جارىلىس جەرگىلىكتى ۋاقىت بويىنشا دۇيسەنبى كۇنى تۇنگى ساعات 22.35-تە امەريكالىق ءانشى اريانا گراندەنىڭ كونتسەرتى اياقتالاتىن ۋاقىتتا بولدى.
مانچەستەر پوليتسياسىنىڭ حابارلاۋى بويىنشا, شابۋىلدى ەر ادام جاساعان. ول وزىمەن الىپ جۇرگەن جارىلعىش زاتتى ىسكە قوسىپ, ءوزى دە وقيعا ورنىنا ولگەن. پوليتسيا بۇل وقيعانى تەراكت دەپ باعالايتىنىن مالىمدەدى.
جوعالىپ كەتكەن ادامدارعا تۋىستارى الەۋمەتتىك جەلى ارقىلى ىزدەۋ سالىپ جاتىر.
مالىمەتتەرگە قاراعاندا, اريانا گراندەنىڭ كونتسەرتىنە قازاقستاندىق 6 ستۋدەنت تە بارعان. قازاقستاننىڭ سىرتقى ىستەر مينيسترلىگى مانچەستەردەگى جارىلىستا زارداپ شەككەندەر اراسىندا قازاقستاندىقتار جوق ەكەنىن حابارلادى.
