ترامپ 3 قوڭىراۋمەن قانداي ماسەلەلەر شەشتى؟

پرەزيدەنتتىك سايلاۋدى ۇتقاننان كەيىن دونالد ترامپ بىرنەشە ەلدىڭ باسشىلارىمەن سويلەسىپ ۇلگەردى, دەپ حابارلايدى businessinsider باسىلىمى. وتكەن اپتا ترامپ تايۆاننىڭ پرەزيدەنتى تساي ينگ ۋەنمەن سويلەستى. بۇل اقش پرەزيدەنتىنىڭ 30 جىل ىشىندە العاش رەت تايۆان پرەزيدەنتىمەن تىكەلەي سويلەسۋى. بىرقاتار ساراپشىلار بۇل اڭگىمەنىڭ اقش-قىتاي قاتىناسىنا كەرى اسەرىن تيگىزەدى دەپ قاۋىپتەنگەن. سونىمەن قاتار ترامپ قازاقستان, رەسەي جانە ءفيليپپيننىڭ مەملەكەت باسشىلارىمەن تەلەفون ارقىلى سويلەستى. وسى تەلەفون قوڭىراۋلارى ارقىلى دونالد ترامپتىڭ اقش-تىڭ ونداعان جىلدار بويى شەشە الماي كەلە جاتقان ديپلوماتيالىق ماسەلەلەرىن شەشىپ تاستاعان. 1. تايۆان. پرەزيدەنتتىك سايلاۋ قورىتىندىسى شىققاننان كەيىن ترامپقا جەر-جەردەن قۇتتىقتاۋ قوڭىراۋلارى كەلىپ جاتتى. سولاردىڭ ءبىرى رەتىندە تايۆان مەملەكەتى ترامپپەن ارىپتەستىك قۇرۋعا ىنتالى بولدى دەپ باعا بەرەدى ساياساتتانۋشىلار. وسى ورايدا قىتايدىڭ تايۆاندى وزىنە تاۋەلدى پروۆينتسيالاردىڭ ءبىرى رەتىندە تانيتىنىن, ال تايۆان ءوزىن تاۋەلسىز ەل رەتىندە بىلەتىنىن ەسكەرسەك, ترامپتىڭ تايۆان بيلىگىمەن تىكەلەي سويلەسۋى بەلگىلى ءبىر دەڭگەيدە ولاردى قىتايدان تاۋەلسىز رەتىندە تانىپ, بەيجىڭمەن اراداعى ىنتىماقتاستىققا سىزات ءتۇسىرۋى مۇمكىن دەگەندەر بولدى. الايدا, اق ءۇيدىڭ جاڭا باسشىسى بۇل تۇرعىدا باتىل قادام جاساپ, تاۋەكەلگە بارا ءبىلدى. 2. ءفيليپپيننىڭ پرەزيدەنتى رودريگە دۋتەرتە ءبىر كەزدەرى وبامانىڭ اتىنا "بەيادەت" ءسوز ايتىپ, اقش-پەن اراداعى بايلانىستى بۇزعان ەدى. ال ترامپ ونىمەن جەتى مينۋتتىق اڭگىمەسى بارىسىندا ەكى ەلدىڭ دوستىق بايلانىسىن قالىپتاستىرۋ كەرەكتىگىن ايتىپ, وسى باعىتتا ءبىرىنشى بولىپ قادام جاساۋعا دايىن ەكەنىن ايتتى. ءسوز سوڭىندا ترامپ ءتىپتى ونى ۆاشينگتونعا شاقىرعان. 3. پاكىستان. تەلەفون ارقىلى العاش بولىپ سويلەسكەن ەلدەردىڭ قاتارىندا پاكىستان پرەمەر-ءمينيسترى ناۋاز ءشارىپ تە بار.  وز سوزىندە ترامپ پاكىستان حالقىن الەمدەگى ەڭ اقىلدى ۇلتتىڭ ءبىرى رەتىندە مويىندايتىنىن مالىمدەپ, ءوز كەزەگىندە ناۋاز ءشارىپ ترامپتىڭ جەڭىسىن ۇلكەن ەرلىك رەتىندە باعالادى. جىل باسىندا الەم بويىنشا ۇلكەن داۋعا اينالعان "پاناما ىسىندە" ناۋاز ءشارىپتىڭ دە اتى اتالىپ, ونىڭ تۋىستارى پانامادا وففشور ۇستايتىنى بەلگىلى بولعان ەدى. ترامپ وسى ورايدا ەكى ەلدىڭ بايلانىسىندا بۇل داۋدىڭ كەرى اسەر ەتپەيتىنىن ايتىپ, الداعى ۋاقىتتا ءۇندىستان مەن پاكىستاننىڭ قاتىناستارى قالىپقا كەلەتىنىنە ءۇمىتتى ەكەنىن ايتتى. ءسوز سوڭىندا ەكى ەل باسشىسى الداعى ۋاقىتتا كەزدەسەتىن بولىپ كەلىستى.