بۇل كىتاپتا ۆلاديمير سوكولوۆتىڭ ءومىرى مەن عىلىمي جەتىستىكتەرى, اتقارعان قىزمەتتەرى, سونىمەن قاتار, عىلىمي ەڭبەكتەرى مەن ماقالالارى بەرىلگەن.
ۆ.ا.سوكولوۆ قازاقستاننىڭ گەولوگياسىن زەرتتەي وتىرىپ, 1931 جىلى بەتپاقدالانىڭ, 1933 جىلى قازاقستاننىڭ شىعىس ايماقتارىنىڭ پايدالى قازبالارىن زەرتتەپ اشقان بولاتىن. 1934-1935 جىلدارى قاراتاۋدا فوسفور قورىن انىقتاپ, سول جەردە زەرتتەۋ جۇمىستارىن جۇرگىزىپ, 1936 جىلى مينەرالداردىڭ تارالۋىنىڭ گەولوگيالىق كارتاسىن جاساپ, التاي تاۋىنىڭ كەندى-پايدالى قازبالارىن كارتاعا ءتۇسىردى. سونىمەن قاتار, ورتالىق قازاقستاندا التىن مەن كۆارتسيت قورىن, ساياق كەن ورنىن اشتى. شىعىس قازاقستان وبلىسىن كەڭىنەن زەرتتەي كەلە جەرىنىڭ ءتۇستى مەتالدارعا باي ەكەنىن انىقتاپ, قوڭىرات ءتۇستى مەتالل كەن ورىندارىن اشقان.
وسىنداي دارا تۇلعاعا ارنالعان بۇل كىتاپ ءال-فارابي اتىنداعى قازاق ۇلتتىق ۋنيۆەرسيتەتىنىڭ باسپاسىنان باسىلىپ شىقتى. سەبەبى ۆلاديمير سوكولوۆ 1949 جىلى وسى ۋنيۆەرسيتەتتە مينەرال جانە كريستال كافەدراسىنىڭ مەڭگەرۋشىسى قىزمەتىن اتقارعان, 1951-1952 جىلدارى ۋنيۆەرسيتەتتىڭ ءبىلىم جونىندەگى پرورەكتورى بولعان.
گۇلزيرا ورازىمبەتوۆا,
ءال-فارابي اتىنداعى قازۇۋ دوتسەنتى.
