«راس, دانيار ەكەۋىمىز MJA Entertainment's كومپانياسىمەن كەلىسىمشارتىمىزدى بۇزدىق. سەبەبى, ولار بىزگە كەلىسىمشارتتتا ۋادە ەتكەندەرىن ورىنداعان جوق. ەندى باسقا كومپانيا ىزدەۋدى جوسپارلاپ وتىرمىن. اۋەسقوي بوكسقا ورالعىم كەلمەيدى», دەدى يۆان دىچكو.
وليمپيادا جۇلدەگەرى سونداي-اق, الداعى جوسپارى تۋرالى دا وي ءبولىستى.
«ازىرگە ەشقايدا بارمايمىن. وزىمە ىڭعايى كەلەتىن پروموۋتەرلىك كومپانيا ىزدەۋمەن اينالىسامىن. وسى ماقساتىم ورىندالعاننان كەيىن عانا دايىندىق جۇمىستارى ءۇشىن باسقا ەلگە بارارمىن. قازىر ءوز دەڭگەيىمدە بولۋ ءۇشىن جاتتىعىپ ءجۇرمىن», دەدى ريو وليمپياداسىنىڭ قولا جۇلدەگەرى.
ايتا كەتەيىك, جىل باسىندا دانيار ەلەۋسىنوۆ پەن يۆان دىچكو رەسمي تۇردە كاسىپقوي بوكسقا اۋىسىپ, اۆستراليالىق MJA Entertainment's كومپانياسىمەن كەلىسىمشارتقا وتىرعان ەدى. ال دەبيۋتتىك جەكپە-جەكتەرى قىتايدا وتەدى دەپ جوسپارلانعان بولاتىن.
