ءدۇبىرلى دودانى ءۇش مىڭنان استام كورەرمەن تاماشالادى. ات بايگەسىنەن بولەك ۇلتتىق سپورت تۇرلەرىنەن جارىستار ءوتىپ, جۇزدەن استام قاتىسۋشى باقتارىن سىنادى. ارنايى جاساقتالعان ەتنو اۋىلدا ۇلتتىق قۇندىلىقتار ناسيحاتتالدى.
«جەڭىستىڭ 72 جىلدىعىنا ارنالعان شارانى ۇيىمداستىرۋعا اۋدان تۇرعىندارى بەلسەندىلىك تانىتتى, جەرگىلىكتى كاسىپكەرلەر قولداۋ كورسەتتى», دەيدى اۋدان اكىمى اليمۇحاممەد قۇتتىمۇرات ۇلى.
الامان بايگەنىڭ باس جۇلدەسى – «ۋاز پاتريوت» اۆتوكولىگى. ونى اقتاۋدان كەلگەن باقداۋلەت مەڭدىباەۆ جەڭىپ الدى. سەگىزىنشى سىنىپتا وقيتىن باقداۋلەت ات جارىسقا 11 جاسىنان بەرى قاتىسىپ كەلەدى.
«بۇل تۇلپارىم داۋىل ەكەۋمىز العان التىنشى كولىك», دەيدى ول. بايگەنىڭ ەكىنشى, ءۇشىنشى ورىندارىن يەلەنگەن شاباندوزدار دا جۇلدەسىز قالمادى. ولارعا 700, 400 مىڭ تەڭگە كولەمىندە سىياقى بەرىلدى. ال كوكپاردان وتكەن جارىستا ماحامبەت اۋدانىنىڭ كومانداسى توپ جارىپ, 400 مىڭ تەڭگەگە يە بولدى.
باقىتگۇل باباش,
«ەگەمەن قازاقستان»
