ق. توقاەۆ مەيمانمەن كەزدەسۋدە پرەزيدەنت نۇرسۇلتان نازارباەۆتىڭ 2016 جىلعى قازانداعى ەر-ريادقا ساپارى ەكىجاقتى قاتىناستاردىڭ قارقىندى سيپاتىنا جاڭا سەرپىن بەرگەنىن اتاپ ءوتتى. توراعا مەيمانعا قازاقستان ساياسي جۇيەسىندەگى سەناتتىڭ ءرولى تۋرالى اڭگىمەلەپ بەردى.
جۇزدەسۋگە قاتىسۋشىلار سيرياداعى جاعداي جونىندە پىكىر الماستى. ق.توقاەۆ اتاپ وتكەندەي, جالعاسىن تاپقان استانا پروتسەستەرى سيرياداعى شيەلەنىستى بەيبىت رەتتەۋگە ەلەۋلى ۇلەس قوسۋدا.
سەنات توراعاسى ساۋد ارابياسى كورولىنىڭ كەڭەسشىسىنە الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ تاياۋدا وتكەن وتىرىسىنىڭ قورىتىندىلارى تۋرالى حاباردار ەتتى.
ء«بىز الەمدىك دىندەر باسشىلارى مەن كورنەكتى ساياساتكەرلەردى ءبىر-ءبىرىن تىڭداي الۋى ءارى تۇسىنە الۋ ءۇشىن ءبىر ۇستەل باسىنا جينادىق», – دەدى ق.توقاەۆ. توراعا ۆەنادا ورنالاسقان كورول ابداللا بەن ابدەل-ازيز اتىنداعى دىنارالىق جانە مادەنيەتارالىق ۇنقاتىسۋدىڭ حالىقارالىق ورتالىعىمەن بايلانىستى جالعاستىرۋ ماڭىزدى ەكەنىن اتاپ ءوتتى.
