باسقوسۋدا ۇلتتىق ونەرىمىزدىڭ, ءتول مادەنيەتىمىز بەن ادەبيەتىمىزدىڭ وزەكتى ماسەلەلەرى, سونداي-اق ەلىمىزدەگى رۋحاني-مادەني سالانىڭ قازىرگى جاي-كۇيى مەن كەلەشەگى تالقىلاندى.
گۇلشارا ابدىقالىقوۆا كىرىسپە سوزىندە ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا مىقتى, ءارى جاۋاپكەرشىلىگى جوعارى ءبىرتۇتاس ۇلت بولۋ ءۇشىن بولاشاققا بىرگە قادام باسىپ, بۇقارالىق سانا¬¬نى وزگەرتۋ مىندەتى قويىلعانىن اتاپ ءوتتى. ونىڭ ەڭ باستى تالابى – مادەنيەتىمىزدى, ۇلتتىق كودتى ساقتاۋ.
مەملەكەتتىك حاتشى ەل پرەزيدەنتى ايقىنداپ بەرگەن مىندەتتەردى ىسكە اسىرۋعا شىعارماشىل جاستار وكىلدەرى بەلسەنە اتسالىساتىنىنا سەنىم ءبىلدىردى.
كەزدەسۋگە قاتىسۋشىلار ۇلتتىڭ جان-جاقتى جاڭعىرۋىن جۇزەگە اسىرۋ ۇدەرىسىندە وسكەلەڭ ۇرپاقتىڭ ماڭىزدى ءرول اتقاراتىنىن اتاپ ءوتىپ, قوعامنىڭ رۋحاني دامۋىنا قاتىستى يدەيالارىن, وي-پىكىرلەرى مەن ۇسىنىستارىن ورتاعا سالدى.
مەملەكەتتىك حاتشى كەزدەسۋ سوڭىندا مادەنيەت جانە ونەر قىزمەتكەرلەرىن الداعى كاسىبي مەرەكەمەن قۇتتىقتاپ, زور دەنساۋلىق, بەرەكە-بىرلىك پەن شىعارماشىلىق تابىس تىلەدى.
