"حابار" اگەنتتىگى باسقارما ءتورايىمىنىڭ ورىنباسارى تاعايىندالدى

«حابار» اگەنتتىگى قانات اقىلباي ۇلى ساحاريانوۆتىڭ 2016 جىلدىڭ 12 جەلتوقسانىنان باستاپ باسقارما ءتورايىمىنىڭ ورىنباسارى جانە تىلەۋجان تەمىرالى ۇلى تىلەشوۆتىڭ 2016 جىلدىڭ 9 جەلتوقسانىنان باستاپ باسقارۋشى ديرەكتور قىزمەتىنە تاعايىندالعانىن حابارلايدى. قانات ساحاريانوۆ باسقارما ءتورايىمىنىڭ ورىنباسارى ايگۇل جۇماباەۆانىڭ ورنىن الماستىردى. ساحاريانوۆ قانات اقىلباي ۇلى 1975 جىلدىڭ 13 قازان كۇنى الماتى قالاسىندا دۇنيەگە كەلگەن. 1997 جىلى قازاق مەملەكەتتىك مەديتسينالىق ۋنيۆەرسيتەتىنىڭ دارىگەر-ستوماتولوگ ماماندىعىن اياقتايدى, 2001 جىلى قازاق ۇلتتىق زاڭ اكادەمياسىنىڭ قۇقىقتانۋ فاكۋلتەتىن ءبىتىرىپ, 2008 جىلى جوعارى فرانتسۋز كوممەرتسيا مەكتەبىندە مۆا دارەجەسىن الادى. 2001-2006 جىلدارى «حابار» اگەنتتىگىندە زاڭگەر, 2006 جىلدان 2012 جىلعا دەيىن «حابار» اگەنتتىگى توراعاسىنىڭ ءبىرىنشى ورىنباسارى لاۋازىمىندا بولدى. 2012 - 2014 جىلدار ارالىعىندا «قازمەديا ورتالىعى» باسقارۋشى كومپانياسىنىڭ باس ديرەكتورى قىزمەتىن اتقاردى. وسى ۋاقىتقا دەيىن كوممەرتسيالىق تەلەۆيزيالىق ارنانىڭ (كتك) باس ديرەكتورى قىزمەتىن اتقاردى. قازاق, ورىس, اعىلشىن جانە جاپون تىلدەرىن جەتىك مەڭگەرگەن. «قازاقستان رەسپۋبليكاسىنىڭ تاۋەلسىزدىگىنە 20 جىل» مەدالىمەن ماراپاتتالعان. ال تىلەشوۆ تىلەۋجان تەمىرالى ۇلى 1981 جىلدىڭ 26 تامىزىندا جامبىل وبلىسىندا دۇنيەگە كەلگەن. 2002 جىلى قازاق مەملەكەتتىك باسقارۋ اكادەمياسىن قارجى جانە كرەديت ماماندىعى بويىنشا, سونداي-اق 2008 جىلى قازاق مەملەكەتتىك اگرارلىق ۋنيۆەرسيتەتىن زاڭ فاكۋلتەتىن تامامداعان. 2016 جىلدان «قازتەلەراديو» اق ديرەكتورلار كەڭەسىنىڭ مۇشەسى. سونىمەن بىرگە «Prime Financial Solutions» اق, «ونپف «وتان» اق, «اقتوبە تەتس» اق, «سامۇرىق ەنەرگو» اق كومپانيالارىنىڭ ديرەكتورلار كەڭەسىنىڭ مۇشەلىگىندە بولدى. «قازاقستان حالقى اسسامبلەياسىنا 20 جىل», «قازاقستان رەسپۋبليكاسىنىڭ كونستيتۋتسياسىنا 20 جىل», «قازاقستان رەسپۋبليكاسىنىڭ تاۋەلسىزدىگىنە 20 جىل», «قازاقستان رەسپۋبليكاسى ۇقق شەكارا قىزمەتى اۆياتسيالىق بازاسىنا 80 جىل» مەدالدارىمەن جانە حالىقارالىق ەكولوگيا پالاتاسىنىڭ قۇرمەتتى پروفەسسورى ديپلومىمەن ماراپاتتالعان.