جاپونيادا جەر سىلكىنىسى بولدى

جاپونيانىڭ شىعىس جاعالاۋىندا 6,5 باللدىق جەر سىلكىنىسى بولدى, دەپ حابارلادى رەيتەر اگەنتتىگى جاپون مەتەورولوگيا اگەنتتىگىنە سىلتەمە جاساي وتىرىپ. ءزىلزالانىڭ وشاعى وسى جىلدىڭ ناۋرىز ايىنداعى تابيعات اپاتىنان زارداپ شەككەن فۋكۋسيما قالاسىنان 113 شاقىرىم جەردە بولعان. جاپون مەتەورولوگيا اگەنتتىگى العاشىندا جارتى مەترلىك بيىكتىكتەگى تسۋنامي قاۋپى تۋرالى ەسكەرتكەنىمەن, ارادا 35 ءمينوت وتكەندە ونداي قاتەردىڭ جوق ەكەنى حابارلانعان. قۇربان بولعاندار مەن قيراعان عيماراتتار تۋرالى مالىمەتتەر جوق. گازا سەكتورىنداعى جانجال ەيلاتا كۋرورتىنىڭ توڭىرەگىندە بەيسەنبى كۇنى ورىن العان تەررورلىق اكت سالدارىنان تۋىنداعان يزرايل مەن گازا سەكتورى اراسىنداعى جانجال بارعان سايىن شيەلەنىسە تۇسۋدە. جاۋاپ رەتىندە جۇما كۇنى گازا سەك­تورىنان يزرايلگە بىرنەشە رەاكتيۆتى زىمىراندار جىبەرىلگەن. ال يزرايل اۋە قارۋلى كۇشتەرى بولسا, بەيسەنبى كۇنى گازا سەكتورى اۋماعىنا العاشقى سوققى جاسادى. سونىڭ سالدارىنان پالەستينانىڭ جەتى تۇرعىنى, «حالىق قارسىلىعى كوميتەتى» توبىنىڭ كومانديرى كامال ان-نايراب پەن ونىڭ ءتورت كومەكشىسى قازا تاپقان. بومبالاۋ تۇندە دە جالعاسقان كورىنەدى. تاۋەلسىزدىك كۇنىندەگى تەراكتىلەر ۇلىبريتانيادان تاۋەلسىزدىك العان كۇنى – 19 تامىزدا اۋعانستاندا 5 تەراكت جاسالىپ, سونىڭ سالدارىنان كەم دەگەندە 34 ادام قازا تاپقان. العاشقى جارىلىس اۋعانستاننىڭ باتىسىنداعى گەرات پروۆينتسياسىندا شاعىن اۆتوبۋستا ورىن العان. جارىلىس 24 ادامنىڭ, ونىڭ جەتەۋى بالالار ءومىرىن قيعان كورىنەدى. ونىڭ سىرتىندا تاعى توعىز ادام اۋىر جاراقاتتار العان. اۋعانستان استاناسى كابۋلدا دا قاتارىنان ءتورت جارىلىس بولعان. ەكى جانكەشتى تەررورشى بريتان كەڭەسى جانە بريتان مادەني ورتالىعى وكىلدىگىنە شابۋىل جاساعان. مادريد پاپانى سالقىن قابىلدادى ءۇش جىلدا ءبىر وتەتىن بۇكىلالەمدىك كاتوليك جاستارى كۇنى شەڭبەرىندە يسپانياعا كەلگەن ريم پاپاسى بەنەديكت ءحVى-نى مادريد قوناقجايلى­لىق­پەن قابىلداماي وتىر. جۇمىسسىزدىق دەڭگەيى بۇگىندە 21 پايىزعا جەتكەن يسپانيا جاستارى داعدارىستان زارداپ شەككەن يسپان بيۋدجەتىنە كاتوليكتىك مەرەكەلىك شارالاردىڭ قانشالىقتى قىمباتقا تۇسەتىنىنە ءوز نارازىلىقتارىن ءبىلدىرۋ ءۇشىن كوشەلەرگە شىققان. ءمادريدتىڭ ورتالىعىندا ورىن العان ءتارتىپ­سىز­دىكتەر سالدارىنان العاشقى كۇنى 11 ادام, ونىڭ ىشىندە 2 پوليتسەي زارداپ شەككەن. كاتوليك شىركەۋىنىڭ وكىلدەرى بيۋد­جەت شىعىنى تۋريستەردەن تۇسكەن تابىستار ارقىلى ورنىنا كەلەدى دەپ سەندىرگەنىمەن, كوپتەگەن يسپان جاستارى پونتيفيكتىڭ ساپارىنا جىلى قاباق تانىتپاي وتىر. يراكتاعى كۋرد بازالارى بومبالانۋدا تۇرىكتىڭ بومبالاۋشى ۇشاقتارى كۋرد جۇمىسشى پارتياسىنىڭ لاگەرلەرىن جويۋ جونىندەگى جاڭا وپەرا­تسيا­نى باستادى, دەپ حابارلايدى CNNturk. تۇركيا قارۋلى كۇشتەرىنىڭ سەگىزىنشى اۋە بازاسىنىڭ بومبالاعىش ۇشاقتارى كانديل, حاكۋرك, مەتينا جانە باسقا دا ەلدى مەكەندەردى بومبالاۋدا. سونىمەن بىرگە تۇركيا اۋما­عىندا دا كجپ مەن تۇراقتى ارميا اراسىندا قاقتىعىستار جالعاسۋدا. كۋرد سودىرلارى ءبىر مەزگىلدە ەكى بىردەي ۋەزدىك پوليتسيا باسقار­ما­لارىنا شابۋىل جاساعان. شابۋىل سال­دارى­نان تۇرىكتىڭ ەكى جاۋىنگەرى قازا تاۋىپ, تورتەۋى جارا­لان­عان. سول سياقتى ەكى تەررورشى دا اجال قۇشقان كورىنەدى. كوررۋپتسياعا قارسى اشتىق جاريالادى 74 جاستاعى اننا حازارە ەسىمدى گۋرۋ ءۇندىستاندى جەگى قۇرتتاي ىشتەن كەمىرىپ جاتقان ەڭ ۇلكەن قاسىرەت – كوررۋپتسياعا قارسى سوعىس اشتى. ول كۇش كورسەتۋ ارقىلى ەمەس, ءوزى ءپىر تۇتاتىن ماحاتما گاندي وسيەت ەتكەندەي, اشتىق جاريالاۋ ارقىلى كۇرەسۋدە. العاشقى اشتىق جاريالاۋىن ول بيلىك كوررۋپتسياعا قارسى كۇرەس تۋرالى زاڭ جوباسىن جازۋعا قاتىسۋدى ۇسىنعان كەزدە ءساۋىر ايىندا ءتورت كۇننەن سوڭ توقتاتقان بولاتىن. بىراق تامىزدىڭ باسىندا جارىق كورگەن انتيكوررۋپتسيالىق زاڭعا ول ريزا بولماي, ونى «قاتىگەز ءازىل» دەپ اتادى. اننا حازارە كوررۋپتسياعا قارسى كوميتەتتىڭ پرەمەر-مينيسترگە, اعا سۋديالار مەن پارلامەنت مۇشەلەرىنە قارسى ايىپتاۋلاردى تەرگەي المايتىنىنا قاناعاتتانباعان كورىنەدى. ۋكرايناداعى ەڭ ىقپالدى ادام كىم؟ ۋكراينا پرەزيدەنتى ۆيكتور يانۋكوۆيچ «كوررەسپوندەنت» باسىلىمى قۇراستىرعان رەيتينگتە ەلدەگى ەڭ ىقپالدى ادامداردىڭ باسىندا تۇر. «ەل باسقارۋدىڭ العاشقى كۇنىنەن باستاپ قاتاڭ پرەزيدەنتتىك بيلىكتى شىڭداۋعا كىرىسكەن يانۋكوۆيچ بۇل ىستە اسا زور جەتىستىككە جەتتى, ءسويتىپ «كوررەسپوندەنتكە» مويىنداۋدان وزگە امال قالعان جوق. بۇكىل باستى لاۋازىمدار ونىڭ ساياسي كۇشىنىڭ – وڭىرلەر پارتياسىنىڭ قۇزىرىندا, ءتىپتى بيلىك تارماقتارى اراسىنداعى الاۋىزدىق تۋرالى ايتۋدىڭ ءوزى ارتىق, باسقارۋدىڭ بارلىق تىزگىنى پرەزيدەنتتىڭ قولىندا», دەپ دالەلدەگەن باسىلىم رەداكتسياسى ءوز تاڭداۋىن. گرۋزياداعى اۆتوبۋس اپاتى بەيسەنبى كۇنى گرۋزيا اۋماعىندا جىراعا قۇلاپ كەتكەن جولاۋشىلار اۆتوبۋسىندا 29 ادام بولعان, ولاردىڭ 5-ءى رەسەيدىڭ, ال 24-ءى ارمەنيا ازاماتتارى دەپ حابارلاعان ارمەنيا تجم قۇتقارۋ قىزمەتى. اپات كازبەگي – تبيليسي جولىندا ورىن العان. روستوۆ – ەرەۆان باعىتىمەن كەلە جاتقان اۆتوبۋس 15 مەترلىك بيىكتىكتەن جىراعا قۇلاپ كەتكەن. اپاتتىڭ سەبەپتەرى تۋرالى ازىرگە رەسمي مالىمەتتەر جوق, بىراق اۆتوبۋس جۇرگىزۋشىسى رولدە كەلە جاتىپ قالعىپ كەتكەن دەگەن اقپارات بار. اپات سالدارىنان 17 ادام ءتۇرلى دەنە جاراقاتتارىن العان. ينتەرنەت ماتەريالدارى نەگىزىندە ازىرلەندى.