«مەنىڭ وتانىم – قازاقستان!»

قازاق باۋىرمالدىعى تۋرالى سىر شەرتكەن كىتاپ جارىق كوردى «ءبىزدىڭ كوپ ۇلتتى وتانىمىز – عارىش ايلاعى دەرسىڭ. مەن ونى ارقاشان دا زور تەبىرەنىسپەن ايتىپ تا, جازىپ تا كەلەمىن...» ايتۋلى اقىن, قازاقستاننىڭ ەڭبەك ەرى ولجاس سۇلەيمەنوۆتىڭ وسىناۋ عيبراتتى سوزىمەن العاشقى پاراعىن اشقان بۇل كىتاپ – «مەنىڭ وتانىم – قازاقستان» دەپ اتالادى. قازاق, وزبەك جانە ورىس تىلىندە كوركەم جازىلىپ, اسەم تىستالعان, ءتۇرلى-ءتۇستى سۋرەتتەرمەن اشەكەيلەنىپ, بار اۋەزىمەن شىققان كىتاپتىڭ اۆتورى – قازاقستان حالقى اسسامبلەياسىنىڭ وزبەك ەتنومادەني بىرلەستىگىنىڭ توراعاسى ابدوللا يسماتۋللاەۆ. اۆتوردىڭ ارقالى اقىن ولجاستىڭ اڭىزعا بەرگىسىز ايقىن ءسوزىن كىرىسپە ەتىپ الۋىنىڭ وزىندە دە زور ءمان جاتقان سەكىلدى. ويتكەنى, ابدوللا كىتابىندا قازاق باۋىرمالدىعى شىعارمانىڭ نەگىزگى وزەگىنە اينالعانىن ونىڭ پاراقتارىن اقتارا وتىرىپ كوز جەتكىزەسىز. قازاقستان حال­قى اسسام­بلەيا­سى­نىڭ العاش وتاۋ تىك­كەن كۇنىنەن باس­­تاپ ق­ازاقستان ءتاۋ­ەل­­سىز­دىگىنىڭ 25 جىل­دى­عىنا دەيىنگى ارا­لىق كەزەڭ تاريحي قى­­زىق­تى دەرەكتەر مەن فوتوسۋرەت­تەر, قىزىق­تى شەجىرەلەر كەزە­گى­مەن, رەتىمەن بەي­نەبىر كينو­تاس­پاداعىداي تارتىلىپ سىر شەرتەدى. قالامگەر ابدوللا يسما­تۋل­لاەۆ ءوزىنىڭ بۇل ادەبي شى­عار­ماسىندا قازاقستانداعى وزبەك ەتنومادەني بىرلەستىگىنىڭ ءىس-قي­مىل ارەكەتتەرىن كەڭ اۋقىمدا بايانداي كەلىپ, تاۋەلسىز قازاقستاننىڭ 25 جىل ىشىندە ءجۇرىپ وتكەن ءداۋىرلى داڭعىلىنا جان-جاقتى توقتالادى, ساراپتاي وتىرىپ سىرلى ويمەن باعا بەرەدى. اۆتوردىڭ ەل تاريحى, ونىڭ ەكونوميكالىق ىلگەرىلەۋ ادىمدارى جونىنەن ماعلۇماتىنىڭ مولدىعىنا سۇيسىنەسىڭ, ىزدەنىم­پازدىعىنا كوڭى­لىڭ تولا تاڭ­داناسىڭ. قازاقستانداعى ال­­­عاشقى ءداۋىر­­لىك كەزەڭنەن باس­­تاپ, الاش قوز­عا­لىسى, اشار­­­­شىلىق, ەكىنشى دۇنيەجۇزىلىك سوعىس تۋرا­لى ناقتى دا تا­نىمدىق دەرەكتەر وقىر­­­مانىن ەش بەيجاي قالدىرمايدى. ءتور­­­تىنشى ءبولىم تو­لىق­­­تاي قازاق­ستان­نىڭ تاۋەلسىزدىگى جىل­دا­­رىنا ارنالسا, بەسىنشى ءبولىم قازاق­­ستان حال­قى اسسامبلەياسىنا, ونىڭ ىشىندە قازاقستانداعى وزبەك ەت­نوما­دەني بىرلەستىگىنىڭ ۋاقىت كەزە­ڭىندەگى ءىس-قىزمەتىنە, قوعام­داعى بەلسەندىلىگىنە ارنالادى. ءۇش تىلدە تەڭ باسىپ تايپالا ءسوز جور­عا­لاتقان, ۇلتتىق مۇددە مەن قازاق باۋىر­ماشىلدىعىن قا­راسوزبەن جىرلاعان ابدوللا يس­ماتۋللاەۆتىڭ قۇندى ەڭبە­گى سونىسىمەن دە بارشا وقىر­مان­­دارىنىڭ جۇرەگىن جىلىتارى داۋسىز. تالعات ءسۇيىنباي, «ەگەمەن قازاقستان» الماتى