مەموراندۋمنىڭ نەگىزگى ماقساتى – قارجى ورتالىعى قىزمەتكەرلەرىنىڭ بىلىكتىلىگىن ارتتىرۋ ءۇشىن بىرلەسكەن ءبىلىم الۋ جəنە زەرتتەۋ جوبالارىن جۇزەگە اسىرۋ.
«استانا» حالىقارالىق قارجى ورتالىعىنىڭ باسشىسى قايرات كەلىمبەتوۆتىڭ ايتۋىنشا, احقو-نىڭ əلەمدىك تالاپتارعا ساي قارجى ورتالىعىنا اينالۋى ءۇشىن حالىقارالىق دەڭگەيدەگى مامانداردى دايىنداۋ اسا ماڭىزدى.
ايتا كەتەيىك, 2015 جىلعى جەلتوقسان ايىندا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ «استانا» حالىقارالىق قارجى ورتالىعىن (احقو) قۇرۋ تۋرالى كونستيتۋتسيالىق زاڭعا قول قويدى. احقو-نىڭ ماقساتى – قارجىلىق قىزمەتتەردى كورسەتەتىن حالىقارالىق دەڭگەيدەگى جەتەكشى ورتالىق قالىپتاستىرۋ. پوستكەڭەستىك كەڭىستىكتە تۇڭعىش رەت اعىلشىن قۇقىعىنىڭ قاعيداتتارى ەنگىزىلەدى. قارجى ورتالىعىنىڭ رەسمي ءتىلى – اعىلشىن ءتىلى بولادى.
احقو-نىڭ مىندەتتەرى – قارجىلىق قىزمەتتەر سالاسىندا ينۆەستيتسيالاۋ ءۇشىن تارتىمدى ورتا قۇرۋ ارقىلى ەل ەكونوميكاسىنا ينۆەستيتسيالار تارتۋعا جاردەمدەسۋ, قازاقستان رەسپۋبليكاسىنىڭ باعالى قاعازدار نارىعىن دامىتۋ, ونىڭ حالىقارالىق كاپيتال نارىقتارىمەن ىقپالداسۋىن قامتاماسىز ەتۋ. احقو سونداي-اق, ەلىمىزدە ساقتاندىرۋ, بانك قىزمەتتەرى مەن يسلامدىق قارجىلاندىرۋ نارىعىن دامىتۋعا نيەتتەنەدى.
تسينحۋا ۋنيۆەرسيتەتى – قىتايداعى 1911 جىلى قۇرىلعان. اسپان استى ەلىندەگى ەڭ نەگىزگى 9 ەليتالىق وقۋ ورىندارىنىڭ قاتارىنا ەنەدى. ۇنەمى ۇلتتىق رەيتينگتىڭ العاشقى ورىندارىنا يە بولادى.
