كورمە قازاقستانداعى ولشەۋىش تەحنولوگياسىنىڭ دامۋى مەن قالىپتاسۋى, گەولوگيالىق ايماق مالىمەتتەرىنىڭ تالداۋى, ساندىق تەحنولوگيالاردى ەنگىزۋ, وندىرىستىك پروتسەستى اۆتوماتتاندىرۋ جانە ونى مۇناي-گاز, تاۋ-كەن ءوندىرىسى, مەتاللۋرگيا, ارحيتەكتۋرا, قالا, جول قۇرىلىسى, قورعانىس, سونداي-اق, عارىش, سەيسمولوگيا, كارتوگرافيا سياقتى سالالارعا ەنگىزۋ ىستەرىندە قول جەتكىزىلگەن تابىستارعا ارنالعان.
سونىمەن قاتار, ەلىمىزدىڭ شۆەيتساريالىق Leica Geosystems AG كومپانياسىنىڭ اتسالىسۋىمەن سوڭعى 20 جىل ىشىندە قول جەتكىزگەن عىلىمي-تەحنولوگيالىق جەتىستىكتەرى دە وسى كورمەدە ايشىقتالا تۇسكەندەي.
كورمەدە شۆەيتساريالىق اتالمىش كومپانيانىڭ ساندىق تەحنولوگيا, گەودەزيا, ەلەكتروندى كوشىرمە, 3D مودەلدەۋ, اسىرەسە جەر قاباتى استىنداعى كوممۋنيكاتسيا قۇرىلعىلارىن تىكەلەي كارتاعا ءتۇسىرۋ, عيماراتتار مەن قۇرىلعىلار مونيتورينگى سياقتى جۇمىستارمەن قاتار, تاۋ-كەن كولىگىن ديسپەتچەرلەۋ ىسىندەگى سوڭعى جەتىستىكتەرگە ايرىقشا كوڭىل ءبولىنىپتى.
كورمە كوممۋنيكاتسيا, قۇرىلىس جانە تەحنولوگيا تاريحىنا مەملەكەتتىك ورتالىق مۋزەيدىڭ قور كوللەكتسياسىنان الىنعان, جەكەلەي العاندا, قازاقستاننىڭ كەن ورىندارىن اشۋ جانە يگەرۋ مەن كاسىپورىندارىنىڭ دامۋى تاريحىن بەينەلەيتىن مىناداي ماتەريالدار نەگىزىندە تاريحي ەكسكۋرس ۇسىندى.
ميرا بايبەك,
«ەگەمەن قازاقستان»
الماتى
