ەكىنشى تىنىسى اشىلعان زاۋىت

حرومتاۋ – جەراستى قازبا بايلىقتارىنا باي اۋدان. بۇل وڭىردەگى حروم كەنىن ءوندىرۋ وب­لىس قانا ەمەس, ەلىمىزدىڭ ەكو­نو­مي­كا­لىق دامۋىنا سەرپىن بەرىپ وتىر. الايدا, مۇندا سوڭعى جىل­دارى قۇرىلىس ماتەريال­دا­رىن ءوندىرۋ دە جولعا قويىلا باس­تادى. تۇر­عىن ءۇي قۇرى­لى­سىن­دا پايدالانى­لاتىن قابىر­عا­لىق كافەل (قىش پليتالار) شىعاراتىن «كەراميكا» زاۋىتى كەزىندە ەلىمىزدەگى ءبىر­دەن-ءبىر كا­سىپورىن بولاتىن. نا­رىقتىق ءبا­سەكەگە توتەپ بەرە الماي بۇل زاۋىت بۇدان ەكى جىل بۇرىن بانكروتقا ۇشىراپ, وسىن­شاما ۋاقىت تۇرىپ قالىپ ەدى. جا­قىن­دا اراداعى ەكى جىلعى ءۇزى­لىستەن كەيىن كاسىپورىن ءوز جۇ­مىسىن قايتا باستادى. بۇعان زاۋىت­تى قايتا جاراقتاندىرۋعا مەملە­كەت­تىڭ قارجىلاي قولداۋ كور­سەتۋى ىقپال ەتتى. بۇل جوبا «دامۋ-ايماقتار-2» ايماقتىق باعدارلاماسى بوي­ىن­شا قارجىلاندىرىلدى. زاۋىتتى قايتا جاراقتاندىرۋعا 222 ميلليون تەڭگە 10 پايىزدىق وسىممەن ءبولىندى. «كەراميكا» اكتسيونەرلىك قوعامى, «تسەنتركرەديتبانك» جانە «دامۋ» كاسىپكەرلىكتى دامىتۋ قو­رى ءوزارا كەلىسىم-شارتقا وتىرعان. وسى كەلىسىم-شارتقا سايكەس نە­سيە­نىڭ ءوسىمىنىڭ 7 پايىزىن «بيز­نەستىڭ جول كارتاسى-2020» باع­دار­لاماسى اياسىندا مەملەكەت جا­بادى. كا­سىپورىن العان نەسيەسىن قالعان 3 پايىزدىق وسىممەن ءوزى وتەيدى. مەملەكەتتىڭ قولداۋىمەن قاي­تا جاراقتاندىرىلعان زاۋىتقا كەراميكا پليتالارىن شىعاراتىن يتاليالىق تەحنولوگيا ورناتىل­عان. ال, ءونىم وندىرۋگە قاجەتتى قي­ىرشىق تاس, ساز, قۇم سياقتى شيكىزاتتار وسى وڭىردەن مولىنان تابىلادى. كەراميكا پليتا­لا­رى­نا قاجەتتى بوياۋلىق شيكىزاتتار يسپانيادان جەتكىزىلەدى. جوبا تولىق قۋاتىندا جۇ­مىس ىستەگەندە كولەمى 20-30 سانتيمەتر بولاتىن 40 ءتۇرلى 1 ميلليون شارشى مەتر قىش پلي­تالارى شىعارىلادى. ازىرگە تاۋلىگىنە 1,5 مىڭ شارشى مەتر كافەل وندىرىلۋدە. قايتا جاراقتاندىرىلعان كا­سىپ­ورىندا ءتورت اۋىسىمدا 120 ادام ەڭبەك ەتەدى. جۇمىسشى­لار­دىڭ باسىم بولىگى بۇرىنعى زاۋىتتا ەڭبەك ەتكەندەر. تاپ­سى­رىس بولسا, ءونىم ءوندىرۋ دە ارتا تۇسپەك. زاۋىت ديرەكتورى ءادىل­حان يتباەۆتىڭ ايتۋىنشا, ەلىمىزدەگى كوپتەگەن كاسىپورىندار­مەن, مەكەمەلەرمەن ءوز ونىمدە­رىن وتكىزۋگە كەلىسىم-شارت جا­سال­عان. ازىرگە ولاردان تاپسى­رىس تۇسە قويماپتى. سوندىقتان ءالى رەسمي اشىلماعان, ىسكە قوسۋ-رەتتەۋ جۇمىستارى باستال­عان زاۋىتتا ازىرگە ون بەس ءتۇرلى كافەل شىعارىلعانىمەن, ولار قويماعا جيناقتالۋدا كورىنەدى. نەگىزىندە ولار مەملەكەتتىك تاپ­سىرىس بويىنشا زاۋىت ءونىم­دە­رىن الۋى ءتيىس ەكەن. بۇل الداعى كۇندەردىڭ ەنشىسىندەگى شارۋا. تاياۋ ۋاقىتتا مۇندا ءونىم وتكىزۋ رىنوگى قالىپتاسىپ, زاۋىت ءوزى­نىڭ جوبالىق قۋاتىنا شىعاتى­نىنا سەنىم مول. ساتىبالدى ءساۋىرباي. اقتوبە وبلىسى.