار كورەرمەندى ايرىقشا اسەرگە بولەيدى. قازاقستان حالقى اس­سامبلەياسىنىڭ قۇرىلۋى, ەلور­دانىڭ ارقا توسىنە كوشۋى, الەمدىك جانە ءداستۇرلى دىندەر كوشباسشىلارىنىڭ سەزدەرى, «بولاشاق» باعدارلاماسىن قۇرۋ سىندى ۇمىتىلماس ۋاقيعالاردى بەينەلەيتىن كادرلاردان مەرەيتوي ماڭىزىن ۇعىنۋعا بولادى. اسحات رايقۇل, «ەگەمەن قازاقستان» سۋرەتتى تۇسىرگەن ورىنباي بالمۇرات, «ەگەمەن قازاقستان»