بۇگىن استانادا ءى سپورتتىق فورۋم باستالادى
ەلدىكتى تانىتاتىن ەرەن ءىس
تامىز ايىنىڭ ءۇشىنشى جەكسەنبىسىندە ەلىمىزدە كاسىبي مەرەكە – سپورت كۇنىن اتاپ ءوتۋ يگى داستۇرگە اينالدى. بۇل مەرەكەنى دەنە تاربيەسى جانە سپورت سالاسىنىڭ قىزمەتكەرلەرى مەن سپورت جۇرتشىلىعى ءۇشىن عانا ەمەس, سونىمەن بىرگە سالاماتتى ءومىر سالتىن ۇستاناتىن بارلىق قازاقستاندىقتار ءۇشىن ماڭىزدى مەرەكە دەپ سانايمىن.
وسى ءبىر ايتۋلى مەرەكە – سپورت كۇنىندە سپورتقا قىزمەت ەتىپ, ونى سەرىك ەتكەن ءارىپتەستەرىمدى, سپورتتىق جەتىستىكتەرىمەن ەلىمىزدىڭ اتاق-داڭقىن ارتتىرىپ جۇرگەن سپورتشىلاردى شىن جۇرەكتەن قۇتتىقتاعىم كەلەدى.
بۇل كۇنى ەلىمىزدىڭ بارلىق وڭىرلەرىندە سپورت الاڭدارى, ستاديوندار مەن باسسەيندەر سپورتتىق رۋحپەن جىگەرلەنگەن, جەڭىسكە, ءتان ساۋلىعىن ساقتاۋعا ۇمتىلعان ازاماتتاردىڭ مەرەكەلىك كوڭىل-كۇيىنە بولەنەدى. ادام بويىنداعى ءدال وسى قاسيەتتەر بىزگە جاڭا كۇش-قۋات بەرىپ, يگى ىستەر مەن جەڭىستەرگە جەتەلەيتىنى ءسوزسىز.
سپورت ادامنىڭ بويىندا ەرىك پەن پاتريوتتىق سەزىمدى, قايسار مىنەز بەن ءادىل وي قاسيەتىن, جەڭىسكە ۇمتىلۋ تالابىن قالىپتاستىرادى. دەنە تاربيەسى ادامنىڭ ءتان جانە جان سۇلۋلىعىن قالىپتاستىرۋعا, سالاماتتى ءومىر سالتىن ۇستانۋعا ىقپال ەتەدى, تەرىس قىلىقتاردان بويدى اۋلاق سالىپ, ءومىردى سۇيۋگە تاربيەلەيدى.
مەملەكەت باسشىسى سپورتتى الەۋمەتتىك ساياساتقا ىسكە اسىرۋدىڭ, حالىقتىڭ ءومىر ءسۇرۋ دەڭگەيىن ارتتىرۋدىڭ ءتيىمدى قۇرالى جانە حالىقتىڭ ءال-اۋقاتىنىڭ ماڭىزدى بولىگى رەتىندە قاراستىرا وتىرىپ, قازاقستان حالقىنا جولداۋىندا جانە «قازاقستان-2020» ستراتەگيالىق دامۋ جوسپارىندا سپورتتىڭ بۇقارالىق سيپات الۋىنا قول جەتكىزۋدىڭ مەرزىمدەرى مەن نىسانالى ينديكاتورلارىن ايقىنداپ بەردى.
ەلباسى نۇرسۇلتان نازارباەۆتىڭ باستاماسىنىڭ ارقاسىندا وتاندىق سپورتشىلاردى جان-جاقتى قولداۋ, جاڭا سپورت كەشەندەرى مەن مەكتەپتەرىن سالۋ, ەلدەگى سپورت زالدارىنىڭ, ستاديوندار مەن اۋلالاردىڭ ماتەريالدىق-تەحنيكالىق بازاسىن نىعايتۋ – ەلدىڭ الەۋمەتتىك-ەكونوميكالىق ساياساتىنىڭ باسىمدىقتارىنىڭ بىرىنە اينالدى.
2011 جىلى قازاقستان رەسپۋبليكاسى تاۋەلسىزدىگىنە 20 جىل تولادى. ەگەمەندى ەلىمىز وتكەن ەكى ونجىلدىقتا الەۋمەتتىك-ەكونوميكالىق جانە ساياسي دامۋدا جوعارى ناتيجەلەرگە قول جەتكىزدى. وسى ۇدەرىستەردىڭ اجىراماس ءبىر ءبولىگى رەتىندە دەنە تاربيەسى مەن سپورتتىڭ دامۋى دا ءومىرىمىزدەن ءوز ورنىن الدى. ەلباسىمىز اتاپ وتكەندەي, سپورت – بۇل تەك سالاماتتى ءومىر سالتىن ناسيحاتتاۋ عانا ەمەس, سونىمەن بىرگە, مىقتى دا دەنى ساۋ زيالى ۇلتتى قالىپتاستىرۋ ءۇشىن نەگىز.
وسى جىلدىڭ باستى سپورتتىق وقيعاسى – VII قىسقى ازيا ويىندارىنىڭ بولعانى بەلگىلى. قازاقستان وسى ويىندارمەن تاۋەلسىزدىكتىڭ 20 جىلدىعىنا ارنالعان ءىس-شارالاردىڭ شىمىلدىعىن اشتى. ويىنداردى ءساتتى وتكىزۋ جانە اتلەتتەرىمىزدىڭ سپورتتىق جەتىستىكتەرى قازاقستاننىڭ ساياسي, ەكونوميكالىق جانە الەۋمەتتىك تۇراقتىلىعىنىڭ جارقىن ايعاعى بولدى.
بۇگىنگى كۇنى دە ەل تاۋەلسىزدىگىنىڭ 20 جىلدىعىنا ارنالعان ءىس-شارالار جالعاسىن تابۋدا. سولاردىڭ ءبىرى – 19-20 تامىز ارالىعىندا استانا قالاسىنداعى بەيبىتشىلىك جانە كەلىسىم سارايىندا وتەتىن «بيزنەستىڭ, قوعامنىڭ جانە مەملەكەتتىڭ قاتىسۋىمەن ءى سپورتتىق فورۋم».
بۇل ارادا سوڭعى جىلدارى جەكە بيزنەس وكىلدەرى سپورتتى قولداۋ جونىندەگى ينۆەستيتسيالىق ساياساتىن بەلسەندى ءجۇرگىزىپ كەلە جاتقانىن اتاپ ايتۋعا بولادى. مەملەكەت باسشىسى ن.ءا. نازارباەۆ «مەملەكەت پەن بيزنەس تەك ەكونوميكالىق ماسەلەلەردى عانا ەمەس, سونىمەن بىرگە, الەۋمەتتىك ماسەلەلەردى شەشۋدە تولىققاندى ارىپتەستەر بولۋى ءتيىس», دەپ اتاپ كورسەتتى.
قازىرگى زامانعى سپورت – بۇل بيزنەس-يندۋستريا, مۇندا سپورتتىڭ ماركەتينگتىك جانە جارنامالىق ءمۇمكىندىكتەرى بەلسەندى قولدانىلادى.
بۇگىنگى ەكونوميكالىق داعدارىس پەن ەكونوميكالىق جاھاندىق ترانسفورماتسيانىڭ جانە وزگە دە الەمدىك قۇرىلىمداردىڭ نەگىزىندە ورىن العان جاعدايلارعا قاراماستان, سپورت بارلىق ۇلىستار مەن ۇلتتاردى, دىندەر مەن وركەنيەتتەردى بىرىكتىرەتىن ادامزاتتىڭ باستى قۇندىلىعى مەن جەتىستىگى بولىپ قالا بەرەدى.
قازاقستان تاۋەلسىزدىگىنىڭ 20 جىلدىعىنا ارنالعان سپورتتىق فورۋم ەلىمىزدەگى قوعامنىڭ, بيزنەس پەن سپورتتىڭ ءوزارا ىنتىماقتاستىعى مەن پەرسپەكتيۆالارىنىڭ نەعۇرلىم ماڭىزدى ماسەلەلەرىن قاراستىرۋ ءۇشىن مەملەكەتتىك ۆەدومستۆولاردىڭ وكىلدەرىن, سپورتتىق كلۋبتاردىڭ جەتەكشىلەرىن, ينۆەستورلار مەن سپورتتىق ساراپشىلاردىڭ باسىن قوسادى.
فورۋمنىڭ باستى ەرەكشەلىگى ونىڭ اياسىندا مينيسترلىكتەر اراسىندا سپورتتى دامىتۋعا ارنالعان ءوزارا مەموراندۋمدار جاسالىپ, ودان كەيىن ۇلتتىق سپورت تۇرلەرىنىڭ بەدەلىن ارتتىراتىن, جاستار اراسىندا پاتريوتتىق سەزىمدى ناسيحاتتايتىن قازاق كۇرەسىنەن پرەزيدەنت ن.ءا.نازارباەۆتىڭ جۇلدەسىنە ارنالعان «قازاقستان بارىسى» رەسپۋبليكالىق جارىسى مەن پرەزيدەنتتىك ميلگە ءجۇگىرۋ وتكىزىلەدى.
ءى سپورتتىق فورۋم الدىنا قويعان مىندەت-ماقساتتارى ورىندالىپ, بۇل جوبا قوعام مەن مەملەكەتتىڭ ەركىن ديالوگىنىڭ ۇلگىسى بولاتىنىنا سەنىمدىمىن. ءبۇگىندە, سپورتشى قاۋىمنىڭ الدىندا 2012 جىلى لوندون قالاسىندا وتەتىن وليمپيا ويىندارىنا قۇراما كوماندالاردى دايارلاۋ جانە قاجەتتى جولدامالاردى يەلەنۋ جونىندە مىندەتتەر قويىلىپ وتىر. بىرلەسكەن كۇش-جىگەرىمىز بەن ۇيلەسىمدى جۇمىستىڭ ناتيجەسىندە قازاقستاننىڭ سپورتتىق ايبىنىن تاعى ءبىر رەت دالەلدەيمىز دەپ سەنەمىن.
كاسىبي مەرەكە قارساڭىندا تاۋەلسىز قازاقستاننىڭ سپورتتىق جىلناماسىنا التىن ارىپتەرمەن جازىلاتىن وليمپياداشى – سپورتشىلارىمىزدىڭ اتتارىن ەرەكشە اتاپ وتكىم كەلەدى. ولاردىڭ سپورتتاعى جەڭىستەرى مەن جەتىستىكتەرى وتاندىق سپورتتىڭ داڭقى مەن ايبىنىن ارتتىرا ءتۇسەدى. ولار: جاقسىلىق ۇشكەمپىروۆ, سەرىك قوناقباەۆ, داۋلەت تۇرلىحانوۆ, ۆلاديمير سميرنوۆ, ۆاسيلي جيروۆ, الەكسەي پارىگين, يۋري مەلنيچەنكو, ەرماحان ىبىرايىموۆ, باقتيار ارتاەۆ, ولگا شيشيگينا, بەكزات ساتتارحانوۆ, الەكساندر ۆينوكۋروۆ, باقىت سارسەكباەۆ, يليا يلين.
ءبىز 2012 جىلى لوندوندا وتەتىن وليمپيا ويىندارىندا وتاندىق سپورتتىڭ تاريحىندا جاڭا جارقىن بەتتەردىڭ اشىلاتىنىنا سەنىمدىمىز. قۇرمەتتى سپورت ارداگەرلەرى, ارىپتەستەر, جۋرناليستەر, عالىمدار, سپورت دارىگەرلەرى, سالاماتتى ءومىر سالتىن ۇستانۋشىلار, جانكۇيەرلەر, سپورتقا قاتىسى بار بارشا قاۋىم! وسى ءبىر ايتۋلى كۇندە بارشاڭىزدى مەرەكەمەن قۇتتىقتاپ, شىن جۇرەكتەن مىقتى دەنساۋلىق, باقىت پەن باق-بەرەكە تىلەيمىن, تولاعاي تابىستارعا جەتىپ, يگى باستامالارىڭىز جۇزەگە اسا بەرسىن!
تالعات ەرمەگياەۆ, تۋريزم جانە سپورت ءمينيسترى.
ەلدىكتى تانىتاتىن ەرەن ءىس
تامىز ايىنىڭ ءۇشىنشى جەكسەنبىسىندە ەلىمىزدە كاسىبي مەرەكە – سپورت كۇنىن اتاپ ءوتۋ يگى داستۇرگە اينالدى. بۇل مەرەكەنى دەنە تاربيەسى جانە سپورت سالاسىنىڭ قىزمەتكەرلەرى مەن سپورت جۇرتشىلىعى ءۇشىن عانا ەمەس, سونىمەن بىرگە سالاماتتى ءومىر سالتىن ۇستاناتىن بارلىق قازاقستاندىقتار ءۇشىن ماڭىزدى مەرەكە دەپ سانايمىن.
وسى ءبىر ايتۋلى مەرەكە – سپورت كۇنىندە سپورتقا قىزمەت ەتىپ, ونى سەرىك ەتكەن ءارىپتەستەرىمدى, سپورتتىق جەتىستىكتەرىمەن ەلىمىزدىڭ اتاق-داڭقىن ارتتىرىپ جۇرگەن سپورتشىلاردى شىن جۇرەكتەن قۇتتىقتاعىم كەلەدى.
بۇل كۇنى ەلىمىزدىڭ بارلىق وڭىرلەرىندە سپورت الاڭدارى, ستاديوندار مەن باسسەيندەر سپورتتىق رۋحپەن جىگەرلەنگەن, جەڭىسكە, ءتان ساۋلىعىن ساقتاۋعا ۇمتىلعان ازاماتتاردىڭ مەرەكەلىك كوڭىل-كۇيىنە بولەنەدى. ادام بويىنداعى ءدال وسى قاسيەتتەر بىزگە جاڭا كۇش-قۋات بەرىپ, يگى ىستەر مەن جەڭىستەرگە جەتەلەيتىنى ءسوزسىز.
سپورت ادامنىڭ بويىندا ەرىك پەن پاتريوتتىق سەزىمدى, قايسار مىنەز بەن ءادىل وي قاسيەتىن, جەڭىسكە ۇمتىلۋ تالابىن قالىپتاستىرادى. دەنە تاربيەسى ادامنىڭ ءتان جانە جان سۇلۋلىعىن قالىپتاستىرۋعا, سالاماتتى ءومىر سالتىن ۇستانۋعا ىقپال ەتەدى, تەرىس قىلىقتاردان بويدى اۋلاق سالىپ, ءومىردى سۇيۋگە تاربيەلەيدى.
مەملەكەت باسشىسى سپورتتى الەۋمەتتىك ساياساتقا ىسكە اسىرۋدىڭ, حالىقتىڭ ءومىر ءسۇرۋ دەڭگەيىن ارتتىرۋدىڭ ءتيىمدى قۇرالى جانە حالىقتىڭ ءال-اۋقاتىنىڭ ماڭىزدى بولىگى رەتىندە قاراستىرا وتىرىپ, قازاقستان حالقىنا جولداۋىندا جانە «قازاقستان-2020» ستراتەگيالىق دامۋ جوسپارىندا سپورتتىڭ بۇقارالىق سيپات الۋىنا قول جەتكىزۋدىڭ مەرزىمدەرى مەن نىسانالى ينديكاتورلارىن ايقىنداپ بەردى.
ەلباسى نۇرسۇلتان نازارباەۆتىڭ باستاماسىنىڭ ارقاسىندا وتاندىق سپورتشىلاردى جان-جاقتى قولداۋ, جاڭا سپورت كەشەندەرى مەن مەكتەپتەرىن سالۋ, ەلدەگى سپورت زالدارىنىڭ, ستاديوندار مەن اۋلالاردىڭ ماتەريالدىق-تەحنيكالىق بازاسىن نىعايتۋ – ەلدىڭ الەۋمەتتىك-ەكونوميكالىق ساياساتىنىڭ باسىمدىقتارىنىڭ بىرىنە اينالدى.
2011 جىلى قازاقستان رەسپۋبليكاسى تاۋەلسىزدىگىنە 20 جىل تولادى. ەگەمەندى ەلىمىز وتكەن ەكى ونجىلدىقتا الەۋمەتتىك-ەكونوميكالىق جانە ساياسي دامۋدا جوعارى ناتيجەلەرگە قول جەتكىزدى. وسى ۇدەرىستەردىڭ اجىراماس ءبىر ءبولىگى رەتىندە دەنە تاربيەسى مەن سپورتتىڭ دامۋى دا ءومىرىمىزدەن ءوز ورنىن الدى. ەلباسىمىز اتاپ وتكەندەي, سپورت – بۇل تەك سالاماتتى ءومىر سالتىن ناسيحاتتاۋ عانا ەمەس, سونىمەن بىرگە, مىقتى دا دەنى ساۋ زيالى ۇلتتى قالىپتاستىرۋ ءۇشىن نەگىز.
وسى جىلدىڭ باستى سپورتتىق وقيعاسى – VII قىسقى ازيا ويىندارىنىڭ بولعانى بەلگىلى. قازاقستان وسى ويىندارمەن تاۋەلسىزدىكتىڭ 20 جىلدىعىنا ارنالعان ءىس-شارالاردىڭ شىمىلدىعىن اشتى. ويىنداردى ءساتتى وتكىزۋ جانە اتلەتتەرىمىزدىڭ سپورتتىق جەتىستىكتەرى قازاقستاننىڭ ساياسي, ەكونوميكالىق جانە الەۋمەتتىك تۇراقتىلىعىنىڭ جارقىن ايعاعى بولدى.
بۇگىنگى كۇنى دە ەل تاۋەلسىزدىگىنىڭ 20 جىلدىعىنا ارنالعان ءىس-شارالار جالعاسىن تابۋدا. سولاردىڭ ءبىرى – 19-20 تامىز ارالىعىندا استانا قالاسىنداعى بەيبىتشىلىك جانە كەلىسىم سارايىندا وتەتىن «بيزنەستىڭ, قوعامنىڭ جانە مەملەكەتتىڭ قاتىسۋىمەن ءى سپورتتىق فورۋم».
بۇل ارادا سوڭعى جىلدارى جەكە بيزنەس وكىلدەرى سپورتتى قولداۋ جونىندەگى ينۆەستيتسيالىق ساياساتىن بەلسەندى ءجۇرگىزىپ كەلە جاتقانىن اتاپ ايتۋعا بولادى. مەملەكەت باسشىسى ن.ءا. نازارباەۆ «مەملەكەت پەن بيزنەس تەك ەكونوميكالىق ماسەلەلەردى عانا ەمەس, سونىمەن بىرگە, الەۋمەتتىك ماسەلەلەردى شەشۋدە تولىققاندى ارىپتەستەر بولۋى ءتيىس», دەپ اتاپ كورسەتتى.
قازىرگى زامانعى سپورت – بۇل بيزنەس-يندۋستريا, مۇندا سپورتتىڭ ماركەتينگتىك جانە جارنامالىق ءمۇمكىندىكتەرى بەلسەندى قولدانىلادى.
بۇگىنگى ەكونوميكالىق داعدارىس پەن ەكونوميكالىق جاھاندىق ترانسفورماتسيانىڭ جانە وزگە دە الەمدىك قۇرىلىمداردىڭ نەگىزىندە ورىن العان جاعدايلارعا قاراماستان, سپورت بارلىق ۇلىستار مەن ۇلتتاردى, دىندەر مەن وركەنيەتتەردى بىرىكتىرەتىن ادامزاتتىڭ باستى قۇندىلىعى مەن جەتىستىگى بولىپ قالا بەرەدى.
قازاقستان تاۋەلسىزدىگىنىڭ 20 جىلدىعىنا ارنالعان سپورتتىق فورۋم ەلىمىزدەگى قوعامنىڭ, بيزنەس پەن سپورتتىڭ ءوزارا ىنتىماقتاستىعى مەن پەرسپەكتيۆالارىنىڭ نەعۇرلىم ماڭىزدى ماسەلەلەرىن قاراستىرۋ ءۇشىن مەملەكەتتىك ۆەدومستۆولاردىڭ وكىلدەرىن, سپورتتىق كلۋبتاردىڭ جەتەكشىلەرىن, ينۆەستورلار مەن سپورتتىق ساراپشىلاردىڭ باسىن قوسادى.
فورۋمنىڭ باستى ەرەكشەلىگى ونىڭ اياسىندا مينيسترلىكتەر اراسىندا سپورتتى دامىتۋعا ارنالعان ءوزارا مەموراندۋمدار جاسالىپ, ودان كەيىن ۇلتتىق سپورت تۇرلەرىنىڭ بەدەلىن ارتتىراتىن, جاستار اراسىندا پاتريوتتىق سەزىمدى ناسيحاتتايتىن قازاق كۇرەسىنەن پرەزيدەنت ن.ءا.نازارباەۆتىڭ جۇلدەسىنە ارنالعان «قازاقستان بارىسى» رەسپۋبليكالىق جارىسى مەن پرەزيدەنتتىك ميلگە ءجۇگىرۋ وتكىزىلەدى.
ءى سپورتتىق فورۋم الدىنا قويعان مىندەت-ماقساتتارى ورىندالىپ, بۇل جوبا قوعام مەن مەملەكەتتىڭ ەركىن ديالوگىنىڭ ۇلگىسى بولاتىنىنا سەنىمدىمىن. ءبۇگىندە, سپورتشى قاۋىمنىڭ الدىندا 2012 جىلى لوندون قالاسىندا وتەتىن وليمپيا ويىندارىنا قۇراما كوماندالاردى دايارلاۋ جانە قاجەتتى جولدامالاردى يەلەنۋ جونىندە مىندەتتەر قويىلىپ وتىر. بىرلەسكەن كۇش-جىگەرىمىز بەن ۇيلەسىمدى جۇمىستىڭ ناتيجەسىندە قازاقستاننىڭ سپورتتىق ايبىنىن تاعى ءبىر رەت دالەلدەيمىز دەپ سەنەمىن.
كاسىبي مەرەكە قارساڭىندا تاۋەلسىز قازاقستاننىڭ سپورتتىق جىلناماسىنا التىن ارىپتەرمەن جازىلاتىن وليمپياداشى – سپورتشىلارىمىزدىڭ اتتارىن ەرەكشە اتاپ وتكىم كەلەدى. ولاردىڭ سپورتتاعى جەڭىستەرى مەن جەتىستىكتەرى وتاندىق سپورتتىڭ داڭقى مەن ايبىنىن ارتتىرا ءتۇسەدى. ولار: جاقسىلىق ۇشكەمپىروۆ, سەرىك قوناقباەۆ, داۋلەت تۇرلىحانوۆ, ۆلاديمير سميرنوۆ, ۆاسيلي جيروۆ, الەكسەي پارىگين, يۋري مەلنيچەنكو, ەرماحان ىبىرايىموۆ, باقتيار ارتاەۆ, ولگا شيشيگينا, بەكزات ساتتارحانوۆ, الەكساندر ۆينوكۋروۆ, باقىت سارسەكباەۆ, يليا يلين.
ءبىز 2012 جىلى لوندوندا وتەتىن وليمپيا ويىندارىندا وتاندىق سپورتتىڭ تاريحىندا جاڭا جارقىن بەتتەردىڭ اشىلاتىنىنا سەنىمدىمىز. قۇرمەتتى سپورت ارداگەرلەرى, ارىپتەستەر, جۋرناليستەر, عالىمدار, سپورت دارىگەرلەرى, سالاماتتى ءومىر سالتىن ۇستانۋشىلار, جانكۇيەرلەر, سپورتقا قاتىسى بار بارشا قاۋىم! وسى ءبىر ايتۋلى كۇندە بارشاڭىزدى مەرەكەمەن قۇتتىقتاپ, شىن جۇرەكتەن مىقتى دەنساۋلىق, باقىت پەن باق-بەرەكە تىلەيمىن, تولاعاي تابىستارعا جەتىپ, يگى باستامالارىڭىز جۇزەگە اسا بەرسىن!
تالعات ەرمەگياەۆ, تۋريزم جانە سپورت ءمينيسترى.
