وسى كۇندەرى استانادا حوككەيدەن قازاقستان كۋبوگى جولىنداعى جارىستار وتۋدە.
وعان «ارىستان» (تەمىرتاۋ), «الماتى» (الماتى), «ارلان» (كوكشەتاۋ), «بارىس-2», «استانا» (ەكەۋى دە استانا), بەيبارىس» (اتىراۋ), «گورنياك» (رۋدنىي), «ەرتىس-پاۆلودار» (پاۆلودار), «قازتسينك-تورپەدو-2» (وسكەمەن), «سارىارقا» (قاراعاندى) كوماندالارى قاتىسۋدا.
قازىر كوماندالار ەكى-ەكى كەزدەسۋدەن وتكىزىپ ۇلگەردى. وسى ويىنداردىڭ ناتيجەسىنە قاراپ, جارىسقا بارلىق كلۋبتاردىڭ جوعارى دايىندىقپەن كەلگەندەرىن كورۋگە بولادى. مىسالى, تۋرنيردىڭ ءفاۆوريتى سانالاتىن «بارىس-2» مەن «قازتسينك-تورپەدو-2», ەلىمىزدىڭ بىلتىرعى چەمپيونى «بەيبارىس» «ارىستان», «ارلان» كوماندالارىنان ۇتىلىپ قالدى. ءسويتىپ, ەكى ويىننىڭ بىرەۋىندە جەڭىلۋگە ءماجبۇر بولدى. «قازتسينك-تورپەدو-2» «استانادان» 5:0, «ارلاننان» 6:1 ەسەبىمەن جەڭىلسە, «بارىس-2» «ارىستاننان» 5:1, بەيبارىس» «بارىس-2»-دەن ءدال وسىنداي ەسەپپەن ەسە جىبەردى. ۇتىلعان كوماندالار ەندى باسقا قارسىلاستارىن جەڭبەسە, كۋبوك ءۇشىن تالاسۋلارى وتە قيىنعا تۇسەدى.
ال «استانا», «سارىارقا», «ەرتىس-پاۆلودار» سياقتى كلۋبتار كەرىسىنشە, جارىستى جاقسى باستادى. بيىل جاڭادان قۇرىلعان «استانا» كومانداسى وسكەمەندىك كلۋبتى 5:0 ەسەبىمەن جەڭسە, كەلەسى ويىندا رۋدنىيدىڭ «گورنياك» ۇجىمىن 4:1 ەسەبىمەن ۇتتى. ازىرشە «گورنياكتىڭ» جولى بولىڭقىراماي تۇر. ولار ەكىنشى ماتچىندا دا «سارىارقادان» 5:3 ەسەبىمەن جەڭىلدى. قاراعاندىلىق كوماندا بولسا, العاشقى كەزدەسۋىندە «ارلاندى» 2:0 ەسەبىمەن جەڭگەن بولاتىن. پاۆلودارلىق كلۋبتىڭ قازىر بابى مەن باعى كەلىسىپ تۇرعانداي. ءبىرىنشى ويىندا ولار «الماتىنى» 4:3, ەكىنشى ماتچىندا «ارىستاندى» 4:2 ەسەبىمەن ۇتتى. ەندى «ەرتىس-پاۆلودار» «بارىس-2» كومانداسىمەن ويىنعا دايىندالۋدا.
وسى ويىنداردان كەيىن «استانا» كلۋبى 6 ۇپايمەن ا توبىنىڭ تۋرنير كەستەسىن باستاپ كەلەدى. ەكىنشى ورىندى «سارىارقا», ءۇشىنشى ورىندى «ارلان» يەلەنىپ وتىر. «استانا» كومانداسىنىڭ باس باپكەرى ۆلاديمير بەلياەۆتىڭ ايتۋىنشا, بيىل كۋبوكتى جەڭىپ الۋعا ولار قولدان كەلگەن مۇمكىندىكتىڭ ءبارىن جاسايدى.
كۋبوگتىڭ جەڭىمپازى 27 تامىز كۇنى انىقتالادى. وسى كۇنى «قازاقستان» سپورت سارايىندا فينالدىق ويىن وتەدى.
داستان كەنجالين.
قازىر كوماندالار ەكى-ەكى كەزدەسۋدەن وتكىزىپ ۇلگەردى. وسى ويىنداردىڭ ناتيجەسىنە قاراپ, جارىسقا بارلىق كلۋبتاردىڭ جوعارى دايىندىقپەن كەلگەندەرىن كورۋگە بولادى. مىسالى, تۋرنيردىڭ ءفاۆوريتى سانالاتىن «بارىس-2» مەن «قازتسينك-تورپەدو-2», ەلىمىزدىڭ بىلتىرعى چەمپيونى «بەيبارىس» «ارىستان», «ارلان» كوماندالارىنان ۇتىلىپ قالدى. ءسويتىپ, ەكى ويىننىڭ بىرەۋىندە جەڭىلۋگە ءماجبۇر بولدى. «قازتسينك-تورپەدو-2» «استانادان» 5:0, «ارلاننان» 6:1 ەسەبىمەن جەڭىلسە, «بارىس-2» «ارىستاننان» 5:1, بەيبارىس» «بارىس-2»-دەن ءدال وسىنداي ەسەپپەن ەسە جىبەردى. ۇتىلعان كوماندالار ەندى باسقا قارسىلاستارىن جەڭبەسە, كۋبوك ءۇشىن تالاسۋلارى وتە قيىنعا تۇسەدى.
ال «استانا», «سارىارقا», «ەرتىس-پاۆلودار» سياقتى كلۋبتار كەرىسىنشە, جارىستى جاقسى باستادى. بيىل جاڭادان قۇرىلعان «استانا» كومانداسى وسكەمەندىك كلۋبتى 5:0 ەسەبىمەن جەڭسە, كەلەسى ويىندا رۋدنىيدىڭ «گورنياك» ۇجىمىن 4:1 ەسەبىمەن ۇتتى. ازىرشە «گورنياكتىڭ» جولى بولىڭقىراماي تۇر. ولار ەكىنشى ماتچىندا دا «سارىارقادان» 5:3 ەسەبىمەن جەڭىلدى. قاراعاندىلىق كوماندا بولسا, العاشقى كەزدەسۋىندە «ارلاندى» 2:0 ەسەبىمەن جەڭگەن بولاتىن. پاۆلودارلىق كلۋبتىڭ قازىر بابى مەن باعى كەلىسىپ تۇرعانداي. ءبىرىنشى ويىندا ولار «الماتىنى» 4:3, ەكىنشى ماتچىندا «ارىستاندى» 4:2 ەسەبىمەن ۇتتى. ەندى «ەرتىس-پاۆلودار» «بارىس-2» كومانداسىمەن ويىنعا دايىندالۋدا.
وسى ويىنداردان كەيىن «استانا» كلۋبى 6 ۇپايمەن ا توبىنىڭ تۋرنير كەستەسىن باستاپ كەلەدى. ەكىنشى ورىندى «سارىارقا», ءۇشىنشى ورىندى «ارلان» يەلەنىپ وتىر. «استانا» كومانداسىنىڭ باس باپكەرى ۆلاديمير بەلياەۆتىڭ ايتۋىنشا, بيىل كۋبوكتى جەڭىپ الۋعا ولار قولدان كەلگەن مۇمكىندىكتىڭ ءبارىن جاسايدى.
كۋبوگتىڭ جەڭىمپازى 27 تامىز كۇنى انىقتالادى. وسى كۇنى «قازاقستان» سپورت سارايىندا فينالدىق ويىن وتەدى.
داستان كەنجالين.
