شارا بارىسىندا بايقاۋدىڭ جۇرگىزۋشىلەرى ءبىرىنشى ماۋسىمنىڭ قوس جەڭىمپازى مەرحات پەن مارياعا پاريجگە ساياحاتتاۋعا جولداما بەرىلگەنىن xابارلادى. كىشكەنتاي جۇلدىزدار وتكەن جىلى «عاجايىپ الەم» ءانىن ورىنداپ, وزدەرى دە عاجاپ انمەن بىرگە جارقىراپ كورىنگەن بولاتىن. وسى جولى ماريا مەن مەرحات بايقاۋداعى وزدەرىنىڭ تəلىمگەرى, تانىمال ءانشى تولقىن زابيروۆامەن بىرگە əن شىرقادى.
ەستاي اتىنداعى مادەنيەت سارايىنىڭ ساحناسىندا ەكىنشى ماۋسىمنىڭ اشىلۋ قۇرمەتىنە وراي, وتكەن ماۋسىمدا ەلىمىزدىڭ ءار وڭىرىنەن جارقىراي كورىنگەن 23 جەڭىمپاز ءوز ونەرلەرىن كورسەتتى. مۋزىكالىق شارا بارىسىندا ءان بايقاۋىنا قاتىساتىن دارىندى ونەرپازداردى تاڭداۋعا, تىڭداۋعا ءانشى جۇبانىش جەكسەن ۇلى باستاعان ونەر جۇلدىزدارى, بەلگىلى پروديۋسەرلەر, رەجيسسەرلەر قاتىسىپ, بالدىرعاندارعا ارناعان قۇتتىقتاۋ-تىلەكتەرىن جەتكىزدى. ولار بايقاۋدا باق سىنايتىن كىشكەنتاي ونەرپازداردىڭ اراسىندا بولاشاق جۇلدىزدار بار ەكەنىنە سەنىم ءبىلدىرىپ, بالعىنداردىڭ بويىنداعى ءۇمىت وتىن وياتا ءتۇستى.
13 مامىر كۇنى قالاداعى وقۋشىلار سارايىندا ءان بايقاۋىنىڭ ىرىكتەۋ كەزەڭى ءوتتى. جوبا ۇيىمداستىرۋشىلارىنىڭ ءبىرى تولعاناي قاسەنقىزى ايتىپ وتكەندەي, شاراعا وبلىستىڭ اۋداندارى مەن قالالارىنان كەلگەن 7-13 جاس ارالىعىنداعى 200-گە جۋىق ءانشى بالا قاتىستى. سولاردىڭ ىشىنەن اقسۋ قالاسىنداعى №8 مەكتەپتىڭ وقۋشىسى اناستاسيا ميحايليۋكتىڭ باعى جانىپ, جەڭىمپاز اتاندى.
– كونكۋرستىڭ باستالۋىن اسىعا كۇتكەن ەدىم. جەڭىمپاز اتانعانىم ءۇشىن وتە قۋانىشتىمىن. ۇيىمداستىرۋشىلارعا, تالىمگەرلەرگە كوپ راحمەت, – دەيدى اناستاسيا قۋانىشىن جاسىرا الماي.
«بالا داۋىسىنىڭ» ەندىگى كەزەڭى 15 مامىر كۇنى وسكەمەندە وتۋگە ءتيىس. وسىلايشا, 22 ماۋسىمعا دەيىنگى ارالىقتا «جاندانۋ الەمى» قورىنىڭ تانىمال مۋزىكانتتار, كومپوزيتورلار مەن پروديۋسەرلەردەن تۇراتىن شىعارماشىلىق توبى ەلىمىزدىڭ بارلىق وبلىسىندا, استانا, الماتى قالالارىندا جوبانىڭ ىرىكتەۋ كەزەڭدەرىن وتكىزەدى. ءار قاتىسۋشىعا ەستەلىك سىيلىقتار مەن جوباعا قاتىسقانى تۋرالى سەرتيفيكاتتار بەرىلەدى. ال ولاردىڭ مۋزىكا ءپانى مۇعالىمدەرىنە بالالارعا ارنالعان جاڭا ءان جيناق تاپسىرىلادى. كۇزدە ەلىمىزدىڭ ۇزدىك 16 داۋىسى «بالا داۋىسى» ءان مەكتەبىندە, الاتاۋدىڭ باۋرايىندا ورنالاسقان «بوبەك» ۇلتتىق ورتالىعىندا باس قوسادى. جەڭىمپاز بالالار ەلىمىزدىڭ تاڭداۋلى مۋزىكالىق ءبىلىم وردالارىندا ءبىلىم الۋعا گرانتقا قول جەتكىزەدى, اقش-تاعى ەرتەگى الەمى ديسنەيلەندكە ساياحات جولداماسىن يەلەنەدى.
وتكەن جىلى پاۆلودار وبلىسى بويىنشا كاستينگتە 100-گە جۋىق بالا باق سىناعانىن ايتا كەتەيىك. ءسويتىپ, رەسپۋبليكانىڭ بارلىق وڭىرىندە وتكەن ىرىكتەۋ كەزەڭىنىڭ قورىتىندىسى بويىنشا 16 بالا «بوبەك» ۇلتتىق عىلىمي-تاجىريبەلىك ءبىلىم بەرۋ جانە ساۋىقتىرۋ ورتالىعىنىڭ «بالا داۋىسى» مۋزىكا مەكتەبىندە سولفەدجيو, حورەوگرافيا, ارتىستىك شەبەرلىك بويىنشا بىلىمدەرىن شىڭداپ, ارتىستەردەن شەبەرلىك سىنىپتارىن وتكەن بولاتىن. ەندى پاۆلودارلىق اناستاسيا ميحايليۋك تە وسىنداي مۇمكىندىككە يە بولادى.
وسى بايقاۋدى ۇيىمداستىرۋشىلاردىڭ ايتۋىنشا, نەگىزگى ماقسات بالالارعا ارنالعان جاڭا اندەردى تانىستىرۋ, جانداندىرۋ ارقىلى كىشكەنتايلاردىڭ مۋزىكالىق شىعارماشىلىعىن دامىتۋ ءارى پەداگوگتارعا ادىستەمەلىك كومەك كورسەتۋ بولىپ تابىلادى. بايقاۋ قورىتىندىسى بويىنشا «بالالار اندەرىنىڭ» جاڭا جيناعى ازىرلەنەدى. سونداي-اق, بالالارعا ارنالعان جاڭا اندەر جازىلىپ, ولاردىڭ ديسكىلەرى ەلىمىزدەگى بالاباقشالارعا, مەكتەپتەرگە تەگىن تاراتىلادى.
سونىمەن, بايقاۋدىڭ ەكىنشى ماۋسىمى كەرەكۋ وڭىرىنەن باستاۋ الدى. ساتتىلىك ساعان, «بالا داۋىسى-2017»!
فاريدا بىقاي,
«ەگەمەن قازاقستان»
پاۆلودار
