فيفا پرەزيدەنتى دجاني ينفانتينو قازاقستان فۋتبول فەدەراتسياسىنىڭ باسشىسى سەيىلدا بايشاقوۆتى جاڭا قىزمەتىمەن قۇتتىقتادى, دەپ حابارلادى vesti.kz.
الەمدىك فۋتبولدىڭ باسشىسى بايشاقوۆقا قۇتتىقتاۋ تەلەگرامماسىن جولدادى.
«قۇرمەتتى پرەزيدەنت, ءسىزدى قازاقستان فۋتبول فەدەراتسياسىنىڭ باسشىلىعىنا سايلانۋىڭىزبەن شىن جۇرەكتەن قۇتتىقتايمىن! ءسىزدىڭ ءبىلىمىڭىز بەن تاجىريبەڭىز قازاقستاندا فۋتبولدىڭ وركەندەۋىنە سەپتىگىن تيگىزەرىنە سەنىمىم مول. بۇل ماقساتتا مەنىڭ جەكە قولداۋىما جانە دە فيفا-نىڭ كومەگىنە جۇگىنە الاسىز. ءسىز ءۇشىن فيفا ەسىگى ءاردايىم اشىق.
سونداي-اق, وزىڭىزبەن بىرگە سايلانعان ارىپتەستەرىڭىزدى مەنىڭ اتىمنان قۇتتىقتاپ قويۋىڭىزدى وتىنەمىن. جاڭا قىزمەتىڭىزگە تەك تابىس تىلەيمىن! جاقىن ارادا وزىڭىزبەن وتەر كەزدەسۋدى اسىعا كۇتەتىن بولامىن!» – دەپ جازدى ينفانتينو.
