«كونە زاماننان تاريح پەن رۋحانياتتىڭ ورتالىعىنا اينالعان وڭتۇستىك قازاقستاندا رەسپۋبليكا بويىنشا تاريحي-مادەني ەسكەرتكىشتەردىڭ 80 پايىزدان استامى ورنالاسقان. سوندىقتان, ولكەمىزدە تۋريزم يندۋسترياسىن جان-جاقتى دامىتۋعا بارلىق مۇمكىندىكتەر بار. بۇگىنگى كۇنى وسى باعىتتى دامىتۋ ءۇشىن 3 باسىمدىققا كوڭىل اۋدارىپ وتىرمىز. ءبىرىنشىسى – تۋريستىك ينفراقۇرىلىمدى دامىتۋ, ونىڭ ىشىندە سەرپىندى جوبالاردى جۇزەگە اسىرۋ. ولار تۇركىستان, شاردارا, سارىاعاش, قاسقاسۋ كەشەندەرى. ەكىنشىسى – قىزمەت كورسەتۋ ساپاسىن ارتتىرۋ بولسا, ءۇشىنشى – باسىمدىق ءوڭىردىڭ تۋريستىك الەۋەتىن ناسيحاتتاۋ جانە جارنامالاۋ», دەپ اتاپ ءوتتى اكىم.
ماسەلەن, وبلىستا «قاسقاسۋ» تاۋ-شاڭعى كۋرورتى, «سارىاعاش» جاڭا كۋرورت قالاشىعى, تۇركىستان مەن وتىراردا تاريحي-تانىمدىق تۋريزم كەشەنى, ال شاردارادا جاعاجاي ءتۋريزمى دامىتىلاتىن بولادى. ناتيجەسىندە, 2021 جىلى ىشكى تۋريزم كولەمىن 220 000 ادامعا جانە كىرۋ ءتۋريزمىنىڭ كولەمىن 20 000 ادامعا ارتتىرۋ جوسپارلانۋدا.
سونىمەن بىرگە, وبلىستا تۋريزم يندۋسترياسىنىڭ دامۋىنا ەلباسىمەن ۇسىنىلعان «قازاقستاننىڭ قاسيەتتى رۋحاني قۇندىلىقتارى», «قازاقستاننىڭ كيەلى جەرلەرىنىڭ گەوگرافياسى», «مادەني-گەوگرافيالىق بەلدەۋ» جوبالارى ۇلكەن ۇلەسىن قوسقالى وتىر.
ناقتى ايتقاندا, «حانقورعان», «سايرام», «ەسكى شاھار, شىمكەنت», «كۇلتوبە», «كونە تۇركىستان», «وقسىز» ارنايى باعىتتارى اشىلعان جاعدايدا كوپتەگەن جۇمىس ورىندارى اشىلىپ, سالىق كوبەيىپ, تۋريستىك ساۋدا تۇرلەرى داميدى.
