دەپارتامەنتتىڭ مالىمەتىنشە, 19 مامىرعا قاراعان ءتۇنى الماتى وبلىسى تالعار اۋدانىنداعى تالعار بوگەتىنەن 500 مەتر قاشىقتىقتا «تۇيە» تاۋىنان كوشكىن جۇرگەن. ول تالعار اۆتوجولى مەن «سپۋتنيك» دەمالىس ورنىن باسىپ قالىپ, ەلەكتر جەلىسى مەن تەلەفون بايلانىسىنىڭ ەكى باعاناسىن قۇلاتتى.
تۇنگى ساعات 01:00-دە اۆتوكولىكتەردى قاۋىپتى ايماققا كىرگىزبەۋ تۋرالى پوليتسياعا نۇسقاۋ بەرىلدى.
«الماتى وبلىسىندا كوشكىن قاۋپى ساقتالادى. كوشكىن ماسساسىنىڭ جالپى كولەمى 50 مىڭ مەتر كۋبتى قۇرادى. وقيعا ورنىندا تالعار اۋدانىنداعى توتەنشە جاعدايلار تۋرالى ەسكەرتۋ جانە سالدارىن جويۋ كوميسسياسى مەن قر ءىىم تجك تالعار ءبولىمى ماماندارى جۇمىس ىستەپ جاتىر», – دەپ اتاپ ءوتتى توتەنشە جاعدايلار دەپارتامەنتىندە.
وقيعادان زارداپ شەككەندەر جوق.
