ەلباسىنىڭ «بولاشاققا باعدار: رۋحاني جاڭعىرۋ» ماقالاسىندا اتالعان مىندەتتەردى جۇزەگە اسىرۋ ماقساتىندا قولعا الىنعان يگى ىستەردىڭ قاتارىندا وسى شارا دا بار. «ماڭگىلىك ەلدىڭ التىن ادامى» فەستيۆالىن اتىراۋ وبلىستىق قازاق دراما تەاترى ء«سۇيىنباي» ەپوستىق دراماسىمەن باستادى.
وبلىس اكىمدىگىنىڭ قولداۋىمەن وتكىزىلگەن ونەر مەرەكەسىنە سەمەيدەن اباي اتىنداعى مەملەكەتتىك قازاق مۋزىكالىق دراما تەاترى, الماتىدان عابيت مۇسىرەپوۆ اتىنداعى قازاق مەملەكەتتىك اكادەميالىق دراما تەاترى, تالدىقورعاننان بيكەن ريموۆا اتىنداعى الماتى وبلىستىق دراما تەاترى, ورالدان حاديشا بوكەەۆا اتىنداعى باتىس قازاقستان وبلىستىق قازاق دراما تەاترى كەلدى. بايقاۋدى كسرو مەملەكەتتىك, ليتۆا ۇلتتىق سىيلىعىنىڭ يەگەرى, پروفەسسور يوناس ۆايتكۋس توراعالىق ەتەتىن قازىلار القاسى باعالايدى.
«مادەني شارالاردى ءجيى وتكىزۋدىڭ وزىندىك قاجەتتىلىكتەرى بار. مۇنىڭ ءبارىن مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى ماقالاسىنداعى تاپسىرمالاردى ورىنداۋعا, ەلىمىزدىڭ رۋحاني جاڭعىرۋىنا, جاھاندانۋ ۇردىسىندەگى باسەكەلەستىككە ساي بولۋعا باعىتتالعان نەگىزگى شارالاردىڭ قاتارىندا دەپ اتاۋعا بولادى», دەدى فەستيۆالدىڭ اشىلۋ سالتاناتىنا قاتىسقان وبلىس اكىمى نۇرلان نوعاەۆ.
ونەر تويىنا قر مادەنيەت جانە سپورت ۆيتسە-ءمينيسترى اقتوتى رايىمقۇلوۆا دا قاتىسىپ, «اتىراۋ – ونەردىڭ مەككەسىنە اينالدى» دەگەن لەبىزىن ارنادى. قازاقستاننىڭ حالىق ءارتىسى, پروفەسسور ەسمۇحان وباەۆ: «سوڭعى ءبىر-ەكى جىلدىڭ ىشىندە وسى وڭىرگە جەتى ونەر ۇجىمى گاسترولدىك ساپارمەن كەلىپ, فەستيۆالدەر وتكىزدى. ونىڭ ءبىرىنشىسى جازۋشى-دراماتۋرگ راحىمجان وتارباەۆتىڭ شىعارماشىلىعىنا ارنالعان ەدى. يران-عايىپ – اتاعى الىسقا كەتكەن دراماتۋرگ. ال ونىڭ اتىنداعى فەستيۆال – قازاق تەاترلارىنىڭ بۇگىنگى دەڭگەيىن كورسەتەتىن, اكتەرلەردىڭ, دراماتۋرگتەردىڭ شەبەرلىگىن, جەتكەن جەتىستىگىن شىڭدايتىن ونەر بايگەسى», دەپ اتاپ ءوتتى.
فەستيۆال 24 مامىرعا دەيىن جالعاسادى.
باقىتگۇل باباش,
«ەگەمەن قازاقستان»
