بىرلەسكەن بۇيرىق

قازاقستان رەسپۋبليكاسى  تۋريزم جانە سپورت مينيسترلىگى

2011 جىلعى 14 ءساۋىر №02-02-18/56

قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگى

2011 جىلعى 16 مامىر №134

بىرلەسكەن بۇيرىق

قازاقستان رەسپۋبليكاسىنىڭ دەنە شىنىقتىرۋ جانە سپورت سالاسىنداعى زاڭناماسىن ورىنداۋ ءۇشىن جەكە كاسىپكەرلىك سالاسىنداعى تاۋەكەل دارەجەسىن باعالاۋ ولشەمدەرىن بەكىتۋ تۋرالى «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» قازاقستان رەسپۋبليكاسى زاڭىنىڭ 13-بابىنا جانە «دەنە شىنىقتىرۋ جانە سپورت تۋرالى» قازاقستان رەسپۋبليكاسى زاڭىنىڭ 23-بابىنىڭ 27) تارماقشاسىنا سايكەس بۇيىرامىز: 1. قوسا بەرىلىپ وتىرعان قازاقستان رەسپۋبليكاسىنىڭ دەنە شىنىقتىرۋ جانە سپورت سالاسىنداعى زاڭناماسىن ورىنداۋ ءۇشىن جەكە كاسىپكەرلىك سالاسىنداعى تاۋەكەل دارەجەسىن باعالاۋ ولشەمدەرى بەكىتىلسىن. 2. «دەنە شىنىقتىرۋ جانە سپورت سالاسىنداعى تاۋەكەل دارەجەسىن باعالاۋ كريتەريلەرىن بەكىتۋ تۋرالى» قازاقستان رەسپۋبليكاسى تۋريزم جانە سپورت ءمينيسترىنىڭ 2010 جىلعى 3 ناۋرىزداعى № 01-01-07/34 جانە قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ ءمينيسترىنىڭ 2010 جىلعى 10 ناۋرىزداعى № 127 بىرلەسكەن بۇيرىعىنىڭ (نورماتيۆتىك قۇقىقتىق اكتىلەردىڭ مەملەكەتتىك تىركەۋ تىزىلىمىندە № 6146 بولىپ تىركەلىپ, 2010 جىلعى 27 ساۋىردەگى № 59 «زاڭ گازەتى» گازەتىندە جاريالانعان) كۇشى جويىلدى دەپ تانىلسىن. 3. قازاقستان رەسپۋبليكاسى تۋريزم جانە سپورت مينيسترلىگىنىڭ سپورت كوميتەتى (ە.ب. قاناعاتوۆ): 1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن; 2) وسى بۇيرىق مەملەكەتتىك تىركەۋدەن وتكەننەن كەيىن, ونىڭ رەسمي تۇردە جاريالانۋىن قامتاماسىز ەتسىن; 3) وسى بۇيرىقتىڭ قازاقستان رەسپۋبليكاسى تۋريزم جانە سپورت مينيسترلىگىنىڭ ينتەرنەت-رەسۋرسىندا ورنالاسۋىن قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى تۋريزم جانە سپورت مينيسترلىگى سپورت كوميتەتىنىڭ توراعاسى ە.ب. قاناعاتوۆقا جۇكتەلسىن. 5. وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەن كۇنىنەن باستاپ كۇشىنە ەنەدى. 6. وسى بۇيرىق رەسمي ءبىرىنشى جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ تۋريزم جانە سپورت ءمينيسترى   ___________ ت. ەرمەگياەۆ  قازاقستان رەسپۋبليكاسى ەكونوميكالىق دامۋ جانە ساۋدا ءمينيسترىنىڭ مىندەتىن اتقارۋشى ___________ م.قۇسايىنوۆ

قازاقستان رەسپۋبليكاسى تۋريزم جانە سپورت ءمينيسترىنىڭ 2011 جىلعى 14 ساۋىردەگى № 02-02-18/56 جانە قازاقستان رەسپۋبليكاسى ەكونوميكالىق دامۋ جانە ساۋدا ءمينيسترىنىڭ م.ا. 2011 جىلعى 16 مامىرداعى № 134 بىرلەسكەن بۇيرىعىمەن بەكىتىلگەن

قازاقستان رەسپۋبليكاسىنىڭ دەنە شىنىقتىرۋ جانە سپورت سالاسىنداعى زاڭناماسىن ورىنداۋ ءۇشىن جەكە كاسىپكەرلىك سالاسىنداعى تاۋەكەل دارەجەسىن باعالاۋ ولشەمدەرى

1. قازاقستان رەسپۋبليكاسىنىڭ دەنە شىنىقتىرۋ جانە سپورت سالاسىنداعى زاڭناماسىن ورىنداۋ ءۇشىن جەكە كاسىپكەرلىك سالاسىنداعى تاۋەكەل دارەجەسىن باعالاۋ ولشەمدەرى (بۇدان ءارى - ولشەمدەر) ءبىلىم بەرۋ ۇيىمدارىنداعى قىزمەتتى قوسپاعاندا, وسى قىزمەتكە ارنالعان ليتسەنزيانىڭ نەگىزىندە دەنە شىنىقتىرۋ-ساۋىقتىرۋ, سپورتتىق قىزمەتتەر كورسەتەتىن جەكە جانە زاڭدى تۇلعالاردىڭ (بۇدان ءارى - جەكە جانە زاڭدى تۇلعالار) وڭىرلەر بويىنشا جوسپارلى تەكسەرۋلەر وتكىزۋ ءۇشىن جەكە جانە زاڭدى تۇلعالاردى ىرىكتەۋ ماقساتىندا جوعارى, ورتا جانە بولماشى تاۋەكەل ساناتتارى بويىنشا تاۋەكەل دارەجەسىن انىقتاۋ ءۇشىن ازىرلەندى. 2. وسى ولشەمدەردە كەلەسى تۇسىنىك قولدانىلعان, تاۋەكەل – تۇراقتى بىلىكتى جاتتىقتىرۋشى-وقىتۋشى قۇرامى بولماۋىنا, تۇراقتى مەديتسينالىق قىزمەتتى كور­سەتە الماۋىنان, سپورت عيماراتتارىنىڭ جابدىق­تارى مەن م ۇلىكتەرىنىڭ توزۋىنان قىزمەتتى جەكە جانە زاڭدى تۇلعالاردىڭ كورسەتە الماۋى سالدارىنان ادامنىڭ ومىرىنە نەمەسە دەنساۋلىعىنا زيان كەلتىرۋ ىقتيمالدىعى. 3. تاۋەكەل دارەجەسىنە قاراي جەكە جانە زاڭدى تۇلعالار جوعارى, ورتاشا نەمەسە بولماشى تاۋەكەل توپتارىنا جاتقىزىلادى. 4. جەكە جانە زاڭدى تۇلعالاردىڭ دەنە شىنىق­تىرۋ-ساۋىقتىرۋ جانە سپورتتىق قىزمەتتەردى كورسەتۋ ءۇشىن پايدالاناتىن سپورت عيماراتتاردىڭ سانات­تارىنا بايلانىستى تاۋەكەل دەڭگەيى ايقىندالادى: 1) جوعارى تاۋەكەل دارەجەسى توبىنا جوعارى ساناتتى سپورت عيماراتتارىندا دەنە شىنىقتىرۋ ءجا­نە سپورتتىق قىزمەتتەردى كورسەتەتىن جەكە جانە زاڭدى تۇلعالار جاتقىزىلعان. جوعارى ساناتتاعى سپورت عيماراتتارىنا – نەگىزگى پارامەترلەرى حالىقارالىق جارىستاردى (الەم, ازيا, ەۋروپا چەمپيوناتتارى, الەم كۋبوگىنىڭ كەزەڭدەرى, قازاقستان رەسپۋبليكاسى پرەزيدەنتىنىڭ كۋبوگى ءۇشىن «ا» دارەجەلى حالىقارالىق تۋرنيرلەر جانە باسقا جارىستار) وتكىزۋگە مۇمكىندىك بەرەتىن عيماراتتار جاتادى; 2) ورتاشا تاۋەكەل دارەجەلى توپقا – ءبىرىنشى ساناتتى سپورت عيماراتتارىندا دەنە شىنىقتىرۋ جانە سپورت قىزمەتتەرىن كورسەتەتىن جەكە جانە زاڭدى تۇلعالار جاتادى. ءبىرىنشى ساناتتاعى سپورت عيماراتتارىنا نەگىزگى پارامەترلەرى رەسپۋبليكالىق جارىستاردى (قازاقستان رەسپۋبليكاسىنىڭ سپارتاكياداسى, چەمپيوناتتار, بىرىنشىلىكتەر, كۋبوكتار, رەسپۋبليكالىق تۋرنيرلەر ءجا­نە باسقا جارىستار) وتكىزۋگە مۇمكىندىك بەرەتىن عيماراتتار جاتادى. 3) بولماشى تاۋەكەل دارەجەلى توپقا – ەكىنشى جانە ءۇشىنشى ساناتتى سپورت عيماراتتارىندا  دەنە شىنىق­تىرۋ جانە سپورتتىق قىزمەتتەردى كورسەتەتىن جەكە جانە زاڭدى تۇلعالار, سونىمەن قاتار سپورت تۇرلەرىن دامىتۋعا, سپورتشىلاردى جارىستارعا قاتىسۋعا دايىنداۋعا باعىتتالعان قىزمەتتى جۇزەگە اسىراتىن سپورت تۇرلەرى بويىنشا فەدەراتسيالار جاتادى. ەكىنشى ساناتقا ءوزىنىڭ كولەمى مەن جاراقتان­دىرىلۋى بويىنشا نەگىزگى پارامەترلەرى بۇقارالىق دەنە شىنىقتىرۋ-ساۋىقتىرۋ جانە سپورتتىق جات­تىعۋلارعا نەمەسە جاپپاي جارىستار وتكىزۋگە مۇمكىن­دىك بەرەتىن عيماراتتار جاتادى. ءۇشىنشى ساناتقا عيماراتتىق پارامەترلەرى دەنە شىنىقتىرۋ-ساۋىقتىرۋ جۇمىستارىن جۇرگىزۋگە ءمۇم­كىن­دىك بەرەتىن عيماراتتار جاتادى. 5. بۇدان ءارى, وتكىزىلگەن تەكسەرىستەر ناتيجەسىندەگى العان باللدار سوماسىنا سايكەس تاۋەكەل دارەجەسىنىڭ ولشەمدەرى نەگىزىندە جەكە جانە زاڭدى تۇلعالار ءتيىستى تاۋەكەل توپتارىنا جاتادى. 6. العان باللدار سوماسى جەكە جانە زاڭدى تۇلعالاردىڭ ءتيىستى تاۋەكەل توبىنا وتۋىنە نەگىزدەمە بولىپ تابىلادى: جوسپارلانعان تەكسەرىستەر ناتيجەلەرى بويىنشا 14 باللدان جوعارى العان جەكە جانە زاڭدى تۇلعالار جوعارى تاۋەكەل توبىنا جاتادى; جوسپارلانعان تەكسەرىستەر ناتيجەلەرى بويىنشا 4 تەن 13 بالل العان جەكە جانە زاڭدى تۇلعالار ورتا تاۋەكەل توبىنا جاتادى; جوسپارلانعان تەكسەرىستەر ناتيجەلەرى بويىنشا 0 دەن 3 بالل العان جەكە جانە زاڭدى تۇلعالار بولماشى تاۋەكەل توبىنا جاتادى. 7. مىناداي ەسەپتەلگەن باللدارعا سايكەس تاۋەكەل دارەجەلەرىن ايقىندايتىن ولشەمدەر: دەنە شىنىقتىرۋمەن جانە سپورتپەن جاتتىعۋ كەزىندە دەنە شىنىقتىرۋ-ساۋىقتىرۋ جانە سپورتتىق قىزمەت كورسەتۋشى جەكە جانە زاڭدى تۇلعالاردىڭ كىناسىنەن جاراقات العانى جانە زاقىمدانعانى ءۇشىن – 10 بالل; 30 %-دان جوعارى توزىعى جەتكەن دەنە شىنىق­تىرۋ جانە سپورتتىق وبەكتىلەردە قىزمەت كورسەتكەنى ءۇشىن – 7 بالل; تۇراقتى بىلىكتى جاتتىقتىرۋشى-وقىتۋشى قۇرامى بولماعانى ءۇشىن – 7 بالل; تۇراقتى مەديتسينالىق قىزمەت كورسەتە الماعانى ءۇشىن – 4 بالل; سانيتارلىق-گيگيەنالىق جانە ءورت قاۋىپسىزدىگى نورمالارى مەن تالاپتارىنا سايكەس كەلەتىندىگى تۋرالى قورىتىندىلارى بولماعانى ءۇشىن – 3 بالل. 8. ءبىر تاۋەكەل دارەجەسىندەگى توپتىڭ ىشىندە جەكە جانە زاڭدى تۇلعالاردى تەكسەرۋ ءۇشىن العان باللدارىنىڭ ەڭ ۇلكەن سوماسى ءبىرىنشى كەزەكتە ىرىكتەۋ­گە نەگىز بولىپ تابىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 22 ماۋسىمدا نورماتيۆتىك قۇقىقتىق كەسىمدەردى مەملەكەتتىك ءتىر­كەۋدىڭ تىزىلىمىنە № 7026 بولىپ ەنگىزىلدى.